Guuti, Biibili aamma Jehovap Nalunaajaasui pillugit paasisaqarneruniassagavit nittartagaq una saqqummersinneqarpoq. Soqutigisatit atuakkit, isiginnaakkit aallugillu. Nittartagarput allat iluaqutigissagaat kissaatigaarput, kisianni qinnuigaatsigit tassaniittut nittartakkami programmimiluunniit allami saqqummerseqqunagit. Atuinermut piumasaqaatini allaatigineqartutut paasisimasatit allanut ingerlateqqissinnaavatit nittartakkamut matumunnga innersuunnerisigut.

•  Copyright

•  Nioqqutissat ilisarnaataat

•  Nittartakkamik atuinermut tunngatillugu atuinermut piumasaqaatit akuersissutillu

•  Nakorsanut qupperneq

•  Qularnaveeqqusiiumannginneq akisussaaffimmillu killiliineq

•  Atuinermut piumasaqaatinik unioqqutitsineq

•  Allannguutit

•  Inatsisit atortussaatitaasut atortinneqarfiallu

•  Piumasaqaatit immikkoornerat

•  Isumaqatigiissut tamakkiisoq

© 2024 Watch Tower Bible and Tract Society of Pennsylvania. Tamatigut innimigisassaq.

Nittartagaq una Watchtower Bible and Tract Society of New York, Inc.-imit (“Watchtower”-imit) saqqummersinneqarlunilu isumagineqarpoq. Allamik allassimasoqanngippat Watch Tower Bible and Tract Society of Pennsylvania (“Watch Tower”) allanneqarsimasunik paasissutissanillu nittartakkami matumaniittunik piginnittussaatitaavoq.

Adobe, Adobe-p ilisarnaataa, Acrobat aamma Acrobat-ip ilisarnaataa Adobe Systems Incorporated-imit pigineqarput. Apple, iTunes aamma iPod ilisarnaataapput Apple Inc.-imit pigineqartut. Microsoft, Microsoft-ip ilisarnaataa, aamma Microsoft-ip programmiisa nioqqutassiaasalu taaguutaat, taakkununnga ilanngullugit Microsoft Office aamma Microsoft Office 365, ilisarnaataapput Microsoft Inc.-imit pigineqartut. Android ilisarnaataavoq Google LLC-p pigisaa. Androidip robottitut ilisarnaataa Google-p suliaanit avitseqatigisaanillu suliareqqitaavoq nutarsagaalluniluunniit, aamma Creative Commons 3.0 Attribution License (https://creativecommons.org/licenses/by/3.0/us/)-imi piumasaqaatit allaatigineqartut naapertorlugit atorneqarpoq. Ilisarnaatit ilisarnaatillu nalunaarsorneqarsimasut allat taakkunannga pilersitsisunit pigineqarput.

Atuinermut piumasaqaatini nittartakkamik qanoq atuissanersutit aalajangersarneqarpoq. Nittartakkap atorneratigut piumasaqaatit taakku kiisalu atuinermut piumasaqaatit allat (ataatsimut “Atuinermut piumasaqaatit”-nik taaneqartut) nittartakkami matumani allassimasut akuerivatit. Piumasaqaatit ilaat akuerinngikkukkit qinnuigineqarputit nittartagaq atoqqunagu.

Nittartakkamik naleqquttumik atuineq qanoq isumaqarpa? Killilersuinerit ataani eqqaaneqartut naapertorlugit ima iliorsinnaavutit:

• Assit, Biibililersaarutit elektroniskiusut, nipilersuutit, assilissat, allaaserisat filmillu Watch Tower-ip copyrightianik allassimasoqartut nittartakkameersut namminerisamik atugassatut, tuniniagassatuunngitsoq, isiginnaarsinnaallugillu downloadersinnaallugillu anillatsissinnaavatit.

• Nittartakkami uani Biibililersaarutit elektroniskiusut, isiginnaagassiat tusarnaagassiallu aaneqarsinnaasut innersuussutaat allanut ingerlateqqissinnaavatit.

