BIIBILIMI ALLASSIMAVOQ: “[Guutip] qilam­mit sial­lerfigitit­tar­paasi ukiullu qanoq ilinera naaper­torlugu inerit­tor­pas­suar­nik tunisarlusi, aamma sin­nilis­suar­nik nerisas­saqar­tit­tarlusilu qaman­nga pisumik nuan­naar­tit­tar­paasi.” – Apustilit Suliaat 14:17.

QANOQ PAASISARIAQARTOQ: Pin­ngor­titarsuarmi nuan­naarutigisagut tamaasa Pin­ngor­titsisutsin­nit tunis­sutaap­put. Tunisisup ilin­nik isumas­suinera paasinerujar­tor­til­lugu tunis­sutit taakku qujamasuutiginerulis­savatit.

BIIBILIMI ALLASSIMAVOQ: “Paasilis­savatit naaper­tuil­luar­neq innarluis­sullu, peq­qusersuis­suserlu, aqqutit ajun­ngitsut tamaasa.” – Ussatit 2:9.

QANOQ PAASISARIAQARTOQ: Pin­ngor­titsisitta nalun­ngilaa nuan­naar­nis­samut suut pisariaqar­tin­nerigut. Biibilimik misis­suininni paasisar­pas­suatit inuuninni iluaqutigis­savatit.

BIIBILIMI ALLASSIMAVOQ: “Guuti ilisimalis­savat.” – Ussatit 2:5.

QANOQ PAASISARIAQARTOQ: Pin­ngor­titsisoqar­nera paasigukku apeq­qutit pingaarutil­lit akis­sutis­sarsisin­naalis­savatit, soorlu uku: Inuunerup suna siuner­taraa? Sooq taama naal­liun­nar­toqar­tigaa? Toqup kingorna susoqar­tar­pa? Apeq­qutinut taak­kunun­nga akis­sutit naam­maginar­tut Biibilimi allas­simap­put.

BIIBILIMI ALLASSIMAVOQ: “Uangami nalun­ngilakka ilissi pil­lusi pilersaarutigisakka, oqar­poq Naalagaq, pil­luar­nis­samik pilersaaruteqarama ajunaar­nis­samik pin­nanga. Siunis­saqar­tis­savassi neriuutis­saqar­til­lusilu.” – Jeremia 29:11.

QANOQ PAASISARIAQARTOQ: Guuti neriorsuivoq ajus­suseq, naal­liuutit allaallu toqu siunis­sami atuuk­kun­naar­tin­niarlugit. Guutip neriorsuutai taakku upperiguk­kit siunis­samut neriuuteqar­nerulis­saatit, taman­nalu ajor­nar­torsior­ninni sapiis­suseqar­tuar­nis­samut iluaqutigis­savat.