2022-mi juulip ingerlanerani nunarsuarmi sumi tamani kiatserujus­suar­tar­neranik nalunaaruteqar­tar­poq, ilaatigut ukunani:

•   “Kinamiut oqar­tus­saasui illoqarfinni 70-ingajanni kiatserujus­suar­tar­nera pil­lugu aap­pas­saanik mianersoq­qusip­put.” – Juulip 25-at, 2022, CNN Wire Service.

•   “Kiatserujus­suar­tar­nera pis­sutigalugu Europami sumiif­finni arlalinni orpip­pas­suit ikual­lap­put.” – Juulip 17-iat, 2022, The Guardian.

•   “Ullumi sapaammi USA-p kangiani, kujataani, kitaatungaanilu illoqarfip­pas­suarni aatsaat taama kiatsigaaq.” – Juulip 24-at, 2022, The New York Times.

 Tamanna qanoq kinguneqas­sava? Nunarsuaq najugaqarfiusin­naajun­naas­sava? Biibilimi qanoq allas­simasoqarpa?

 Aap. Biibilimi pif­fis­saq inuuf­figisar­put pil­lugu allas­simasunut kiatserujus­suar­tar­nera naaper­tuup­poq. Assersuutigalugu Jiisusi siulit­tuivoq “annilaar­nar­tunik” takusaqar­tas­sasugut. (Luk­karsi 21:11) Nunarsuarmi sumi tamani kiatserujus­suar­tar­nera pis­sutigalugu nunarsuup aseror­neqar­nis­saa inup­pas­suit annilaangas­sutigaat.

 Naamik. Guutip nunarsuaq pin­ngor­tip­paa inun­nut naas­saan­ngitsumik najugaqarfiusus­san­ngor­til­lugu. (Tus­siaat 115:16; Oqaluus­sisar­tup oqaasii 1:4) Nunarsuup aseror­neqar­nis­saa akuerinavian­ngilaa, neriorsuivormi ‘nunarsuarmik aseruisut suujun­naarsin­neqas­sasut’. – Saq­qum­mersitat 11:18.

 Guuti nunarsuaq pil­lugu ilaatigut ima neriorsuisimavoq:

•   “Inoqajuitsoq nunalu paner­toq tipaatsus­sap­put. Inuilaaq qiim­mat­tas­saaq naasunil­lunilu.” (Esaja 35:1) Guutip nunarsuup inoqajuitsun­ngor­nis­saa akuerinavian­ngin­namiuk sumiif­fiit ajoquser­neqarsimasut naggoris­seq­qis­savai.

•   “Nuna isumagaat sial­lerfigitil­lugulu, pisoorsuan­ngor­tis­simavallu.” (Tus­siaat 65:10) Guutip nunarsuaq paratiisin­ngor­tis­savaa.

 Silap allan­ngoriar­tor­nera Biibilimi qanoq siulit­tuutigineqar­nersoq pil­lugu paasisaqar­nerorusuk­kuit allaaserisaq “Hvad siger Bibelen om klimaforandringer og vores fremtid?” takuuk.

 Avatangiisit aaq­qin­neqarumaar­neran­nik Biibilimi neriorsuutit pil­lugit paasisaqar­nerorusuk­kuit allaaserisaq “Hvem kan redde jorden?” takuuk.