AL­LAMIT qungujuf­figineqaraangavit susar­pit? Qungujut­tarunar­putit. Aam­ma nuan­naar­neruler­tarunar­putit. Aap, ilumoorluni ikin­ngutinit nalusanil­luun­niit qungujuf­figineqar­neq qungujun­ngitsoorfiuneq ajorlunilu nuan­nersunik misigis­suseqalersitsisar­poq. Magdalena ima oqalut­tuar­poq: “Uigigaluara Georg nuan­nersumik qungujut­tar­poq. Im­mitsin­nut qiviaraangat­ta eq­qis­sisutut toq­qis­sisutul­lu misigisar­punga.”

Qaman­nga pisumik qungujun­neq nuan­naar­nermut, nuan­nisar­nermut iluarusun­nermul­lu takus­sutis­saasar­poq. Nit­tar­tak­kak­kut aviisimi Observer-imi, peqatigiif­fim­mit Association for Psychological Science-mit saq­qum­mersin­neqar­tar­tumi, al­las­simavoq “qungujut­tar­neq uagutsin­nut pis­susis­samisoorunar­toq”. Al­laaserisami aam­ma al­las­simavoq al­laat inoorlaat “kiin­nap isik­kua eq­qoq­qis­saar­tumik paasisin­naagaat”. Tamatuma saniatigut al­las­simavoq: “Inuit qungujun­nermit paasis­sutis­sanik pis­sarsiin­nar­natik aam­ma taman­na ilisimasar­tik tun­ngavigalugu qanoq pis­suseqas­sanerlutik paasisar­paat.”

Paaq­qutarin­nit­tut kiin­namik­kut isik­kuat tun­ngavigalugu utoq­qaat nap­parsimasut qanoq qisuariar­tar­tut USA-mi Harvard University-mi ilisimatuut misis­sor­paat. Paaq­qutarin­nit­tut kiinaat “soqutigin­nip­pasik­kaangata, isumas­suer­pasik­kaangata, inus­siar­ner­pasik­kaangata misigin­neqatigin­nip­pasik­kaangatalu” utoq­qaat nuan­naar­neruler­tarlutil­lu timik­kut isumak­kul­lu peq­qin­neruler­tar­put.  Paaq­qutarin­nit­tut isik­kumik­kut pis­susilersor­nermik­kul­lu nuan­naar­pasin­ngik­kaangata tamatuma paarlat­tuanik pisoqar­tar­poq.

Qungujun­nerit aamma illit iluaqutigisar­pat. Misis­suiner­nit paasineqar­poq qungujun­nik­kut im­minut tatigineruler­toqar­tarlunilu nuan­naaler­toqar­tarlunilu eq­qis­sisimaneruler­toqar­tar­toq. Kiinarli kamaq­qar­pasit­toq tamatuma paarlat­tuanik sun­niuteqar­tar­poq.

Magdalena, siusin­nerusuk­kut eq­qaaneqar­toq, sorsun­nersuup kingul­liup nalaani Jehovamik Nalunaajaasuuvoq. Ilaqut­tanilu nazistit isumaliuutersuutaan­nik taperseerusun­ngin­namik Tysklandimi Ravensbrückimi tigusanut inis­siarsuarmut aal­lar­tin­neqar­put. Ima oqalut­tuar­poq: “Ilaan­nik­kut paarsisut par­naarus­sanik al­lanik oqaloqateqaq­quneq ajor­paatigut. Qanorli kiinar­put isik­koqas­sanersoq aalajangersin­naan­ngilaat. Anaanaga angajoralu qungujut­tut takuin­narlugit sapiin­neruler­tarlungalu piner­tusaar­nis­samut nakus­satsit­tar­punga.”

Im­maqa inuunermi isumakuluutivit qungujun­nis­samut pis­sutis­saqar­tip­pal­laan­ngilaatsit. Eq­qaamajul­li misigis­sutsit eq­qarsaatinit aal­laaveqar­tarmata. (Ussatit 15:15; Filippimiut 4:8, 9) Taamaat­tumik qanorluun­niit saper­nar­tigigaluar­pat soormi nuan­nersunik eq­qarsaateqar­niar­tuar­taruit? Biibilimik atuar­tar­neq qinusar­nerlu inup­pas­suit taamaalior­nis­samut iluaqutigisimavaat. (Matthæusi 5:6; Filippimiut 4:6, 7) Biibilimi oqaatsit “nuan­naar­neq” aam­ma “pil­luar­neq” oqaatsil­lu taak­kunun­nga as­singusut hundredilip­pas­suariarlutik eq­qaaneqar­put! Ul­lut tamaasa Biibilimi qup­per­nermik ataatsimik marlun­nil­luun­niit atuar­niar­tarsin­naavutit. Taava imaas­sin­naavoq qungujukulanerulersutit.

Qungujuf­figineqar­nis­sat utaq­qeqinagu. Siul­liul­lutit al­lat qungujuf­figik­kit ul­lual­lu nuan­ner­nerulersil­lugu. Aap, qungujun­nerit Guutimit tunis­sutitut ilin­nik aamma al­lanik nuan­naalersitsisar­tutut isigiuk.