Ima ilioqqusaanngilatit:

• Nittartakkamit matumannga assinik, Biibililersaarutinik elektroniskiusunik, ilisarnaatinik, nipilersuutinik, assilissanik, filminik imaluunniit allaaserisanik internetikkut (nittartakkamut suugaluartumulluunniit, nittartakkakkut avitseqatigiiffikkut imaluunniit attaveqaqatigiittarfikkut) ingerlatitseqqiineq.

• Nittartakkamit matumannga assinik, Biibililersaarutinik elektroniskiusunik, ilisarnaatinik, nipilersuutinik, assilissanik, allaaserisanik imaluunniit filminik softwareapplikationitut tamatumaluunniit ilaanik saqqummersitsineq (softwareapplikationimut atugassatut serverimut uploaderinermut tunngatillugu tamanna aamma atuuppoq).

• Iluanaarnissaq siunertaralugu imaluunniit akiliisitsilluni (allaat iluanaarutaanngikkaluarpat) nittartakkamit matumannga assinik, Biibililersaarutinik elektroniskiusunik, ilisarnaatinik, nipilersuutinik, assilissanik, allaaserisanik imaluunniit filminik saqqummersitseqqiineq, assiliineq, saqqummersitsineq allatigulluunniit atuineq.

• Nittartakkamit matumannga siammarterinissaq siunertaralugu datanik, HTML-inik, assilissanik allaaserisanilluunniit katersuisussanik, assiliisussanik, aallertussanik, toqqorsisussanik, katersuisussanik imaluunniit scraperisussanik qanoq ittunilluunniit softwareapplikationiliorneq, atortorissaarusiorneq imaluunniit systemiliorneq. (Nittartakkami matumani tamanit takuneqarsinnaasuni filinik elektroniskiusunik – soorlu EPUB-inik, PDF-inik, MP3-nik aamma MP4-nik – aallertartussatut akeqanngitsunik aningaasarsiutaanngitsunillu applikationiliorneq inerteqqutaanngilaq).

• Nittartakkamik tamatumaluunniit imaanik atornerluineq, assersuutigalugu nittartakkamik tamatumaluunniit imaanik akornusersuineq allaatigineqareersutulluunniit allaanerusumik atuineq.

• Nittartakkamut ajoqutaasumik tamatumunngaluunniit ajoqutaasinnaasumik atuineq nittartakkamilluunniit atuinermut akornusersuineq, imaluunniit inerteqqutaasumik, pineqaatissiissutaasinnaasumik ajoqutaasumilluunniit atuineq taamatullu inerteqqutaasumik, pineqaatissiissutaasinnaasumik ajoqutaasumillunniit suliaqarneq.

• Nittarsaaneq siunertaralugu nittartakkamit matumannga assinik, Biibililersaarutinik elektroniskiusunik, ilisarnaatinik, nipilersuutinik, assilissanik, allaaserisanik imaluunniit filminik atuineq.

• Nittartakkami matumani Google Maps-ip sullissineri atorneqartarput. Google sullissisartuuvoq alla nakkutigisinnaanngisarput. Taamaattumik nittartakkami matumani Google Maps-ip sullissinerinik atuininni una malissavat: Yderligere servicevilkår for Google Maps/Google Earth (Google Maps/Google Earth-imik sullissinermut piumasaqaatit allat). Nutarterineq pillugu ilisimatinneqarneq ajoratta Google Maps-ip atuinermut piumasaqaatai atuinnginninni takoqqaartassavatit. Piumasaqaatit akuerinngikkukkit Google Maps-ip sullissineri atortassanngilatit.

Nittartakkap immikkoortuani matumani aalajangersimasumik nakorsartinnissamik siunnersuinissaq siunertaanani paasissutissiinissaq taamaallaat siunertaavoq, aamma ilinniarsimasunit nakorsartinnissamut, nappaammik suussusersinissamut imaluunniit suliaritinnissamut taartissatut suliaanngilaq. Misissuinerit, nakorsat, nioqqutissat, suleriaatsit, isummat imaluunniit nakorsanut quppernermi paasissutissat aalajangersimasut nittartakkami siunnersuutigineqaratillu taperserneqanngillat. Nappaammut nakorsartinnermulluunniit tunngatillugu apeqqutissaqaraangavit tamatigut nakorsamut imaluunniit peqqissaanermik sulialimmut ilinniarsimasumut saaffiginnittuaannassaatit.

