Nunarsuaq tamakkerlugu aatsaat taama kiatsigaaq, tamatumalu kingunerisaanik pinngortitami ajunaar­nersuaqartarpoq. Nalunaarusiat uku maluginiakkit:

•   “Nunarsuarmi juunip qaammataani ukiuni 174-ini aatsaat taama kiatsigaaq.” – USA-mi niuernermut ministereqarfiup imartamik silaannar­tamillu nakkutil­liisoqarfia (NOAA), juulip 13-iat, 2023.

•   “Italiami, Spaniami, Frankrigimi, Tysklandimi Polenimilu kiarujus­suarpoq, qeqertanilu Siciliami Sardiniamilu 48 gradinik Europami aatsaat taama kiassangatin­neqarpoq.” – Avataarsualiar­tarnermut Europami suliniaqatigiiffik (ESA), juulip 13-iat, 2023.

•   “Nunarsuup kissatsik­kiartornera pissutigalugu akulikin­nerusumik sualuttumillu sialussuaqas­sangatin­neqarpoq, tamatumalu kingunerisaanik qarsutsinersuit nalingin­naaleralut­tuinnas­sangatin­neqarlutik.” – Stefan Uhlenbrook, Naalagaaffiit Peqatigiit silasiornermut tunngasunik suliniaqatigiiffianni (WMO-mi) hydrologiimut, imermut sermersuinullu pisortaasoq, juulip 17-iat, 2023.

 Kiarujus­suarnera silarlungaatsiarneralu ernumas­sutigaagit? Sammisamut tamatumunnga pingaarutilimmut tunngatillugu Biibilimi qanoq allassimasoqartoq eqqarsaatigeriaruk.

 Aap. Biibilimi piffissaq inuuffigisarput pillugu allassimasunut kiatserujus­suartarnera silarlut­tarneralu naapertuupput. Assersuutigalugu Jiisusi siulittuivoq “annilaar­nartunik” takusaqar­tassasugut imaluunniit ‘amiilaar­nartorsuarnik pisoqarumaartoq’. (Lukkarsi 21:11; Biibili 2000-mi naqitigaq) Nunarsuarmi sumi tamani kiatserujus­suartarnera pissutigalugu nunarsuup aserorneqarnissaa inuppassuit annilaangas­sutigaat.

 Naamik. Guutip nunarsuaq pinngortippaa inunnit qaqugorsuarmut najugarineqar­tussanngor­tillugu. Nunarsuup aserorneqarnissaa akuerinavianngilaa. (Tussiaat 115:16; Oqaluus­sisartup oqaasii 1:4) Neriorsuivoq ‘nunarsuarmik aseruisut suujunnaarsin­niarlugit’. – Saqqummersitat 11:18.

 Biibili naapertorlugu silap pissusia maanna allanngoriar­toraluartoq nunarsuup ajutoornani piujuaan­narnissaa Guutip isumagissavaa.

•   “[Guutip] anorersuaq qatsortippaa, imarlu mallerun­naarpoq.” (Tussiaat 107:29) Pinngortitap nukingisa aqunnis­saannut Guuti pissaaneqarpoq. Ajornar­torsiutit kiatsik­kiartor­neranut silarlungaatsiar­tarneranullu pissutaasut inunnullu naalliutsitsisartut Guutip aaqqilluin­narsinnaavai.

•   “Nuna isumagisimavat peqangaalersillugulu, pisoorsuan­ngortis­simavallu.” (Tussiaat 65:10, Testamentitoqaq 1990-imi naqitigaq) Guutip nunarsuaq paratiisin­ngortissavaa.

 Avatangiisit aaqqinneqarumaar­nerannik Biibilimi neriorsuutit pillugit paasisaqar­nerorusukkuit allaaserisaq “Hvem kan redde jorden?” takuuk.