1, 2. (a) Pis­suseq pingaarutilik suna ineriar­tor­tit­tariaqar­par­put, aam­ma sooq? (b) Al­laaserisami matumani suut eq­qar­tus­savavut?

TAMAT­TA eq­qor­tumik iner­niliiumal­luta paasis­sutis­sanik nalilersuinis­saq ilin­niar­tariaqar­par­put. (Uss 3:21-23; 8:4, 5) Taamaaliun­ngik­kut­ta eq­qarsar­taaser­put Saatanimit silarsuaanil­lu al­lan­ngor­tin­neqariaan­naas­saaq. (Ef 5:6; Kol 2:8) Soorunami eq­qor­tumik iner­niliiumal­luta pis­sutsit piviusut ilisimasariaqar­pavut. Biibilimi ima us­sateqar­poq: “Pis­sutsit piviusut tusaq­qaar­nagit akis­suteqar­neq sianiitsulior­neruvoq nikanarsaataal­lunilu.” – Uss 18:13, NW.

² Al­laaserisami matumani pis­sutsit piviusut paasinis­saasa eq­qor­tumil­lu iner­niliisin­naanerup saper­nar­neran­nut pis­sutaasut sam­mis­savavut. Najoq­qutas­siat Biibilimeersut aam­ma oqalut­tuat paasis­sutis­sanik nalilersuinis­samut tun­ngatil­lugu ilin­niarfigisin­naasavut misis­sus­savavut.

3. Sooq Us­satit 14:15-imi najoq­qutas­siaq maleruar­tariaqar­par­put? (Al­laaserisap aal­laq­qaataani as­siliaq takuuk).

³ Nalitsin­ni as­sigiin­ngitsor­pas­suit – soorlu inter­neti, oqarasuaat imaluun­niit tusagas­siuuteqarfiit – aq­qutigalugit  paasis­sutis­sin­neqar­tar­pugut. Aam­ma im­maqa ikin­ngutitsin­nit amerlasuunik e-mailisisar­pugut, al­lagarsisar­pugut oqalut­tuun­neqar­tarlutaluun­niit. Ilaan­nik­kut paasis­sutis­sat imaagin­navip­pasit­tar­put. Taamaat­tumik mianersor­tariaqar­pugut. Ilimanar­poq ikin­ngutivut ajun­ngitsumik pis­sutiginiagaqar­tut, kisian­ni inoqar­poq piaaralutik paasis­sutis­sanik eq­qun­ngitsunik ilaan­nakuusunil­luun­niit ilumoor­tunik siam­mar­terisar­tunik. Najoq­qutas­siaq Biibilimeersoq suna tusak­kat­ta nalilersor­nis­saan­nut iluaqutigisin­naavar­put? Us­satit 14:15-imi al­las­simavoq: “Misilit­tagaqan­ngitsup tatigisar­pai oqaaserineqar­tut suut tamaasa, silatuup al­loriar­nini sianigeq­qis­saar­tar­pai.”

4. Suna atuar­niar­nerlugu aalajanger­niar­nermi Filip­pimiut 4:8, 9-lu qanoq iluaqutigisin­naavavut, aam­ma sooq paasis­sutis­sat eq­qor­tut ilisimanis­saat pingaaruteqarluin­nar­pa? (Takuuk ungalusaq “ Pis­sutsit piviusut ilisimanis­saan­nut iluaqutis­sat ilaat”).

⁴ Silatusaar­tumik aalajangiiumal­luta paasis­sutis­sat tutsuiginar­tut ilisimasariaqar­pavut. Taamaat­tumik suna atuar­niar­nerlugu mianersuuteq­qis­saar­tariaqar­par­put. (Filippimiut 4:8, 9 atuakkit). Inter­netik­kut nutaarsias­saqar­titsiviit tutsuiginan­ngitsut imaluun­niit e-mailit tusatsiak­kanik siam­mar­terisut pif­fis­saajaatigis­san­ngilavut. Pingaar­tumik nit­tar­tak­kat tunus­sisut isum­mamin­nik siam­mar­terinermut ator­tagaat ingalas­simasariaqar­pavut. Taak­kua Guutip in­nut­taasa up­per­nerat san­ngiil­lisik­kusup­paat sal­lusuis­sul­lu kil­lormut saatik­kusul­lugu. Paasis­sutis­sat tutsuiginan­ngitsut aalajangiinerlutsitsisar­put. Isum­min­ngisaan­narit paasis­sutis­sanit eq­qun­ngitsunit sun­ner­neqar­naviar­nak. – 1 Tim 6:20, 21.

