Қорынттықтарға 1-хат 6:1—20
6 Араларыңдағы қайсыбіріңнің өзгемен дауы болса+, қасиеттілердің емес, әділетсіздердің сотына жүгінуге қалайша дәті барады?
2 Әлде қасиеттілердің адамзатқа сот жүргізетінін+ білмеуші ме едіңдер? Ал адамзатқа сот жүргізетін болсаңдар, ұсақ-түйек мәселелерді шешуге жарамағандарың ба?
3 Біздің періштелерге де сот жүргізетінімізді+ білмейсіңдер ме? Онда күнделікті өмір мәселелерін де шеше алатындарың сөзсіз.
4 Ал осындай мәселелерді шешу керек болып жатса+, қауымнан тыс адамдарды төреші етпексіңдер ме?
5 Мұны сендерді ұялту үшін айтып отырмын. Араларыңда бауырластарына төрелік айтатын бірде-бір парасатты адамның болмағаны ма?
6 Бауырластардың бірі екіншісін сотқа, сот болғанда да сенбейтіндердің сотына, апаратыны қалай?!
7 Бір-біріңмен соттасқандарыңның өзі — жеңілгендерің ғой. Өйткенше неге әділетсіздікке төзбеске+? Неге ақыларыңды жегізе салмасқа?
8 Ал сендер, керісінше, өздерің әділетсіздік жасайсыңдар, өзгенің ақысын жейсіңдер, әрі мұны өз бауырластарыңа істейсіңдер.
9 Жоқ әлде әділетсіздер Құдай Патшалығын мұра етпейтінін білмейсіңдер ме+? Алданбаңдар: азғындар*+, пұтқа табынушылар+, неке адалдығын бұзушылар+, табиғи емес жыныстық қатынаста қолданылатын еркектер+, еркекқұмар еркектер*+,
10 ұрылар, ашкөздер+, маскүнемдер+, өзгелерді балағаттайтындар, тонаушылар Құдай Патшалығын мұра етпейді+.
11 Кезінде кейбіреулерің сондай болдыңдар. Бірақ тазардыңдар+, қасиетті болдыңдар+, әрі Иеміз Иса Мәсіхтің атымен және Құдайымыздың рухымен әділ деп жарияландыңдар+.
12 Менің не істеймін десем де, қақым бар, бірақ бәрі бірдей пайдалы емес+. Не істеймін десем де, қақым бар, бірақ еш нәрсеге тәуелді болуыма жол бермеймін.
13 Тамақ асқазан үшін, ал асқазан тамақ үшін, бірақ Құдай бұл екеуін де құртып жібереді+. Дене болса азғындық* үшін емес, Иеміз үшін қызмет етуі тиіс+, ал Иеміз денеміздің қамын ойлайды.
14 Құдай өз құдіретімен+ Иемізді өлімнен тірілтіп алды+, бізді де тірілтеді+.
15 Әлде денелеріңнің Мәсіхтің денесінің мүшесі екенін білмейсіңдер ме+? Олай болса, оның денесінің мүшелерін алып, жезөкшенің денесіне мүше етіп беруіме бола ма? Әрине, болмайды!
16 Жезөкшемен жақындасқан адам онымен бір дене болатынын білмеуші ме едіңдер? Себебі Құдай: “Екеуі біртұтас* болады”,— деген+.
17 Ал Иемізге қосылған адам онымен бір ойда* болады+.
18 Азғындықтан* аулақ болыңдар*+! Адамның жасауы мүмкін кез келген күнәсі денесінен тысқары, ал азғындық жасайтын адам өз денесіне қарсы күнә істейді+.
19 Жоқ әлде денелерің бойларыңдағы Құдай рухының ғибадатханасы+ екенін білмейсіңдер ме+? Сендер өздеріңе тиесілі емессіңдер+,
20 өйткені қымбат бағаға сатып алындыңдар+. Ендеше денелеріңмен+ Құдайды дәріптеңдер+!
Сілтемелер
^ Немесе “еркектермен жыныстық қатынаста болатын еркектер”.
^ Түсіндірмедегі “Азғындық” сөзін қараңыз.
^ Грекше “порниа”. Түсіндірмені қараңыз.
^ Сөзбе-сөз “бір тән”.
^ Сөзбе-сөз “бір рухта”.
^ Немесе “қашыңдар”.
^ Грекше “порниа”. Түсіндірмені қараңыз.
