Мұсаның 3-жазбасы 18:1—30
18 Ехоба сөзін жалғап, Мұсаға былай деді:
2 “Исраилдіктерге мына сөздерімді жеткіз: —Мен сендердің Құдайларың Ехобамын+.
3 Өздерің тұрған Мысыр елінің халқындай және мен сендерді алып бара жатқан Қанахан елінің адамдарындай әрекет етпеңдер+. Олардың әдет-ғұрыптарын ұстанбаңдар.
4 Менің шешімдерімді орындаңдар, нұсқауларымды ұстанып, соған сай әрекет етіңдер+. Мен сендердің Құдайларың Ехобамын.
5 Менің нұсқауларым мен шешімдерімді ұстаныңдар. Оларды орындайтын адам соның арқасында өмір сүреді+. Мен Ехобамын.
6 Араларыңдағы ешкім өзінің жақын туысымен жақындаспасын+. Мен Ехобамын.
7 Әкеңмен не анаңмен жақындаспа. Ол — сенің анаң, онымен жақындасуыңа болмайды.
8 Әкеңнің әйелімен жақындаспа+, әйтпесе әкеңнің абыройын төгесің.
9 Туған әпке-қарындасыңмен, әкеңнің не анаңның қызымен — мейлі ол өз үйіңде не басқа жерде туылсын — жақындаспа+.
10 Ұлыңның не қызыңның қызымен жақындаспа. Өйткені бұл — өз абыройыңды төккенің.
11 Әкеңнің әйелінен туған қызымен жақындаспа, ол сенің әпкең не қарындасың ғой.
12 Әкеңнің әпке-қарындасымен жақындаспа. Ол әкеңнің қандас бауыры ғой+.
13 Анаңның әпке-сіңлісімен жақындаспа. Ол анаңның қандас бауыры ғой.
14 Әкеңнің аға-інісінің әйелімен жақындасып, ағаңның абыройын төкпе. Оның әйелі сенің жеңгең ғой+.
15 Келініңмен жақындаспа+. Ол — өз ұлыңның әйелі, оның абыройын ашушы болма.
16 Туған бауырыңның әйелімен жақындаспа+, бауырыңның абыройын төгесің.
17 Егер қызы бар әйелге үйленсең, оның қызымен жақындаспа+. Оның ұлының қызын не қызының қызын әйелдікке алып, жақындаспа. Олар әйеліңнің қандас туыстары. Бұл — сорақылық*.
18 Әйеліңнің көзі тірісінде әпкесін не сіңлісін күндес етіп әйелдікке алып+, онымен жақындаспа.
19 Етеккірі келіп, таза емес болып жүрген әйелмен жақындаспа+.
20 Өзге біреудің әйелімен жақындасып*, өзіңді арамдаушы болма+.
21 Балаларыңның ешқайсысын жалған тәңір Молекке құрбан етіп*+, Құдайыңның есімін қорлама+. Мен Ехобамын.
22 Әйелмен жақындасқандай, еркекпен жақындаспа+, бұл — барып тұрған жексұрындық.
23 Жануармен жақындасып, өзіңді арамдама. Әйел адам да жақындасу үшін жануарға өзін ұсынбасын+. Бұл — табиғатқа жат нәрсе.
24 Осындай істерге барып, өздеріңді арамдамаңдар, өйткені мен алдарыңнан қуып жатқан халықтар өздерін осындай істермен арамдады+.
25 Солардың кесірінен жерлері де арамдалды. Мен оның тұрғындарын күнәсі үшін жазалаймын, сонда жер оларды құсып тастайды+.
26 Ал сендер менің нұсқауларым мен шешімдерімді ұстаныңдар+. Исраилдік не араларыңда тұратын жатжерлік болсын, ешкім+ мұндай жексұрын істерге бармасын.
27 Өйткені сол жерде сендерге дейін тұрған адамдар осындай жексұрын нәрселерді істеп+, жерді арамдады.
28 Сендер де жерді арамдайтын болсаңдар, онда жер сендерді де бұрынғы халықтар сияқты құсып тастайды.
29 Егер кімде-кім осындай жексұрын нәрселердің бірін істесе, халқының арасынан ондай жанның көзі құртылсын.
30 Сендер менің айтқандарымды орындаңдар. Арамдалып қалмау үшін, өздеріңе дейінгі халықтардың жексұрын әдет-ғұрыптарын ұстанбаңдар+. Мен сендердің Құдайларың Ехобамын”.
