Зәбүр 135:1—21
135 Ехобаны* мадақтаңдар!
Ехобаның есімін мадақтаңдар,Ехобаны мадақтаңдар, оның қызметшілері+,
2 Ехобаның үйінде,Құдайымыздың үйінің аулаларында тұрғандар, оны мадақтаңдар+!
3 Ехобаны* мадақтаңдар, өйткені Ехоба ізгі+.
Есімін ән-күймен мадақтаңдар, өйткені бұл жанға жағымды.
4 Ехоба* Жақыпты қызметшісі етіп,Исраилді ерекше меншігі етіп таңдады+.
5 Мен білемін, Ехоба ұлы,Иеміз құдай атаулының бәрінен жоғары+.
6 Ехоба көк пен жерде, теңіздер мен су тұңғиықтарындаӨзі қалағандардың бәрін жасады+.
7 Ол жердің шет-шетінен бұлттарды көтереді,Жаңбыр жаудырып, найзағай ойнатады*,Қоймаларынан желді алып шығады+.
8 Ол Мысырдағы адам мен малдыңТұңғыштарына өлім құштырды+.
9 Ей, Мысыр, перғауын мен оның күллі қызметшілері+,Ол саған қарсы белгілер мен кереметтер жіберді+.
10 Ол көптеген ұлттардың көзін құртты+,Күшті патшаларды өлтірді+:
11 Амор патшасы Сихонды+,Башан патшасы Огты да құртты+,Қанаханның бар патшалығын да жеңді.
12 Ал жерлерін мұралы иелік ретіндеХалқы Исраилдің меншігіне берді+.
13 Уа, Ехоба, сенің есімің мәңгі қалады,Уа, Ехоба, даңқың ұрпақтан ұрпаққа жайылады+.
14 Ехоба өз халқын қорғайды+,Қызметшілерін мүсіркеп аяйды+.
15 Өзге ұлттардың пұттары адам қолымен жасалған алтын мен күміс қана+.
16 Олардың ауыздары бар, бірақ сөйлей алмайды+,Көздері бар, бірақ көре алмайды.
17 Құлақтары бар, бірақ ести алмайды,Ауыздарынан дем де шықпайды+.
18 Осындай пұттарды жасайтындар да,Оларға арқа сүйейтіндер де дәл солар сияқты болады+.
19 Ей, Исраил үйі, Ехобаны мадақта,Харон үйі, Ехобаны мадақта!
20 Ей, Леуі үйі, Ехобаны мадақта+,Ехобадан қорқатындар, Ехобаны мадақтаңдар!
21 Ехоба Сионнан мадақталсын+,Иерусалимде мекендейтін ол+ мадақталсын!
Ехобаны* мадақтаңдар+!
Сілтемелер
^ Сөзбе-сөз “Ях”. Ях — Ехоба деген есімнің қысқа түрі.
^ Сөзбе-сөз “Ях”. Ях — Ехоба деген есімнің қысқа түрі.
^ Сөзбе-сөз “Ях”. Ях — Ехоба деген есімнің қысқа түрі.
^ Мүмкін: “Жаңбырдың қақпаларын ашады”.
^ Сөзбе-сөз “Ях”. Ях — Ехоба деген есімнің қысқа түрі.
