Еремия 16:1—21
16 Ехоба маған тағы да сөзін арнап былай деді:
2 “Осы жерде әйел алып, ұл-қызды болма!
3 Себебі осында туылған ұл-қыздарға, оларды дүниеге әкелген шешелері мен өмір берген әкелеріне қатысты Ехоба мынаны айтады:
4 —Олар қатерлі дерттен өледі+. Өлгендерді жоқтайтын, жерлейтін ешкім болмайды. Олар жер бетінде қи іспетті жатады+. Семсердің жүзінен, аштықтан қырылып+, мәйіттері аспандағы құстар мен жердегі аңдарға жем болады.
5 Аза тұтып, тамақ беріп жатқан үйге кірме,Жоқтап, көңіл айту үшін онда барма+,— дейді Ехоба.
Өйткені мен бұл халықты тыныштығымнан,Айнымас сүйіспеншілігім мен мейірімімнен айырамын,— дейді Ехоба+.
6 Осы елдің ұлығы да, кішігі де қаза болады.
Олар жерлеусіз қалады, ешкім оларды жоқтамайды,Денесін тілгілеп, шашын тақырлап алмайды*.
7 Аза тұтып жатқандарға тамақ беретін,Оларды жұбататын адам болмайды.
Ата-анасының қазасына қайғырып жатқандарғаЖұбаныш тостағынан сусын ұсынатын да ешкім табылмайды.
8 Той-думан болып жатқан үйге кірме,Олармен бірге отырып, ішіп-жеме.
9 Өйткені Әскербасы Ехоба, Исраилдің Құдайы: —Мен сендердің күндеріңде, дәл көз алдарыңда осы жердегі шаттық пен қуаныштың үнін, күйеужігіт пен қалыңдықтың көңілді даусын өшіремін,— дейді+.
10 Сен мына халыққа осы сөздерді жеткізгенде, олар: —Неге Ехоба осындай зор алапаттың бәрін басымызға түсіремін деп жатыр? Ехоба Құдайымызға қарсы біз қандай қылмыс, қандай күнә жасадық?— деп сұрайды+.
11 Сонда халыққа былай де: —Ата-бабаларың мені тастап кетті+. Бөтен тәңірлерге еріп, құлшылық жасап, тағзым етті+. Олар мені тастап кетіп, заңымды орындамады,— дейді Ехоба+.—
12 Ал сендер ата-бабаларыңнан да асып түстіңдер+. Маған мойынсұнудың орнына, әрқайсысың қасарысып жүрек қалауларыңмен жүрсіңдер+.
13 Сондықтан сендерді осы жерден өздерің де, ата-бабаларың да білмейтін елге лақтырып тастаймын+. Сол жақта күні-түні бөтен тәңірлерге құлшылық етесіңдер+. Мен сендерге рақымшылық танытпаймын.
14 Алайда олар “Бұл — Исраил халқын Мысыр елінен алып шыққан Ехобаның тірі екеніндей хақ!”+ деп ант етпейтін күндер келе жатыр,— дейді Ехоба.—
15 Қайта, олар “Бұл — Исраил халқын солтүстіктен және өзі бытыратып жіберген елдерден алып келген Ехобаның тірі екеніндей хақ!” деп ант ететін болады. Оларды ата-бабаларына берген жеріме қайтып әкелемін+.
16 Міне, мен көптеген балықшыларды жіберіп отырмын,— дейді Ехоба.
Балықшылар оларды аулайды.
Сосын көптеген аңшыларды жіберемін,Аңшылар оларды әрбір тау-төбеден,Жартастың қуыстарынан іздеп табады.
17 Халқымның барлық іс-әрекеті көз алдымда,Ешқайсысы менен жасырын емес,Қылмыстары да назарымнан тыс қалмайды.
18 Алдымен олардың қылмысы мен күнәсінің есесін толық қайтарамын+,Себебі жансыз да жиренішті пұттарымен жерімді арамдап,Меншікті жерімді жексұрын нәрселерімен толтырды+”.
19 Уа, Ехоба, сен менің күш-қуатым және қорғанымсың,Қиын шақта бассауғалайтын панамсың+,Жердің түкпір-түкпірінен халықтар саған келіп:
“Ата-бабаларымыз жалған тәңірлерді*,Бос әурешілік пен түкке тұрғысыз нәрселерді мұра етті+”,— дейтін болады.
20 Пенде өзіне тәңірлер жасай ала ма?
Жасаса да, олары шынайы емес қой+.
21 “Сондықтан оларға тәлім беремін,Сол кезде күшім мен құдіретімді көрсетемін,Олар менің есімім Ехоба екенін білетін болады”.
Сілтемелер
^ Жолдан тайған Исраил халқы пұтқа табынушылардың жоқтау кезіндегі салт-жораларын ұстанса керек.
^ Сөзбе-сөз “жалғандықты; алдамшылықты”.
