جاستاردىڭ ساۋالدارى
ورالدى سەكس كادىمگى سەكس پە؟
اقش-تىڭ اۋرۋلاردى باقىلاۋ مەن الدىن الۋ ورتالىعىنىڭ مالىمدەۋىنشە، 15 تەن 19 عا دەيىنگى جاسوسپىرىمدەر اراسىندا جۇرگىزىلگەن ساۋالناماعا ساي، ولاردىڭ جارتىسىنا جۋىعى ورالدى سەكسپەن اينالىسقان ەكەن. ورالدى سەكس تاقىرىبىنا كىتاپ جازعان شارلين ازام بىلاي دەيدى: «جاسوسپىرىمدەرگە [ورالدى سەكس تۋرالى] ايتساڭ، «وندا تۇرعان ەشتەڭە جوق» دەگەن ٴسوزدى ەستيسىڭ. نەگىزىندە ولار مۇنى ناعىز سەكس دەپ ەسەپتەمەيدى» («Oral Sex Is the New Goodnight Kiss»).
سەن نە ويلايسىڭ؟
كەلەسى سۇراقتارعا «ٴيا» نە «جوق» دەپ جاۋاپ بەر:
ورالدى سەكسپەن اينالىسقان قىز جۇكتى بولىپ قالا ما؟
ٴيا.
جوق.
ورالدى سەكستىڭ دەنساۋلىققا زيانى بار ما؟
ٴيا.
جوق.
ورالدى سەكس كادىمگى سەكس پە؟
ٴيا.
جوق.
ايعاقتار نە دەيدى؟
ٶز جاۋاپتارىڭدى تومەندەگىلەرمەن سالىستىرىپ كور:
ورالدى سەكسپەن اينالىسقان قىز جۇكتى بولىپ قالا ما؟
جاۋاپ: جوق. جاستاردىڭ ونى قاۋىپسىز دەپ جاڭساق ويلايتىندارىنىڭ ٴبىر سەبەبى — وسى.
ورالدى سەكستىڭ دەنساۋلىققا زيانى بار ما؟
جاۋاپ: ٴيا. ورالدى سەكسپەن اينالىساتىن ادام A نە B گەپاتيتىن، سۇيەل، سوز، ۇشىق، ايتۆ، مەرەز اۋرۋلارىن جۇقتىرىپ الۋى مۇمكىن.
ورالدى سەكس كادىمگى سەكس پە؟
جاۋاپ: ٴيا. وزگە ادامنىڭ جىنىس مۇشەلەرىنە قاتىستى جاسالاتىن ارەكەتتەردىڭ ٴبارى سەكسپەن اينالىسۋ بولىپ ەسەپتەلەدى. بۇعان كادىمگى جىنىستىق قاتىناس، ورالدى جانە انالدى سەكس، باسقا ادامعا ماستۋرباسيا جاساۋ دا جاتادى.
نەگە بۇل ماڭىزدى ماسەلە؟
ورالدى سەكسكە قاتىسى بار كەيبىر تارماقتاردى قاراستىرىپ كورەيىك.
كيەلى كىتاپتا بىلاي دەلىنگەن: «قۇداي سەندەردىڭ قاسيەتتى بولعاندارىڭدى قالايدى، سوندىقتان ازعىندىقتان اۋلاق بولىڭدار» (سالونيكالىقتارعا 1-حات 4:3).
ٴتۇپنۇسقا تىلىنەن «ازعىندىق» دەپ اۋدارىلعان ٴسوز — ورالدى جانە انالدى سەكستى، باسقا ادامعا ماستۋرباسيا جاساۋدى قوسا العاندا — نەكەدەن تىس جاسالعان بارلىق ٴينتيمدى قاتىناسقا نۇسقايدى. ازعىندىق جاساعان ادام مۇنىڭ اشتى سالدارىن تارتادى. ولاردىڭ ەڭ اۋىرى — قۇدايمەن قارىم-قاتىناستىڭ بۇزىلۋى (پەتىردىڭ 1-حاتى 3:12).
