جاستاردىڭ ساۋالدارى
جىنىستىق قاتىناسقا كوندىرگەندە، قالاي توتەپ بەرسەم بولادى؟
«مەكتەپتە وقىعاندا كەيبىر وقۋشىلار بىرەۋمەن توسەكتەس بولعانىن ايتىپ ماقتاناتىن. مۇندايدى ىستەمەگەنىڭ ٷشىن كەيدە ٶزىڭدى كىنالى دە سەزىنىپ قالاسىڭ. ەلدەن ەرەكشە بولۋ كىمگە ۇنايدى دەيسىز» (يلان، 21 جاس).
سەن ەلدەن ەرەكشە بولعاندىقتان باسقالار سەنى وسىنداي ىسكە قويماي دا قويماي كوندىرگەن بە؟
سەنىڭ سۇيىكتى جىگىتىڭ يا قىزىڭ ونىمەن توسەكتەس بولۋعا كوندىرگەن بە؟
كەيدە ادامدى بىرەۋ كوندىرۋى مۇمكىن، ال كەيدە ادامنىڭ سوعان قالاۋى تارتىپ تۇرادى. مۇندايدا قالاي ارەكەت ەتۋ كەرەكتىگىنە قاتىستى وسى ماقالادا جاقسى كەڭەستەر بار. سول كەڭەستەر ساعان دۇرىس شەشىمگە كەلۋگە كومەكتەسەدى.
وتىرىك پەن شىندىق
وتىرىك. مەنەن باسقاسىنىڭ ٴبارى بىرەۋمەن توسەك قاتىناسىنا تۇسكەن.
شىندىق. 18 جاسار بالالاردىڭ اراسىندا ٴبىر زەرتتەۋ جۇرگىزىلدى. سول زەرتتەۋگە ساي، ٷش بالانىڭ ەكەۋى بىرەۋمەن توسەكتەس بولعانىن ايتتى. ال ٵر ٷشىنشى بالا، ياعني وتىز پايىزدان كوبى ەشكىممەن بولماعانىن ايتقان ەكەن. دەمەك، سەنەن باسقالارى دا ەشكىممەن توسەك قاتىناسىنا تۇسپەگەن.
وتىرىك. جىنىستىق جاقىندىق ەكى ادامدى جاقىنداستىرادى.
شىندىق. كەيبىر جىگىتتەر ٴجۇرىپ جۇرگەن قىزدارىن كوندىرۋ ٷشىن وسى سوزدەردى ايتادى، ٴبىراق بۇل ولاي ەمەس. ويتكەنى ٴجيى جىگىتتەر قىزىمەن جاقىنداسقاننان كەيىن، ولاردى تاستاپ كەتىپ جاتادى. ال «مەنى سۇيەدى-اۋ، تىم بولماسا ۇناتادى-اۋ» دەپ ويلاعان قىزدىڭ بولسا جۇرەگى جارالانادى a.
وتىرىك. كيەلى كىتاپ جىنىستىق قاتىناسقا قارسى.
شىندىق. كيەلى كىتاپتا جىنىستىق قاتىناس جامان دەپ ايتىلماعان. ٴبىراق ونىڭ قىزىعىن تەك ەرلى-زايىپتىلار عانا كورۋ كەرەك دەلىنگەن (مۇسانىڭ 1-جازباسى 1:28؛ قورىنتتىقتارعا 1-حات 7:3).
وتىرىك. كيەلى كىتاپتىڭ تالاپتارى ٶمىرىڭدى قارا تۇنەك قىلادى.
شىندىق. نەكەگە دەيىن جىنىستىق قاتىناسقا ەشكىممەن تۇسپەي كۇتە تۇرساڭ، وندا ٶمىرىڭ جارقىن، الدەقايدا باقىتتى بولادى. ويتكەنى وندايعا بارمايتىن ادامنىڭ ارتىق ۋايىمى، «نە ٷشىن ىستەدىم دەگەن» وكىنىشى مەن قورقىنىشى بولمايدى.
توقسان اۋىز ٴسوزدىڭ توبىقتاي ٴتۇيىنى: نەكەگە دەيىن جىنىستىق قاتىناسقا بارماعاندار بۇنىڭ ەش زيانىن كورگەن جوق، ال نەكەگە دەيىن جىنىستىق قاتىناسقا تۇسكەندەر سونىڭ كوپ زاردابىن كوردى.
