Зәбүр 147:1—20
147 Ехобаны* мадақтаңдар!
Құдайымызға мадақ әнін айтқан қандай жақсы!
Оны мадақтау жағымды, әрі ол бұған лайықты+.
2 Ехоба Иерусалимді қайта тұрғызып жатыр+,Ол Исраилдің бытырап кеткен тұрғындарын жинайды+.
3 Жүрегі жаралы жандарды сауықтырады,Жараларын байлап таңады.
4 Ол жұлдыздарды санайды,Әрқайсысын атымен атайды+.
5 Жаратқан Иеміз ұлы әрі аса құдіретті+,Оның түсінігі түпсіз терең+.
6 Ехоба момындарды жоғарылатады+,Ал зұлымдарды жерге құлатады.
7 Ехобаға ризашылық әнін айтыңдар,Құдайымызға арфамен мадақ әнін шырқаңдар.
8 Ол көкті бұлттармен жабады,Жерге жаңбыр жаудырады+,Тауларда көк шөп қаулатады+.
9 Жануарларға да,Қарғаның ашыққан балапандарына да азық береді+.
10 Ол тұлпардың күшіне таңғалмайды+,Адамның жүйріктігіне де сүйсіне қарамайды+.
11 Ехобаға өзінен қорқатындар+,Айнымас сүйіспеншілігіне үміт артатындар ұнайды+.
12 Уа, Иерусалим, Ехобаны даңқта!
Уа, Сион, Құдайыңды мадақта!
13 Ол қақпаларыңның ысырмаларын берік қылады,Балаларыңа бата жаудырады.
14 Жеріңе тыныштық сыйлайды+,Сені таңдаулы бидаймен тойындырады+.
15 Жер бетіне бұйрығын жолдайды,Оның сөзі лезде тарайды.
16 Жерге аппақ жүндей қар түсіреді+,Қырауды күлдей шашып жібереді+.
17 Бұршақты моншақтай жерге шашады+.
Жіберген аязына кім шыдай алады+?
18 Ол бұйрығын жіберсе, мұз ериді.
Жел соқтырса+, су ағады.
19 Құдай сөзін Жақыпқа жария етеді,Нұсқаулары мен үкімдерін Исраилге жеткізеді+.
20 Мұны ол өзге халықтың ешқайсысына істеген емес+.
Өзге халықтар оның үкімдерін мүлдем білмейді.
Ехобаны* мадақтаңдар+!
Сілтемелер
^ Сөзбе-сөз “Ях”. Ях — Ехоба деген есімнің қысқа түрі.
^ Сөзбе-сөз “Ях”. Ях — Ехоба деген есімнің қысқа түрі.