كيەلى كىتاپتا بىلاي دەلىنگەن: «ازعىندىق جاسايتىن ادام ٶز دەنەسىنە قارسى كۇنا ىستەيدى» (قورىنتتىقتارعا 1-حات 6:18).
ورالدى سەكسپەن اينالىسۋ تاندىك جاعىنان دا، رۋحاني جاعىنان دا زالال كەلتىرەدى. سونداي-اق بۇل ادامنىڭ ەموسيالىق كۇيىنە كەرى اسەر ەتەدى. بۇعان قاتىستى ٴبىر كىتاپتا بىلاي دەلىنگەن: «ادامنىڭ ٶزىن بىرەۋ قولدانىپ كەتكەندەي سەزىنۋى، وپىق جەۋى نە دارمەنسىز كۇي كەشۋى — تەك ۆاگينالدى جاقىنداسۋعا عانا ٴتان نارسە ەمەس. ورىنسىز جاعدايدا اينالىسقان سەكستىڭ كەز كەلگەن ٴتۇرى جاعىمسىز سەزىمدەر تۋدىرادى. سەكستىڭ اتى — سەكس» («Talking Sex With Your Kids»).
كيەلى كىتاپتا بىلاي دەلىنگەن: «مەن قۇدايلارىڭ ەحوبامىن. مەن سەندەرگە پايدالىنى ۇيرەتەمىن» (يشايا 48:17).
قۇدايدىڭ جىنىستىق قاتىناسقا قاتىستى زاڭدارى سەن ٷشىن شىنىمەن پايدالى ەكەنىنە سەنەسىڭ بە؟ الدە ولاردى شەكتەۋ دەپ قابىلدايسىڭ با؟ جاۋاپ بەرۋىڭە وڭاي بولۋ ٷشىن، كولىك ۇزىلمەيتىن كوشەگە ورناتىلعان باعدارشام، جىلدامدىق شەكتەۋى مەن «توقتا» دەگەن بەلگىلەر جايىندا ويلانىپ كورشى. بۇل بەلگىلەردى سەن شەكتەۋ دەپ قاراستىراسىڭ با، الدە قورعانىش دەپ ەسەپتەيسىڭ بە؟ سەن نەمەسە باسقا ٴبىر جۇرگىزۋشى ولاردى ەلەمەسە نە بولادى؟
جول بەلگىلەرى ەركىندىگىڭدى شەكتەگەنمەن، سەنى قورعايدى. سول سياقتى قۇداي زاڭدارى دا شەكتەۋلەر قويعانمەن، جاماندىقتان امان ساقتايدى
قۇدايدىڭ تالاپتارى دا سونداي: ولاردى ەلەمەيتىن بولساڭ، ەككەن جەمىسىڭدى وراسىڭ (عالاتتىقتارعا 6:7). جىنىستىق قاتىناس تۋرالى ٴبىر كىتاپتا: «ۇستانىمدارىڭ مەن قۇندىلىقتارىڭدى ەلەمەي، ٶزىڭ بۇرىس دەپ ەسەپتەيتىن ىستەردى قانشالىقتى كوپ ىستەسەڭ، ٶزىڭدى سونشالىقتى از قۇرمەتتەيسىڭ» («Sex Smart»). ال قۇدايدىڭ تالاپتارىنا ساي ٶمىر سۇرسەڭ، رۋحىڭنىڭ بەرىك ەكەنىن كورسەتەسىڭ. بۇعان قوسا، ار-ۇجدانىڭدى تازا ساقتايسىڭ (پەتىردىڭ 1-حاتى 3:16).
قىزىقتى بولار مالىمەتتەر
جاستاردىڭ ساۋالدارى
جىنىستىق قاتىناسقا كوندىرگەندە، قالاي توتەپ بەرسەم بولادى؟
جىنىستىق قاتىناس جايلى ايتىلاتىن وتىرىك پەن شىندىق جايلى وقىپ كور. بۇل ماقالا ساعان دۇرىس شەشىم قابىلداۋعا كومەكتەسەدى.
