ەحوبا كۋاگەرلەرى نەلىكتەن سوعىسقا قاتىسپايدى؟
كەلەسى سەبەپتەرمەن ەحوبا كۋاگەرلەرى سوعىسقا قاتىسپايدى:
قۇدايعا مويىنسۇنادى. كيەلى كىتاپتا قۇدايدىڭ قىزمەتشىلەرى جايلى «نايزالارىن وراققا اينالدىرادى» جانە «سوعىسۋدى تىپتەن ۇيرەنبەيدى» دەپ جازىلعان (يشايا 2:4).
يسا پايعامبارعا مويىنسۇنادى. يسا پايعامبار ٴبىر ەلشىسىنە بىلاي دەگەن: «سەمسەرىڭدى قىنابىنا سال! قولىنا سەمسەر العانداردىڭ ٴبارى سەمسەردەن ولەر» (ماتاي 26:52). وسىلايشا ول سوڭىنان ەرگەن ٸزباسارلارى قارۋ ۇستامايتىنىن كورسەتتى.
يسا پايعامبار شاكىرتتەرىنىڭ «وسى دۇنيەلىك ەمەس» ەكەنىن ايتقان. سوندىقتان ولار ساياسي ماسەلەدە بەيتاراپتىق ۇستانىمدى بەرىك ساقتايدى (جوحان 17:16). ولار اسكەري شارالارعا قارسىلىق كورسەتپەيدى جانە اسكەردە قىزمەت ەتۋدى تاڭداعاندارعا دا كەدەرگى جاسامايدى.
ادامداردى جاقسى كورەدى. يسا پايعامبار شاكىرتتەرىنە: «ٴبىر-ٴبىرىڭدى سۇيىڭدەر»،— دەپ بۇيىرعان (جوحان 13:34، 35). ولار ٶزارا سۇيىسپەنشىلىك تانىتا وتىرىپ، دۇنيەجۇزىلىك باۋىرلاستىقتى قۇراۋ كەرەك بولدى. مۇنداي باۋىرلاستار ٴبىر-بىرىمەن ەشقاشان سوعىسپايدى (جوحاننىڭ 1-حاتى 3:10—12).
يسانىڭ I عاسىرداعى ٸزباسارلارىن ۇلگى ەتەدى. «ٴدىن مەن سوعىس ەنسيكلوپەدياسىندا» يسانىڭ I عاسىرداعى ٸزباسارلارىنىڭ سوعىسقا قاتىسۋدان جانە اسكەردە قىزمەت ەتۋدەن باس تارتقانى باياندالعان. ولار سوعىسسا، يسانىڭ «جاۋلارىڭدى جاقسى كورىڭدەر» دەگەن وسيەتىنە قايشى كەلەتىندەرىن تۇسىنگەن. پەتەر ماينحولد دەگەن نەمىس ٴدىن مامانى I عاسىرداعى شاكىرتتەر ٷشىن يسانىڭ ٸزباسارى بولۋ مەن اسكەري ىستەرگە قاتىسۋ ٷش قايناسا دا سورپاسى قوسىلمايتىن ۇعىم بولعانىن ايتقان.
قوعامنىڭ يگىلىگى ٷشىن
ەحوبا كۋاگەرلەرىنىڭ قوعام ٷشىن قوسىپ جاتقان ۇلەستەرى زور، ٵرى تۇرىپ جاتقان ەلدەرىنە ەش قاۋىپ توندىرمەيدى. ولار مەملەكەتتىك بيلىككە قۇرمەت كورسەتىپ، كيەلى كىتاپتىڭ تومەندەگى نۇسقاۋلارىن ورىندايدى:
«ٵربىر جان بيلىگى بارلارعا باعىنسىن» (ريمدىكتەرگە 13:1)
«پاتشانىكىن پاتشاعا، ال قۇدايدىكىن قۇدايعا بەرىڭدەر!» (ماتاي 22:21)
مىنە، سوندىقتان دا ٴبىز زاڭعا باعىنامىز، سالىق تولەپ تۇرامىز جانە قوعامنىڭ يگىلىگى ٷشىن مەملەكەتتىڭ تاراپىنان جاسالىپ جاتقان ىستەرگە ۇلەس قوسامىز.
قىزىقتى بولار مالىمەتتەر
كيەلى كىتاپ تالىمدەرى
كيەلى كىتاپ كۋرسىن باستاپ كورىڭىز
قۇداي ٴسوزى — كيەلى كىتاپتى جەكە تالىمگەرمەن تالقىلاپ كورىڭىز. كۋرس تەگىن.