Nakorsamut quppernermi paasissutissat nittartakkamit matumannga akisussaaffigineqanngillat, paasissutissanilli ingerlatitseqqiineq taamaallaat akisussaaffigineqarpoq. Nakorsap katsorsaasup nakorsaanermut akisussaaffik tamakkiisoq pigaa. Paasissutissat napparsimasut nakorsaminnut saaffiginninnissaannut taartaanngisaannassapput.

Nittartagaq una, paasissutissat tassaniittut kiisalu nittartakkap imai, atortui sullissinerillu allat tamarmik takuneqarnerattut Watchtower-ip ilinnut atorneqarsinnaatippai. Watchtower sukkulluunniit qularnaveeqqusiinngilaq.

Watchtower-ip qulakkeersinnaanngilaa nittartagaq viruseqanngitsoq arlaatigulluunniit ajoqutaasinnaasunik peqarnersoq. Watchtower nittartakkami paasissutissanik, imarisaasunik atortunik allanilluunniit atuineq pissutigalugu ajoqusernernut imaluunniit annaasaqarnernut sunulluunniit, tassunga ilanngullugu – eqqaaneqartulli kisimik pineqaannanngillat – toqqaannartumik, toqqaannanngitsumik imaluunniit nalaatsornikkut ajoqusernernut annaasaqarnernulluunniit (aamma aningaasatigut annaasaqarnernut) akisussaanngilaq.

Watchtowerip piginnaatitaaffiisa allat saniatigut atuinermut piumasaqaatit makku arlaatigut unioqqutinneqaraluarpata Watchtower pisariaqartumik akuliussinnaavoq, assersuutigalugu nittartakkamut isersinnaajunnaarsillutit, nittartakkamik atuisinnaajunnaarsillutit computerillu illit IP-adressinnik atuisut nittartakkamut isersinnaajunnaarsillugit, internetimut atassusiisartoq attaveqarfigalugu nittartakkamut isersinnaajunnaarseqqullutit aamma/imaluunniit unnerluutigisinnaallutit.

Atuinermut piumasaqaatit Watchtowerip nutarsarsinnaasarpai. Atuinermut piumasaqaatit nutartikkat ulloq nittartakkami kikkunnit tamanit takuneqarsinnaalerfia aallarnerfigalugu atuutilertarput. Taamaattumik atuinermut piumasaqaatit nutarterneqarnerat kingullerpaaq paasiniarlugu qupperneq una akulikitsumik misissortaruk.

Atuinermut piumasaqaatit naalagaaffimmi New Yorkimi, USA-miittumi, inatsisit atuuttut naapertorlugit atortuutinneqassapput, inatsisit akerliusut apeqqutaatinnagit. Atuinermut piumasaqaatinut tunngatillugu suliassanngortitsineq sunaluunniit eqqartuussivimmi inatsisit atortinneqarfianni New Yorkimi, USA-miittumi, suliarineqartassaaq.

Atuinermut piumasaqaatini aalajangersagaq inatsisit atortinneqarfianni eqqortumi eqqartuussivitsigut atortussaatinneqanngippat, inatsisinut akerliuppat atuutinneqarsinnaanngippalluunniit atuinermut piumasaqaatit allat aalajangiusimaannarneqassapput. Atuinermut piumasaqaatini aalajangersakkat ilaat Watchtowerip atortussaatinngippagit imaanngilaq aalajangersakkat atuukkunnaartut imaluunniit Watchtower aalajangersakkamik taama ittumik atulersitsisinnaanissaminut pisinnaatitaaffeqanngitsoq.

Illit Watchtowerilu akunnissinni nittartakkamik atuininnut tunngatillugu isumaqatigiissutersi atuinermut piumasaqaatini allaatigineqarsimavoq siusinnerusukkullu nittartakkamik matuminnga atuisinnaanermut isumaqatigiissutit taarserlugit.