داۋىت عولياتتى ٶز كۇشىمەن ەمەس،‏ ەحوباعا ارقا سۇيەگەندىكتەن جەڭدى (‏س1ج 17:‏45‏)‏.‏ ەحوبانىڭ ٶزى دە بار جۇرەگىمەن بەرىلگەن جانداردى قولداۋعا،‏ كۇش بەرۋگە اسىق (‏ش2ج 16:‏9‏)‏.‏ ولاي بولسا،‏ ٴ‌بىز ٶزىمىزدىڭ تاجىريبەمىزگە،‏ قابىلەتىمىزگە ەمەس،‏ ەحوبانىڭ بەرگەن كومەگىنە قالاي ارقا سۇيەي الامىز؟‏ سونىڭ ٷش جولى مىناداي:‏

• ٴ‌جيى-‏ٴ‌جيى دۇعا ەتىڭىز.‏ ٴ‌بىز جاسارىمىزدى جاساپ،‏ كەشىرىم سۇراۋ ٷشىن عانا ەمەس،‏ قاتەلىكتى جاساپ قويماس ٷشىن دە كۇش سۇراپ دۇعا ەتكەنىمىز ٴ‌جون (‏مت 6:‏12،‏ 13‏)‏.‏ ەحوباعا قابىلداپ قويعان شەشىمدەرىمە باتاڭدى بەرشى دەپ قانا دۇعا ەتپەي،‏ شەشىم قابىلداماس بۇرىن دا دانالىعى مەن باعىت-‏باعدارىن سۇراعانىمىز دۇرىس (‏جق 1:‏5‏)‏.‏

• كيەلى كىتاپ وقۋىڭىز بەن زەرتتەۋىڭىز جۇيەلى بولسىن.‏ كيەلى كىتاپتى كۇن سايىن وقىڭىز (‏زب 1:‏2‏)‏.‏ كيەلى كىتاپتان وقىعان وقيعالاردى وي ەلەگىنەن وتكىزۋ ٷشىن ۋاقىت ٴ‌بولىڭىز.‏ ولاردان ٴ‌تۇيىپ العانىڭىزدى ومىردە ىسكە اسىرىڭىز (‏جق 1:‏23—‏25‏)‏.‏ «بىلەمىز عوي» دەپ ٶز تاجىريبەڭىزگە ارقا سۇيەمەي،‏ قىزمەتكە دايىندالىپ شىعىڭىز.‏ ال قاۋىمنىڭ تولىق پايداسىن كورۋ ٷشىن الدىن الا دايىندالىڭىز.‏

• ەحوبانىڭ ۇيىمىمەن قىزمەتتەسىڭىز.‏ كەيىنگى كەزدەرى ۇيىمنان كەلىپ جاتقان نۇسقاۋلاردان حاباردار بولىڭىز جانە ولارعا بىردەن قۇلاق اسىڭىز (‏م4ج 9:‏17‏)‏.‏ اقساقالدار سىزگە اقىل-‏كەڭەس بەرىپ جاتسا،‏ ولاردى تىڭداڭىز (‏ەۆ 13:‏17‏)‏.‏

‏«‏سەس كورسەتكەننەن سەسكەنبەيمىز‏» دەگەن بەينەروليكتى كورىپ بولعان سوڭ،‏ كەلەسى سۇراقتارعا جاۋاپ بەرىڭىز:‏

‏• باۋىرلاستاردىڭ قانداي قورقىنىشتارى بولدى؟‏

‏• ولار سول قورقىنىشتارىن قالاي جەڭدى؟‏