جاستاردىڭ ساۋالدارى
پاكتىكتى ساقتاۋ انتى دەگەن نە؟
پاكتىكتى ساقتاۋ انتى دەگەن نە؟
پاكتىكتى ساقتاۋ انتى دەگەن — نەكەگە دەيىن جىنىستىق قاتىناسقا تۇسپەۋ جايلى جازباشا نە اۋىزشا تۇردە بەرىلەتىن ۋادە.
1990-جىلدارى پاك بولىپ قالۋ جايلى انت بەرۋ جاستار اراسىندا كەڭىنەن تارالدى. ويتكەنى سول كەزدەرى قۇراما شتاتتارداعى وڭتۇستىك باپتيستەر كونۆەنسياسى «شىن ماحاببات كۇتە تۇرادى» اتتى باعدارلاماعا باستاۋ بەردى. بۇل باعدارلامانىڭ ماقساتى — كيەلى كىتاپ قۇندىلىقتارى مەن قۇربى-قۇرداستاردىڭ جاقسى ىقپالى ارقىلى جاستارعا نەكەگە دەيىنگى جىنىستىق قاتىناسقا «جوق!» دەۋگە تالپىندىرۋ ەدى.
بۇدان كەيىن تاعى ٴبىر سونداي باعدارلاما جۇرگىزىلدى. بۇل باعدارلاماعا ساي، پاكتىك انتىن بەرگەندەرگە ٴبىر-ٴبىر كۇمىس ساقينادان تاراتىلدى. بۇل ولاردىڭ نەكەگە دەيىن توسەك قاتىناسىنان اۋلاق بولۋ كەرەكتىگىن ەسىنە سالىپ تۇرۋ ٷشىن جاسالدى.
بۇل انت ٶز ماقساتىنا جەتىپ جاتىر ما؟
مۇنىڭ جاۋابى كىمنەن سۇراعانىڭا بايلانىستى.
كريستينا كيم مەن روبەرت رەكتور ەسىمدى زەرتتەۋشىلەردىڭ ايتۋىنشا، «بىرنەشە زەرتتەۋگە ساي، پاكتىك انتىنىڭ ارقاسىندا جاسوسپىرىمدەر اراسىنداعى جىنىستىق قاتىناس سانى ازايا تۇسكەنى انىقتالدى».
گۋتماككەر ينستيتۋتىنىڭ زەرتتەۋىنە ساي، «پاكتىك انتىن بەرگەن جاستار مۇنداي انت بەرمەگەن جاستار سياقتى جىنىستىق قاتىناسقا ٴتۇسىپ ٴجۇر».
نەگە زەرتتەۋلەردىڭ ناتيجەسى ٴبىر-بىرىنە قاراما-قايشى؟
كەيبىر زەرتتەۋلەردە جىنىستىق قاتىناسقا قاتىستى نانىمدارى ٵرتۇرلى جەتكىنشەكتەر اراسىندا انت بەرگەندەر مەن بەرمەگەندەر سالىستىرىلدى.
وزگە زەرتتەۋلەردە جىنىستىق قاتىناسقا قاتىستى نانىمدارى بىردەي جەتكىنشەكتەر اراسىندا انت بەرگەندەر مەن بەرمەگەندەر سالىستىرىلدى.
ال سوڭعى زەرتتەۋلەر نە دەيدى؟ جاسوسپىرىمدەردىڭ دەنساۋلىق ماسەلەلەرىنىڭ مامانى — دوكتور دجانەت روزەنباۋم بەس جىلدان كەيىن بىلاي دەپ مالىمدەدى: «جىنىستىق قاتىناس ماسەلەسىندە پاكتىك انتىن بەرگەندەر مەن بەرمەگەندەردىڭ اراسىندا ەشبىر ايىرماشىلىق جوق».
الدەقايدا ٴتيىمدى جول
پاكتىكتى ساقتاۋ انتىن بەرۋ باعدارلامالارى يگى ماقساتپەن قۇرىلعان. ٴبىراق ٴبىر كەمشىلىگى — ولار سول انتقا ساي ٶمىر سۇرۋگە قاجەتتى قۇندىلىقتاردى ۇيالاتپايدى. دوكتور روزەنباۋمنىڭ ايتۋىنشا، پاك بولۋدى ۋادە ەتكەندەر «بەرگەن انتتارىنىڭ مانىنە تەرەڭ بويلامايدى... ادامنىڭ ٶزىن جۇگەندەۋى قانداي دا ٴبىر باعدارلاماعا قاتىسقانىنا ەمەس، ٶزىنىڭ جەكە ۇستانىمىنا بايلانىستى بولۋ كەرەك».
كيەلى كىتاپ ادامدى وسىنداي جەكە ۇستانىممەن ٶمىر سۇرۋگە تالپىندىرادى. مۇنداي ۇستانىمعا ادام جازباشا نە اۋىزشا انت بەرۋ ارقىلى ەمەس، «جاقسى مەن جاماندى اجىراتۋ ٷشىن» ٴتۇيسىنۋ قابىلەتىن ماشىقتاندىرۋ ارقىلى يە بولا الادى (ەۆرەيلەرگە 5:14). سايىپ كەلگەندە، جاستار تەك اۋرۋلار مەن جۇكتىلىكتەن اۋلاق بولۋ ٷشىن عانا ەمەس، نەكەنىڭ نەگىزىن قالاعان قۇدايدى قۇرمەتتەۋ ٷشىن پاكتىك ساقتايدى (ماتاي 5:19؛ 19:4—6).
كيەلى كىتاپتىڭ تالاپتارى ٴبىزدىڭ پايدامىز ٷشىن جازىلعان (يشايا 48:17). قانداي جاستا بولماسىن، ادامداردىڭ ٴبارى قۇدايدىڭ «ازعىندىقتان اۋلاق بولىڭدار!» دەگەن بۇيرىعىنا مويىنسۇنۋ ٷشىن ەرىك-جىگەر دامىتا الادى (قورىنتتىقتارعا 1-حات 6:18). مۇنداي ادامدار نەكەگە دەيىنگى جىنىستىق قاتىناستان كەلەتىن ۋايىم مەن وكىنىشتەن اۋلاق بولىپ، وتاۋ قۇرعان كەزدە نەكەلىك ٶمىردىڭ ٴلاززاتىن كورەدى.
قىزىقتى بولار مالىمەتتەر
جاستاردىڭ ساۋالدارى
جىنىستىق قاتىناسقا كوندىرگەندە، قالاي توتەپ بەرسەم بولادى؟
جىنىستىق قاتىناس جايلى ايتىلاتىن وتىرىك پەن شىندىق جايلى وقىپ كور. بۇل ماقالا ساعان دۇرىس شەشىم قابىلداۋعا كومەكتەسەدى.
قۇرداستارىڭ نە دەيدى؟
قۇرداستارىڭ ناپسىلىك قول سۇعۋ جايلى نە دەيدى؟
بەس قىزدىڭ ناپسىلىك قول سۇعۋ جايلى نە دەيتىنىن جانە بۇعان قالاي قارسى تۇرۋعا بولاتىنىن قاراپ كور.
