Ишая 28:1—29
28 Ефрем+ маскүнемдерінің дандайсыған тәжі* қасіретке қалады,Шарапқа салынғандардың құнарлы аңғарының басындағыОның салтанатты әсемдігінің солғын тартқан гүлі қасіретке қалады!
2 Міне, Ехоба мықты да қуатты біреуді жібереді.
Ол бұршақты дауыл, жойқын құйын сияқты,Ғаламат тасқын әкелетін екпінді жел іспетті,Оны бар күшімен жерге атып ұрады.
3 Ефрем маскүнемдерінің дандайсыған тәждеріАяқтың астында тапталатын болады+.
4 Құнарлы аңғардың басындағыОның салтанатты әсемдігінің солғын тартқан гүліЖаз келмей тұрып піскен інжір жемісіндей болады,Көрген адам оны жұлып алып, жеп қояды.
5 Сол күні Әскербасы Ехоба халқының тамтығы үшін салтанатты тәж әрі әсем гүлдесте болады+.
6 Ол төрелік ететіндерге әділдік рухын, қақпа алдында жауға тойтарыс беретіндерге күш дарытады+.
7 Мыналар да шараптың кесірінен жолдан адасты,Ішіп алып теңселіп жүр:
Діни қызметкер мен пайғамбар ішімдікке салынып адасты,Шарап оларды есінен аудырды,Олар ішіп алып теңселіп жүр.
Көрген аяндары жолдан адастырды,Олар дұрыс шешім қабылдай алмайды+.
8 Дастарқандары жеркенішті құсыққа толы,Былғанбаған жері жоқ.
9 Олар былай дейді: “Мынауың кімге білім бермекші?
Хабарын кімге түсіндірмекші?
Әлде біз жаңа ғана ана бауырынан айырылған,Жаңа ғана емшектен шығарылған сәбиміз бе?!
10 Бізге бар айтатыны:
“Өсиет үстіне өсиет, өсиет үстіне өсиет,Заң үстіне заң, заң үстіне заң*+,Кішкене мына жерде, кішкене ана жерде*”.
11 Сондықтан ол бұл халыққа хабарын кекештер мен шет тілде сөйлейтіндер арқылы жеткізеді+.
12 Кезінде ол осы халыққа: “Бұл — тынығатын орын. Шаршаған адам тынықсын; бұл — бой сергітетін орын”,— деген еді, бірақ олар тыңдағысы келмеді+.
13 Сол себепті Ехобаның мына сөзі орындалады:
“Өсиет үстіне өсиет, өсиет үстіне өсиет,Заң үстіне заң, заң үстіне заң*+,Кішкене мына жерде, кішкене ана жерде”.
Осылайша олар жүргенде сүрініп, шалқасынан құлайды,Мертігеді, торға түсіп, ұсталады+.
14 Ей, мақтаншақтар, мына халықтың Иерусалимдегі басшылары!
Ендеше, Ехобаның сөзін тыңдаңдар!
15 Сендер былай дейсіңдер:
“Біз Өліммен келісім жасастық+,Көрмен* келісімшартқа отырдық*.
Ғаламат тасқын болғанда, бізге жуымай, айналып өтеді.
Өйткені біз өтірікті пана,Жалғандықты жасырынатын таса қылдық+”.
16 Сондықтан Әлемнің Әміршісі Ехоба былай дейді:
“Мен Сионға іргетас етіп тексерілген тасты+,Берік іргетас етіп бағалы бұрыштық тасты*+ қойып жатырмын+.
Оған сенім артқан адам еш абыржымайды+.
17 Мен әділдікті өлшеуіш жіп+,Туралықты тіктегіш қыламын+.
Өтіріктің панасын бұршақ жояды,Жасырынатын тасасын су басады.
18 Өліммен жасасқан келісімдерің бұзылады,Көрмен* отырған келісімшарттарың күшін жояды+.
Ғаламат тасқын болғанда,Тас-талқандарың шығады.
19 Тасқын болған сайын, сендерді шайып кетіп отырады+.
Өйткені ол күн демей, түн демей әр күні таңертең болып тұрады.
Олар қорыққандықтан ғана естігендерін түсінеді*”.
20 Көсілейін десе, төсектері тым қысқа,Оранып жамылайын десе, көрпелері тым енсіз.
21 Ехоба өзінің ісін, ерекше ісін, жүзеге асыру үшін,Өзінің жұмысын, әдеттен тыс жұмысын, атқару үшін+,Перасим тауындағыдай орнынан көтеріледі,Гибеон маңындағы аңғардағыдай түрегеледі+.
22 Енді мазақтауды қойыңдар+,Әйтпесе бұғауларың одан бетер қысылады.
Өйткені мен Әлемнің Әміршісі Әскербасы ЕхобаданБүкіл елді* жоюды шешкенін естідім+.
23 Үніме құлақ түріңдер,Айтқандарыма назар салыңдар.
24 Диқан тұқым сеппей, күні бойы жер жыртып,Топырақ қопсытып, оны тырмалай бере ме+?
25 Топырақты тегістеп болған соң,Қара зире шашып, зире сеуіп тастайды ғой?
Белгіленген жерлерге бидай, тары, арпа,Ал танабының жиегіне қос дәнді бидай+ егеді ғой?
26 Құдай оған ненің дұрыс екенін үйретеді,Нұсқауды Құдайы береді+.
27 Қара зире үшін бастыратын ағаш+,Ал зире үшін бастыратын дөңгелек қолданбайды.
Қайта, қара зирені ағашпен ұрғылайды,Ал зирені тоқпақпен соққылайды.
28 Нанға арналған дәнді жаныштап тастаушы ма еді?
Жоқ, оны толассыз бастыра бермейді+.
Атқа жегілген бастыратын дөңгелекті астықтың үстінен айналдырып жүреді,Бірақ оны жаныштап тастамайды+.
29 Бұл да — Әскербасы Ехобадан келген даналық.
Оның кеңесі керемет, істері ұлы+.
Сілтемелер
^ Исраилдің астанасы Самария жөнінде айтылып тұрса керек.
^ Немесе “Өлшеуіш жіп үстіне өлшеуіш жіп, өлшеуіш жіп үстіне өлшеуіш жіп”.
^ Еврей тілінде бұл сөздер ұйқасы қайталанып келетін балаларға арналған тақпаққа ұқсайды.
^ Немесе “Өлшеуіш жіп үстіне өлшеуіш жіп, өлшеуіш жіп үстіне өлшеуіш жіп”.
^ Еврейше “шеол”. Түсіндірмені қараңыз.
^ Мүмкін: “бірге аян көрдік”.
^ Түсіндірмедегі “Бұрыштық тасты” қараңыз.
^ Еврейше “шеол”. Түсіндірмені қараңыз.
^ Мүмкін: “Олар естігендерін түсінгенде, зәре-құты қалмайды”.
^ Немесе “Бүкіл жерді”.
