Уағыздаушы 11:1—10
11 Наныңды суға ағыз+, себебі көп күннен кейін оны қайта табасың+.
2 Өзіңде барды жеті, тіпті сегіз адаммен бөліс+, өйткені жер бетінде қандай апат болатынын білмейсің.
3 Бұлттар суға толса, жерге нөсерлеп жауын жауар. Ағаш күнгейге не теріскейге құласа, сол құлаған жерінде жата берер.
4 Жел баққан тұқым сеппес, бұлт аңдыған өнім жинамас+.
5 Жүкті әйелдің құрсағындағы баланың сүйектерінде рухтың қалай әрекет ететінін білмейтініңдей+, бәрін жасайтын Құдайдың да істерін білмейсің+.
6 Тұқымыңды таңертең сеп, кешке дейін де қолың тыным таппасын+. Өйткені қайсысының өніп шығатынын: анауы ма, мынауы ма, әлде екеуі де ме — мұны білмейсің.
7 Жарық жағымды, көздің күн нұрын көргені де қандай ғанибет!
8 Егер адам көп жасаса, әрбір күніне қуансын+. Бірақ ол қараң күндердің де көп болатынын ұмытпасын. Алдағы күндердің бәрі — бос әурешілік+.
9 Уа, бозбала, жастық шағыңда қуан; жас күніңде жүрегің шаттыққа толсын. Жүрегің қалаған, көзің көрген нәрсені істе. Бірақ осының бәрі үшін Құдай алдында жауап беретініңді біліп жүр+.
10 Сондықтан мазалайтын нәрселерді жүрегіңнен аластат, зиянды нәрселерді тәніңе жолатпа. Себебі жастық кез бен албырт шақ — бос әурешілік+.
