Нақыл сөздер 25:1—28
25 Бұлар да Сүлейменнің нақыл сөздері+. Оларды Яһуда патшасы Езекияның+ адамдары көшіріп, жинақтаған.
2 Құдайдың даңқы — құпияны сақтағаны+,Патшалардың даңқы — істі жан-жақты зерттегені.
3 Аспанның заңғар биік, жердің терең екеніндей,Патшаның жүрегіндегісін білмес ешкім түгелдей.
4 Күмісті балқытып, қоспадан тазарт,Сонда ол тап-таза болып шығар+.
5 Зұлымды патшаның алдынан әкет,Сонда тағы оның әділдікпен нығаяр+.
6 Патшаның алдында өз-өзіңді дәріптеме+,Ұлықтардың арасынан орын алма+,
7 Өйткені төренің алдында жер болғанша+,Патшаның саған: “Жоғары шық”,— дегені артық.
8 Соттасып дауласуға асықпа,Кейіннен қарсыласың масқара қылса, қайтесің+?
9 Одан да қарсыласыңмен мәселеңді талқыла+,Бірақ құпияда айтылғанды* ашушы болма+.
10 Әйтпесе тыңдаушың ұялтар сені,Таратқан өсегіңді қайтара алмассың кері.
11 Уақытында айтылған сөзКүміс табаққа салынған алтын алмадай+.
12 Тыңдайтын құлаққа дана түзетушіАлтын сырға мен саф алтыннан жасалған әшекей іспетті+.
13 Орақ кезіндегі мұздай қар* секілді,Жіберген адал хабаршысыҚожайынының жанын сергітеді+.
14 Бермейтін сыйына мақтанатын адамҚұрғақ жел мен жаумас бұлтқа ұқсайды+.
15 Шыдамдылықпен басшыны көндіруге,
Жұмсақ тілмен сүйекті сындыруға болады+.
16 Бал тапсаң, шамаңа қарай же,Артық жеп қойсаң, құсып тастарсың+.
17 Көршіңнің үйіне жиі бара берме,Әйтпесе сенен мезі боп, жек көріп кетер.
18 Біреуге қарсы жалған куәлік берген адам+
Сойыл, семсер және үшкір жебе іспетті.
19 Қиын шақта үміт арту сенімсіз* адамғаҰқсар сынық тіс пен ақсақ аяққа.
20 Қайғырған жүрекке ән айтқан адам+
Ұқсайды суық күнде киімін шешкен,Сілтіге* сірке суын құйған жанға.
21 Жауың ашықса, жейтін нан бер,Шөлдесе, ішетін су бер+.
22 Осылай оның басына қызып тұрған шоқ үйесің*+,Ехобаның батасына кенелесің.
23 Солтүстік жел нөсер әкелер,Өсекші тіл бетке ашу шығарар+.
24 Ұрысқақ әйелмен бір үйде тұрғанша,Үй төбесінің бір бұрышында тұрған артық+.
25 Алыс жерден келген жақсы хабар+
Шаршаған жанға берген салқын судай болар.
26 Зұлымның ырқына көнген әділ адамЛайланған бұлақ пен қираған құдыққа ұқсайды.
27 Балды тым көп жеу пайдалы емес+,Өзіне даңқ іздеу абырой әкелмес+.
28 Өз-өзіне ие бола алмайтын жанҰқсайды қалаға қабырғасы қираған+.
Сілтемелер
^ Немесе “өзгелердің құпиясын”.
^ Таудан әкелінген қарға нұсқап тұрса керек.
^ Мүмкін: “опасыз”.
^ Немесе “содаға”.
^ Бұл әрекет қатуланып тұрған адамды жұмсартып, жүрегін жібітуді білдіреді.
