Зәбүр 53:1—6
Ән-күй жетекшісіне. Махалат* мәнерінде айтылуға арналған. Маскил*. Дәуіттің жыры.
53 Ақымақ адамдар іштей: “Ехоба жоқ!”— дейді+.
Олардың әділетсіз істері бұзық әрі жеркенішті;Жақсылық жасайтын ешкім жоқ+.
2 Құдай көктен адамзатқа қарайды+,Ехоба өзін іздейтін түсінігі бар адамды көруді қалайды+.
3 Бәрі теріс жолға түсіп,Бірі қалмай бұзылып кетті.
Жақсылық жасайтын ешкім жоқ,Тіпті біреуі де жоқ+.
4 Зұлымдық жасайтындар шынымен түсінбей ме?!
Олар халқымды нан жегендей жалмайды,Өздері Ехобаға дұға айтпайды+.
5 Бірақ олардың бойын қатты үрей,Бұрын-соңды сезініп көрмеген үрей билейді*;Өйткені Құдай саған шабуылдайтындардың сүйегін шашып тастайды.
Сен оларды масқара қыласың, себебі Ехоба олардан бас тартты.
6 Исраилге құтқарылу Сионнан келсе ғой+!
Ехоба тұтқындағы халқын қайта жинағанда,Жақып қуанып, Исраил шаттанса ғой!
Сілтемелер
^ Түсіндірмені қараңыз.
^ Түсіндірмені қараңыз.
^ Мүмкін: “Үрейленбейтін нәрседен үрейленеді”.
