Uip­pakajaar­neq tas­saavoq timip­pit ilungersunar­tunut qisuariar­nera. Qaratsap­pit nalunaar­neratigut hormonit timin­nut siam­makaasar­put. Hormonit taak­kua uum­matit til­lerululersit­tar­paat, aap­pit naqitsinera aqut­tar­paat, anersaar­tupiluulersit­tar­paatsit nukitil­lu sukat­tarlugit. Susoqar­nera iluamik paasin­ngik­kil­luun­niit timit iliuuseqar­nis­saminut piareer­tar­poq. Uip­pakajaar­nar­toq qaangiuk­kaangat timit pis­susis­samisut ingerlaleq­qit­tar­poq.

Uip­pakajaar­neq tas­saavoq saper­nar­titavit ulorianar­tul­luun­niit iliuuseqarfiginis­saanut pis­susis­samisoor­tumik piareersimatitsisoq. Uip­pakajaar­neq qaratsami aal­lar­tit­tar­poq. Uip­pakajaar­neq iluaqutaasoq qisuariapal­lan­nis­san­nut iluaqutigisar­pat. Aam­ma uip­pakajaalaar­neq – soorlu misilitsin­nermi, atorfinin­nis­samut oqaloqateqar­nermi timersor­nermiluun­niit – anguniak­kavit angunis­saan­nut pitsaanerusumil­luun­niit iliuuseqarfiginis­saan­nut iluaqutigisin­naavat.

Sivisuumil­li ingasat­tumil­luun­niit uip­pakajaar­neq uip­pakajaar­tuar­nerluun­niit ajoqutigisin­naavat. Timit iliuuseqar­nis­samut piareersimajuar­pat timik­kut, misigis­sutsik­kut sianis­sutsik­kul­lu ajoqutigilersin­naavat. Pis­susilersor­nerit, ilaatigut al­lanik pin­nit­tar­nerit, al­lan­ngorsin­naavoq. Uip­pakajaar­tuar­tut ikiaroor­nar­tunik, nakorsaatinik al­lanil­luun­niit ator­nerluilersin­naap­put. Al­laam­mi nikal­lungarujus­suar­nermik, nukis­saarun­nermik im­minul­luun­niit toquk­kusuler­nermik kinguneqarsin­naavoq.

Uip­pakajaar­neq as­sigiin­ngitsunik sun­niuteqar­tar­poq nap­paater­pas­suar­nul­lu pis­sutaaqataasin­naal­luni. Aam­ma timi tamangajaat sun­nersin­naavaa.