قالاي توتەپ بەرۋگە بولادى؟
جاقسى مەن جامانعا قاتىستى ۇستانىمىڭنان تايما. كيەلى كىتاپتا اقىل-ويى تولىسقان ادامدار جايلى ايتىلادى. ولار «جامان مەن جاقسىنى اجىراتا الۋ» ٷشىن اقىل-ويلارىن ۇنەمى جاتتىقتىرىپ وتىرادى. سوندىقتان ولار نەنىڭ جاقسى، ال نەنىڭ جامان ەكەنىن اجىراتا الادى (ەۆرەيلەرگە 5:14). ولاردىڭ ۇستانىمدارى نىق، سوندىقتان ولاردى جامان ىسكە كوندىرگەن كەزدە وڭايلىقپەن كونە سالمايدى.
«مەن دۇرىس نارسەنى ىستەۋ ٷشىن جانە اتىما كىر كەلمەس ٷشىن، وتە كوپ كۇش سالامىن. قانداي دا ٴبىر جاعداي جاقسى اتىما كىر كەلتىرەدى-اۋ دەپ سەزىپ قالسام، ونداي جاعدايدان قاشامىن» (اليسا، 16 جاس).
ويلانىپ كور: باسقالاردىڭ سەن جايلى نە ويلاعانىن قالايسىڭ؟ بىرەۋدىڭ كوڭىلىنەن شىعۋ ٷشىن عانا وسى ۋاقىتقا دەيىن جيناپ كەلگەن ابىرويىڭدى ايرانداي توككەنىڭ ٴجون بولا ما؟
سالدارىن ويلا. كيەلى كىتاپتا بىلاي دەلىنگەن: «ادام نە ەكسە، سونى ورادى» (عالاتتىقتارعا 6:7). الداعى ٶمىرىڭ جايلى ويلاپ كورشى. سەنى جىنىستىق قاتىناسقا كوندىرگەن ادامعا سەن بەرىلىپ قالساڭ، سەنىڭ دە، ونىڭ دا ٶمىرى كۇرت وزگەرۋى مۇمكىن. b
«نەكەگە دەيىن جىنىستىق قاتىناسقا تۇسكەن ادام ٴجيى ٶزىن كىنالى سەزىنەدى، ىستەگەنىنە وكىنەدى جانە بىرەۋدىڭ سۇيىكتىسى ەمەس، پايدالانىپ كەتكەن ادامداي سەزىنەدى. بۇل ازداي، جۇكتى بولىپ قالۋى مۇمكىن نەمەسە جىنىستىق جولمەن بەرىلەتىن اۋرۋ جۇقتىرۋى مۇمكىن» (سيەننا، 16 جاس).
ويلانىپ كور: ٴبىر كىتاپتا بىلاي جازىلعان: «سەن دوس دەپ جۇرگەن ادامدارىڭ سەنى جارالايتىن ىسكە كوندىرەتىن بولسا، ولارمەن ارالاسىپ، ايتقاندارىن تىڭداۋ كەرەك پە؟ ونداي ادامداردى دوس دەۋگە بولا ما؟» («Sex Smart»)
دۇرىس كوزقاراستا بول. جىنىستىق قاتىناس وزدىگىنەن جامان نارسە ەمەس. سوندىقتان كيەلى كىتاپتا ەرلى-زايىپتىلار سونىڭ قىزىعىن كورۋ كەرەك دەپ جازىلعان (ناقىل سوزدەر 5:18، 19).
«جىنىستىق قاتىناس قۇدايدىڭ ادامدار ٷشىن بەرگەن سيى. ٴبىراق ول تەك ەرلى-زايىپتىلار ٷشىن عانا بەرىلگەن» (دجەرەمي، 17 جاس).
ويلانىپ كور: كۇندەردىڭ كۇنىندە سەن نەكەگە تۇرعان سوڭ، جىنىستىق قاتىناستىڭ قىزىعىن كورەسىڭ. سول كەزدە ول ساعان قايعى، وكىنىش، اۋرۋ ەمەس، تەك قانا قۋانىش سيلايتىن بولادى.
قىزىقتى بولار مالىمەتتەر
جاستاردىڭ ساۋالدارى
پاكتىكتى ساقتاۋ انتى دەگەن نە؟
پاكتىكتى ساقتاۋ انتى نەكەگە دەيىنگى جىنىستىق قاتىناستان اۋلاق بولۋعا كومەكتەسە مە؟
فلوماستەرلىك انيماسيا
قۇرداستاردىڭ قىسىمىنا توتەپ بەر!
قۇرداستاردىڭ قىسىمىنا توتەپ بەرۋگە كومەكتەسەتىن ٴتورت قادام جايلى ٴبىل.
