Februaarip 24-anni 2022-mi ullaak­kut Ruslandip Ukraine saas­sup­paa, nunani allani naalak­kersuisut unis­saagaluar­tut. Akersuun­neq tamanna qanoq kinguneqas­sava? Naalagaaf­fiit Peqatigiit generalsekretæriat António Guterres ima oqar­poq: “Akersuun­neq naal­liun­nar­tor­pas­suar­nik aseruinerujus­suarmillu kinguneqas­sal­lunilu Europami nunarsuullu sin­nerani aarlerinar­torsior­titsis­saaq.”

•   Jiisusi Kristusi siulit­tuivoq ‘inuiaqatigiit inuiaqatigiin­nik allanik saas­sus­sisas­sasut naalagaaf­fillu naalagaaf­fim­mik allamik saas­sus­sisas­sal­luni’. (Matiusi 24:7) Nalitsinni sorsun­nerit Jiisusip siulit­tuutaanik eqquutitsisut pil­lugit Biibilimi allas­simasut paasiumal­lugit allaaserisaq “‘Ullus­sanut kingul­ler­nut’ aamma ‘naggatis­samut’ suna ilisar­naataava?” takuuk.

•   Biibilip atuagar­taani Saq­qum­mersitani ‘hestimi inner­tut qalipaatilim­mi’ hestersoq ‘nunarsuarmi eqqis­sineerutsitsisoq’ allaatigineqar­poq. Taan­nalu sorsun­nermut assersuutaavoq. (Saq­qum­mersitat 6:4) Siulit­tuut tamanna nalitsinni sorsun­ner­nut qanoq eqquut­toq paasiumal­lugu allaaserisaq “De fire ryt­tere – hvem er de?” atuaruk.

•   Danielimik allak­kani ‘avan­naata kun­ngia’ aamma ‘kujataata kun­ngia’ immin­nut unam­mil­lis­sasut siulit­tuutigineqar­poq. (Danieli 11:25-45) Ruslandi iligisaalu tas­saap­put ‘avan­naata kun­ngia’. Sooq taama oqarsin­naavugut? Tamanna paasiumal­lugu isigin­naagas­siaq Siulittuut eqquussimasoq – Danieli kapitali 11 isigin­naaruk. a

•   Saq­qum­mersitani aamma ‘Guutip Kil­leqan­ngitsumik Pis­saanil­lip ullus­sarsuani sorsun­nis­saq’ allaatigineqar­poq. (Saq­qum­mersitat 16:14, 16) Taman­nali tas­saan­ngilaq inuit sorsuun­nerat, soorlu maanna pisoq. Sorsun­nis­saq tamanna pil­lugu paasisaqar­nerujumal­lutit allaaserisaq “Harmagedonimi sorsun­neq suua?” atuaruk.

•   Biibilimi allas­simavoq Guutip ‘nunarsuarmi tamarmi sorsun­nerit soraarsik­kumaarai’. (Tus­siaat 46:10) Guutip siunis­samut neriorsuutai pil­lugit paasisaqar­nerujumal­lutit allaaserisaq “Et realistisk håb om en bedre fremtid” atuaruk.

•   Jiisusip ilin­niar­titani Guutip kun­ngeqarfiata tikiun­nis­saa qin­nutigisaq­qul­lugu ilin­niar­tip­pai. (Matiusi 6:9, 10) Guutip kun­ngeqarfia tas­saavoq qilammi naalak­kersuisut Guutip nunarsuarmut siuner­taanik eqquutitsisus­sat. Guutillu ilaatigut siuner­taraa nunarsuarmi tamarmi inuit eqqis­seqatigiis­sasut. Kun­ngeqarfiup naam­mas­sisas­sai ilin­nut qanoq iluaqutaasin­naasut paasiumal­lugu isigin­naagas­siaq Guutip kunngeqarfia suua? isigin­naaruk.

 Ukrainemi Jehovap Nalunaajaasui 129.000-nit amerlanerup­put. Nalunaajaasullu sumiuugaluar­tul­luun­niit Jiisusi ilaarlugu politik­kik­kut akuliun­natillu sorsun­nerni peqataaneq ajor­put. (Johan­nesi 18:36) Nunarsuaq tamak­kerlugu Jehovap Nalunaajaasuisa ‘Kun­ngeqarfik pil­lugu nutaarsias­sat nuan­nersut’ oqaluus­sis­sutigisar­paat. (Matiusi 24:14) Oqaluus­sis­sutigisat­talu ilaat tas­saavoq Kun­ngeqarfiup inuit ajor­nar­torsiutaat, soorlu sorsun­nerit, atuuk­kun­naarsis­sagai. Biibilimi neriorsuutit pil­lugit paasisaqar­nerorusuk­kuit attavigisin­naavatsigut.