Ишая 15:1—9
-
Моаб туралы ауыр хабар (1—9)
15 Моаб туралы ауыр хабар+:
Моабтағы Ар қаласының+ үні өшті,Өйткені бір түн ішінде тас-талқаны шықты!
Моабтағы Кир қаласының+ үні өшті,Өйткені бір түн ішінде тас-талқаны шықты!
2 Моаб жылау үшін ғибадатханаға, Дибонға өрледі+,Ғибадат төбелеріне көтерілді,Небо+ мен Медебаны+ жоқтап зар еңіреді.
Халқы бірі қалмай шаштарын да, сақалдарын да қырып тастады+.
3 Олар көшелерде үстеріне азалы киім киіп,Үй шатырлары мен алаңдарда зар еңіреп жүр.
Жылаған күйі төмен түсіп келеді+.
4 Хешбон мен Елалех+ айғайлап жатыр,Дауыстары Яхасқа+ дейін естіліп тұр.
Сондықтан Моабтың қаруланған жігіттері айғай салуда,Жандары қалмай дірдек қағуда.
5 Моабты ойлап жүрегім қан жылайды.
Оның қашқындары Сиғор+ мен Еглат-Шелишияға+ дейін жетті.
Олар жылаған күйі Лухитке өрлеп барады,Апатқа ұшырағандарына қайғырып, Хоронаим жолында зар илеп барады+.
6 Нимримнің суы тартылып қалды,Көк шөп күйіп кетті.
Шөптен шөп, өсімдіктен өсімдік қалмады.
7 Сондықтан олар жиған-тергені мен байлықтарынан қалғанын алып келе жатыр;Олар теректі сайдан өтіп келе жатыр.
8 Моаб жерінен жылаған дауыстың жаңғырығы естіледі+.
Боздаған дауыс Еглаимге дейін жетіп жатыр,Боздаған дауыс Бегер-Елімге дейін жетіп жатыр.
9 Өйткені Димонның суы қан боп ағуда.
Бірақ мен Димонға тағы мынаны істеймін:
Моаб халқының аман қалғандарынаЖәне сол елдегі тамтыққа арыстандар шабуылдайды+.
