Миха 6:1—16
6 Өтінемін, Ехобаның айтып жатқанын тыңдаңдар,Тұрыңдар да, шағымдарыңды таулардың алдында айтыңдар,Төбелер де дауыстарыңды естісін+.
2 Уа, таулар, тыңдаңдар, Ехоба сот ісін бастамақ,Сендер де, жер негіздері, құлақ салыңдар+.
Себебі Ехоба өз халқымен соттасып,Исраилге мынадай айып тағады+:
3 “Халқым, мен саған не істедім?
Қалай сені қалжыраттым+?
Маған қарсы куәлік бер.
4 Мен сені Мысыр жерінен алып шықтым+,Құлдықтың үйінен азат еттім*+.
Алдарыңда Мұсаны, Харон мен Мәриямды+ жүргіздім.
5 Уа, халқым, Моаб патшасы Балақтың не ойластырғанын+,Беғор ұлы Балағамның оған не жауап бергенін+ есіңе алшы.
Ехобаның әділ істерін білулерің үшін,Шиттимнен+ Ғылғалға+ дейін қандай жайттар орын алғанын еске түсірші”.
6 Ехобаның алдына не алып келейін?
Көктегі Құдайға тағзым еткенде, не ұсынайын?
Оның алдына түгел өртелетін құрбандықтармен,Бір жылдық торпақтармен келейін бе+?
7 Ехоба мыңдаған қошқарға,Он мыңдаған өзен болып аққан майға риза бола ма+?
Шығарған бүлігім үшін тұңғыш ұлымды,Жасаған күнәм үшін перзентімді бағыштайын ба+?
8 Уа, адам, ол саған ненің жақсы екенін айтты ғой.
Ехоба сенен нені талап етеді?
Әділ әрекет еткеніңді+, адалдықты жоғары бағалағаныңды*+,Құдайыңның жолында қарапайым+ болып жүргеніңді ғана емес пе+?!
9 Ехоба қалаға қарай дауыстайды,Даналығы барлар оның есімінен қорқатын болады.
Жазалайтын таяққа және оны тағайындағанға ден қойыңдар+.
10 Зұлымның үйінде арамдықпен жиналған байлық,Жеркенішті әрі кішірейтілген өлшеуіш ыдыс* әлі бар ма?
11 Таразым жейтін болса,Дорбамда жалған кіртас жатса, қалай таза боламын+?
12 Қала байларының айналысатыны — зорлық-зомбылық,Тұрғындарының айтатыны — өтірік+.
Ауыздарынан шығатыны — қулық-сұмдық+.
13 “Ендеше, мен сені ұрып-соғып, жарақаттаймын+,Күнәларың үшін қаңыратып бос қалдырамын.
14 Тамақ жейсіңдер, бірақ тойынбайсыңдар,Аш құрсақ болып жүресіңдер+.
Заттарыңды тығасыңдар, бірақ сақтай алмайсыңдар,Ал сақтай алғандарыңды жауларыңа беремін.
15 Тұқым себесіңдер, бірақ ормайсыңдар,Зәйтүн сығасыңдар, бірақ майын қолданбайсыңдар.
Жаңа шарап жасайсыңдар, бірақ дәм татпайсыңдар+.
16 Омридің нұсқауын ұстанып,Ахаб үйінің бар ісін қайталадыңдар+,Солардың ақыл-кеңесімен жүрдіңдер.
Сол үшін сені адам шошырлық күйге түсіремін,Тұрғындарыңды көргендер таңғала ысқыратын болады+,Сондай-ақ жұрттың табасына қаласыңдар+”.
Сілтемелер
^ Немесе “құн төлеп азат еттім”.
^ Немесе “мейіріммен және адалдықпен сүйгеніңді”.
^ Сөзбе-сөз “ефа”. 1 ефа 22 л-ге тең. Ә14 қосымшасын қараңыз.