5. Nalunaarusiaq eq­qun­ngitsoq suna Israelik­kut tusar­paat, taman­nalu taak­kunun­nga qanoq sun­niuteqar­pa?

⁵ Nalunaarusiat eq­qun­ngitsut ajorluin­nar­tumik kinguneqar­titsisin­naap­put. Mosesip nalaani angutit aq­qaneq-marluk nuna neriorsuutigisaq alaper­naarsoriar­tor­paat. Alaper­naarsuiar­tor­titat qulit ajor­tumik nalunaarusior­put. (4 Mos 13:25-33) Paasis­sutis­sat ingasaas­sil­lutik ilaar­toramik­kit Jehovap in­nut­tai ersilerlutil­lu qunuler­put. (4 Mos 14:1-4) Sooq Israelik­kut taama qisuariar­pat? Im­maqa eq­qarsar­put alaper­naarsuiar­tor­titat amerlanerit as­sigiim­mik oqaaseqarmata ilumoorsimas­sasut. Taamaat­tumik nuna neriorsuutigisaq pil­lugu ajun­ngitsumik nalunaarusior­tut marluk tusaruman­ngilaat. (4 Mos 14:6-10) Pis­sutsit piviusut paasinagit Jehovalu tatiginagu Israelik­kut sianiil­liorlutik aalajanger­put ajor­tumik nalunaarusior­tut up­periniarlugit.

6. Sooq Jehovap in­nut­tai pil­lugit oqalut­tuanik ingasat­tunik tusagaqaraangat­ta tupaal­lat­tas­san­ngilagut?

 ⁶ Pingaar­tumik Jehovap in­nut­tai pil­lugit oqalut­tuat tusaraangatsigit mianersor­tariaqar­pugut. Eq­qaamajuk akerar­put Saatani ‘qatan­ngutit­ta un­nerluutigin­nit­taanik’ taaneqarmat. (Saqq 12:10) Jiisusip akerlilersuisut uagut pil­luta sal­lul­lutik ‘tamanik ajor­tunik oqaaseqar­tar­nis­saat’ mianersoq­qus­sutigaa. (Matt 5:11) Mianersoq­qus­sut taan­na pimooruk­kutsigu Jehovap in­nut­tai pil­lugit oqalut­tuanik eq­qumiitsunik tusagaqaraangat­ta tupaal­lat­tas­san­ngilagut.

7. E-mailimik SMS-imil­luun­niit nas­sius­sin­ngin­nitsin­ni im­minut qanoq aperisariaqar­pugut?

⁷ Ikin­ngutitit e-mailik­kut SMS-ik­kul­luun­niit al­laf­figis­sal­lugit nuan­naraajuk? Nutaarsias­sani oqalut­tuaq soqutiginar­toq takugaangak­ku oqalut­tuarluun­niit im­mik­kuul­laris­soq tusaraangak­ku misigisar­pit tusagas­sior­tutut ingerlaan­naq ingerlatitseq­qiisariaqarlutit? E-mailimik SMS-imil­luun­niit nas­sius­sin­ngin­nin­ni im­minut aperigit: ‘Oqalut­tuaq ilumoor­nersoq qulak­keereer­para? Ilumut pis­sutsit piviusut ilisimavak­ka?’ Nalor­niguit im­maqa sal­luliuutinik siam­mar­teris­saatit. Oqalut­tuaq ilumoor­nersoq ilumuun­ngin­nersorluun­niit naluguk­ku nas­siun­nagu nunguteruk!

8. Nunat ilaan­ni akerlilersuisut qanoq iliorsimap­pat, qanorlu ikior­tuulersin­naavavut?

⁸ Eq­qarsaq­qaar­nani e-mailinik SMS-inil­luun­niit ingerlatitseq­qiineq aam­ma al­latigut navianar­tor­taqar­poq. Nunat ilaan­ni suliner­put kil­lilersor­neqar­poq al­laal­luun­niit iner­teq­qutaal­luni. Nunani taak­kunani qunulersin­niarluta im­mitsin­nul­luun­niit pasil­ler­tin­niarluta akerlilersor­tivut piaaralutik oqalut­tuanik siam­mar­terisin­naasar­put. Sovjetunioniusimasumi pisut eq­qarsaatigik­kit. Iser­tor­tumik politiit, KGB-tut ilisimaneqar­tut, qatan­ngutit ilisimaneqarluar­tut  Jehovap in­nut­taanik kil­luus­sisimanerar­paat. * Ajoraluar­tumik qatan­nguter­pas­suit oqalut­tuat eq­qun­ngitsut up­peraat Jehoval­lu peqatigiis­sor­taanik qimatsil­lutik. Amerlasuut kingusin­nerusuk­kut uter­put, ilaal­li utin­ngisaan­nar­put. Oqalut­tuat eq­qun­ngitsut pis­sutigalugit up­perun­naar­put. (1 Tim 1:19) Qanoq taamatut alianar­tumik aalajangiinaveersaarsin­naavugut? Oqalut­tuat ajor­tut up­per­narsaatis­saqan­ngitsul­luun­niit siam­mar­teqinagit. Tusak­katit tamarluin­naasa up­pereqinagit. Pis­sutsil­li piviusut ilisimanis­saat qulak­keer­taruk.

