“Мектепті жек көремін!” Бәлкім, саған осындай сезім таныс шығар. Бірақ мектепті тастау ақылды шешім бе?

•  Кейбіреулер неге мектепті тастайды?

•  Артын ойла

•  Не істеуге болады?

•  Құрдастарыңның ой-пікірі

Мамандардың айтуынша, бұған көбінесе келесідей жайттар себеп болады:

• Сабақ қиын. “Үлгерімім нашарлап кетті. Маған тек төмен бағалар қояды”.

• Селқостық. “Мектепте берілетін білімнің түк пайдасы жоқ”.

• Қаражат мәселесі. “Ата-анама көмектесу үшін жұмыс істеуім керек”.

Киелі жазбаларда: “Парасатты әр қадамын ойлап басады”,— делінген (Нақыл сөздер 14:15). Мектептен кетсең, мұның салдары қандай болатыны туралы жақсылап ойлан.

Мыналар жөнінде ойланып көрші:

• “Мектепті тастасам, жақсы жұмыс таба аламын ба?”

  “Бір күні саған жұмыс тауып, бәлкім, отбасын асырау керек болатын шығар. Ал жұмыс берушілер кем дегенде орта білім жөніндегі аттестатты сұрайды. Сонда қайтесің?” (Джулия).

• “Мектепті тастасам, болашақтағы қиындықтарға дайын боламын ба?”

  “Мектеп ересек өмірге дайындайды. Онда адамдармен қарым-қатынас жасауды, азғыруларға қарсы тұруды және жұмысыңа ұқыпты болуды үйренесің” (Дэниэл).

• “Мектепті тастасам, ересек кезімде керек болатын қабілет-қасиеттерді дамыта аламын ба?”

  “Мектепте өтетін сабақтардың қазір пайдасы жоқ сияқты көрінер. Бірақ жасың 23-ке келіп, өз ақшаңды өзің қадағалауың керек болғанда, “математика сабағында ұйықтап отырмағаным қандай жақсы болды” деп ойлайсың” (Анна).

• Көмек сұра. Киелі жазбаларда айтылғандай, кеңесшілер көп болса, адам жетістікке жетеді (Нақыл сөздер 11:14). Үлгерімің нашарлап кетсе, ата-анаңнан, мұғаліміңнен не сенім арта алатын басқа ересек адамнан көмек сұра.

  “Сабақ қиын болып жүрсе, мұғаліммен сөйлес. Бәлкім, проблема мұғалімде деп ойлайтын шығарсың, бірақ онымен сөйлессең, ол саған керісінше көмектесуі мүмкін” (Эдвард).

• Болашақты ойла. Киелі кітапта: “Істің бастамасынан гөрі соңы артық”,— делінген (Уағыздаушы 7:8). Мектепті бітіргенде, сен одан тек білім емес, өмірде қажет болатын қасиеттер мен қабілеттерді де алып шығасың.

  “Ересек болғанда, эссе жазудың не емтиханға дайындалудың қажеті болмайды, бірақ мектепте жүргенде стресті жеңе білсең, болашақта кезігетін қиындықтарға да төтеп бере алатын боласың” (Вера).

• Басқа жолдарын қарастыр. Киелі кітапта: “Асығатын адам жоқшылыққа ұшырар”,— делінген (Нақыл сөздер 21:5). Мектепті тастаудан басқа амал жоқ деп ойлауға асықпа. Бәлкім, мектепті онлайн оқуға болатын шығар не кешкі мектепке бара аларсың.

  “Мектеп адамды еңбекке баулиды, қиындықтарды шешуді және өзгелермен тіл табысуды үйретеді. Сен өмір бойы мұның пайдасын көресің. Мектепті бітіргеніңе еш өкінбейсің” (Бенджамин).

Ойтүйін: Мектепті бітіріп шықсаң, ересек өмірге әлдеқайда дайын боласың.