Aap­pariit suleqatigiin­nerat tim­misar­tumi ataatsimi tim­misar­tor­tar­tut marluk suleqatigiin­nerat­tut ip­poq. Ajor­nar­torsiuteqaler­nermi uiusup nuliaasul­luun­niit im­minuin­naq eq­qarsaatiginani aap­pariit­tut suleqatigiin­nis­saq eq­qarsaatigis­savaa.

BIIBILIMI NAJOQQUTASSIAQ: “Marluujunnaarlutik uiniulissapput ataaseq.” – Matthæusi 19:6.

“Uiusoq nuliaasorlu aap­pariil­luarumal­lutik suleqatigiit­tariaqar­put.” – Christopher.

Uiusoq nuliaasorlu suleqatigiin­ngitsut isumaqatigiin­ngileraangamik ajor­nar­torsiut aaq­qitas­saraluar­tik aaq­qin­nagu kamaatiler­tar­put. Suminin­nguit ajor­nar­torsiuterujus­suan­ngorsin­naap­put.

“Aap­pariin­nermi suleqatigiin­neq pingaar­nersaavoq. Uigalu suleqatigiin­ngik­kut­ta aap­pariin­nata ineqatigiigin­nar­tutut is­saagut. Taman­nalu pingaarutilim­mik aalajangigas­saqarut­ta ajor­nar­torsiutaas­saaq.” – Alexandra.

IMMINUT APERIGIT

• Misigivunga akis­sarsiak­ka tamaasa ‘uanga kisima’ ator­tus­saal­lugit?

• Aap­para eq­qan­niip­pat qasuersaarsin­naavunga?

• Aap­parma ilaqut­tani at­taveqarfigil­luaraluarai taak­kua qanitariler­naveersaar­pak­ka?

AAPPALLU OQALOQATIGIIGITSI

• Sutigut aap­pariit­tut suleqatigiil­luar­pugut?

• Sutigut pitsan­ngorsaasin­naavugut?

• Suleqatigeerusun­nerulerumal­luta qanoq iliorsin­naavugut?

SIUNNERSUUTIT

• Takorlooruk nerrivim­mi arsaarar­tusi aap­pal­lu unam­misusi. Akerariik­kun­naarlusi iligiilerumal­lusi qanoq iliorsin­naavit?

• Ima eq­qarsar­nak: ‘Qanoq ajugaasin­naavunga?’ Ima eq­qarsarit: ‘Qanoq marluulluta ajugaasin­naavugut?’

“Kina eq­qor­tulior­nersoq kinalu kuk­kunersoq pingaar­nerun­ngilaq. Aap­pariin­nermili eq­qis­seqatigiil­lunilu ataasius­suseqar­neq pingaar­neruvoq.” – Ethan.

BIIBILIMI NAJOQQUTASSIAQ: “Tamassi immikkut nammineq iluaqutissarsi pinnagu inoqatississaaq iluaqutissaat isumagisiuk.” – Filippimiut 2:3, 4.