Әйүп 34:1—37
34 Елиху сөзін жалғап былай деді:
2 “Данышпандар, сөзіме құлақ түріңіздер,Білімпаздар, мені тыңдаңыздар.
3 Өйткені сөзді құлақ,Дәмді тіл ажыратар.
4 Кәне, өзіміз үшін ненің дұрыс екенін бағамдап,Ненің жақсы екенін шешіп алайық.
5 Себебі Әйүп: —Мен ақпын+,Бірақ Құдай мені әділдіктен айырды+.
6 Әділ сотқа қақым бар екені өтірік пе?!
Еш қылмысым болмаса да, жарам жазылмастай қатерлі+,— деді.
7 Мазақ сөзді судай сіміретін,Әйүптей адам бар ма екен?
8 Ол қиянатшылдардың серігі,Зұлымдармен де аралас-құралас+.
9 Өйткені: —Құдайға ұнамды болуданАдамға келер еш пайда жоқ!— дейді+.
10 Ендеше, көзі ашық, көкірегі ояу кісілер, тыңдаңыздар!
Құдайдың зұлымдық жасауы,Құдірет Иесінің* жамандыққа баруы мүмкін емес+!
11 Себебі ол адамға ісіне қарай қарымтасын береді+,Жүрген жолдарының салдарын алдына келтіреді.
12 Иә, Құдай зұлымдық жасамайды+,Құдірет Иесі әділдікті бұрмаламайды+!
13 Кім оның қолына Жерді тапсырып еді?
Кім дүниежүзінің үстінен тағайындап еді?
14 Егер ол адамзатқа назар салып,Рухы мен демін өзіне алса+,
15 Адам атаулы құрып кетіп,Адамзат топыраққа қайта оралар еді+.
16 Ендеше, түсінігіңіз бар болса, мынаған ден қойып,Сөзімді мұқият тыңдаңыз:
17 Әділдікті жек көретін кісіге билік беріле ме?
Мансапты адам әділ болса, оны айыптар ма едіңіз?
18 Патшаға “Түкке тұрғысыз адамсың!”,Ақсүйектерге “Зұлымсыңдар!” дер ме едіңіз+?
19 Құдайдың бекзадаларға бүйрегі бұрмайды,Байды да кедейден жоғары қоймайды+,Өйткені олардың бәрі де өз қолынан шыққан+.
20 Олар қас қағымда көз жұмып+, түн ортасында өледі+,Дірдек қағып, дүниеден өтеді,Тіпті мықтылар да құрып кетеді, бірақ бұл адамның қолымен болмайды+.
21 Себебі Құдай адамның жолдарын бақылап отырады+,Әрбір қадамы оның көз алдында.
22 Жамандық жасаушылар оданҚараңғы жерде де, қара түнекте де жасырына алмайды+.
23 Өйткені Құдай ешбір адамның сотталу үшінАлдына келетін уақытын белгілемейді.
24 Мықтыларды тергеусіз-ақ құртып жіберіп,Орындарына басқаларды қояды+.
25 Себебі жасап жатқан істерін біледі+,Оларды бір түнде құлатып, күйретеді+.
26 Зұлымдықтары үшінКүллі жұрттың көзінше сұлатып салады+.
27 Олар Құдайға ермей, теріс бұрылып кетті+,Жолдарының бәріне немкетті қарайды+,
28 Сондықтан жарлы Құдайға жалбарынады,Қысым көргендердің зары оның құлағына жетеді+.
29 Құдай үнсіз болуды шешсе, оны кім айыптай алады?
Жүзін жасырса, кім көре алады?
Мейлі, күллі халықтан не бір адамнан жасырсын, еш айырмасы жоқ.
30 Ол мұны құдайдан безген* адам билік құрмасын+,Халық торға шырмалмасын деп істейді.
31 Себебі кім Құдайға: —Еш кінәм болмаса да, жазаланып жатырмын+;
32 Көре алмай тұрғанымды көрсетші;Ағаттық жасасам, енді қайтып қайталамаймын,— дей алады?
33 Сіз Құдайдың шешімінен бас тартып отырғанда,Ол қарымтаңызды өзіңіз күткендей қайтару керек пе?
Мұны мен емес, сіз шешуіңіз керек.
Ендеше, білген-түйгеніңізді айтыңыз.
34 Көзі ашық, көкірегі ояу кісілердің,Сөзімді естіген данышпандардың бәрі, маған:
35 —Әйүп білімі жоқ бола тұра, айтады+,Түсінігі жоқ бола тұра, сөйлейді,— дейді.
36 Әйүп барынша сыналса ғой*,Өйткені ол зұлымдар сияқты жауап береді,
37 Күнә жасауымен қоймай, бүлік шығаруда+,Алдымызда мысқылдай қол соғып,Құдайға қарсы сөздерді жаудырып отыр+!”
Сілтемелер
^ Немесе “Құдіреті шексіз Құдайдың”.
^ Немесе “жолдан тайған”.
^ Мүмкін: “Әке, Әйүп барынша сыналса ғой”.