9. Suna aam­ma pis­sutigalugu eq­qor­tumik paasis­sutis­sin­neqar­nis­saq saper­narsin­naava?

⁹ Ilaan­nik­kut oqalut­tuanik ilaan­nakuusumik ilumoor­tunik tusar­tar­pugut. Oqalut­tuat ilaat ilaan­nakuusumik paasis­sutis­sar­taqar­put. Taman­na eq­qor­tumik iner­niliinis­samik ajor­nar­nerulersitsivoq. Oqalut­tuaq ilaan­nakuusumik ilumoor­tor­taqar­toq tutsuigineqarsin­naan­ngil­luin­nar­poq! Taamatut oqalut­tuar­tunit uukapaatin­neqarumanata qanoq iliorsin­naavugut? – Ef 4:14.

10. Sooq Israelik­kut ilaasa qatan­ngutitik saas­sun­nialeraluar­paat, taman­nali qanoq pin­ngitsoor­tip­paat?

¹⁰ Josvap nalaani Israelik­kut kuus­suup Jordanip kitaatungaani najugaqar­tut misigisaat ilin­niarfigisin­naavavut. (Jos 22:9-34) Tusar­paat Israelik­kut Jordanip kangiatungaani najugaqar­tut kuus­suup eq­qaani angisuumik pil­liiviliorsimasut. Oqalut­tuap taan­nar­taa ilumoor­poq, sin­nerali tusan­ngilaat. Taamaat­tumik Israelik­kut kitaatungaani najugaqar­tut kangiatungaani qatan­ngutitik Jehovamut pikitsitsilersorigamik­kit sorsuk­kumal­lugit katersuup­put. (Josva 22:9-12 atuakkit). Israelik­kul­li kitaatungaani najugal­lit saas­sus­sin­ngin­nermin­ni angutit paasiniaajar­tor­til­lugit aal­lar­tip­paat. Angutit qanoq paasisaqar­pat? Israelik­kut kangiatungaani najugal­lit guutipiluit pil­liuteqarfiginiarlugit pil­liiviliun­ngil­lat. Pil­liiviliorsimap­put Jehovamik pal­lorfigin­nin­ner­tik kik­kut tamarmik ilisimanias­sam­mas­suk. Israelik­kut qatan­ngutimin­nut sorsugian­ngin­nermin­ni pis­sutsinik piviusunik paasiniaaq­qaar­ner­tik nuan­naarutigisimas­savaat.

11. (a) Mefibosheti qanoq naaper­tuil­luan­ngitsumik pineqar­pa? (b) Daavip Mefibosheti qanoq naaper­tuil­luar­tumik pisimasin­naagaluar­paa?

¹¹ Al­lat uagut pil­luta oqalut­tuanik ilaan­nakuusumik ilumoor­tunik aliasuutigisatsin­nik siam­mar­terisin­naap­put. Mefibosheti taama pineqar­poq. Kun­ngip Daavip tuk­korluni aatagigaluata Saulip nunaat pigisimasaa tamaat Mefiboshetimut tun­niup­paa. (2 Sam 9:6, 7) Kingusin­nerusuk­kul­li Daavip Mefibosheti pil­lugu ajor­tumik nalunaarusiaq tusar­paa. Oqalut­tuaq ilumoor­nersoq paasiniaq­qaar­nagu Mefibosheti pigisaanik tamanik arsaar­paa. (2 Sam 16:1-4) Daavip kingusin­nerusuk­kut oqaloqatigigamiuk paasiler­paa kuk­kusimal­luni. Nunaatip ilaa Mefiboshetimut uter­tip­paa. (2 Sam 19:25-30) Daavip paasis­sutis­sat ilaan­nakuusut tun­ngavigalugit iliuuseqapal­lan­nani pis­sutsit piviusut paasiniaq­qaarsimasuugunigit Mefibosheti naaper­tuil­luan­ngitsumik pineqas­san­ngik­kaluar­poq.

12, 13. (a) Jiisusi al­lanit sal­luliuutigineqarami sua? (b) Al­lanit sal­luliuutigineqarut­ta susin­naavugut?

 ¹² Al­lat il­lit pil­lutit sal­lulior­pata qanoq iliorsin­naavit? Jiisusi Johan­nesilu Kuisisoq taama pineqar­put. (Matthæusi 11:18, 19 atuakkit). Jiisusi qanoq ilior­pa? Pif­fis­sani nukinilu tamaasa atorlugit oqalut­tuat taak­kua ilumuun­ngin­neran­nik inuit qularun­naarsin­nian­ngilai. Inuil­li pis­sutsinik piviusunik paasiniaaq­qul­lugit kajumis­saar­pai. Iliuutsiminik ilin­niar­titsis­sutiminil­lu maluginiaas­sasut kis­saatigaa. Ima oqar­poq: “Ilisimas­suseq eq­qor­tuutitaavoq suliamigut.”

¹³ Jiisusi pingaarutilim­mik ilin­niarfigisin­naavar­put. Inuit uagut pil­luta naaper­tuil­luan­ngitsumik ajor­tumil­luun­niit oqaaseqarsin­naasar­put, taman­nalu tusaamanerlugaaler­nitsin­nik kinguneqas­sanersoq isumakuluutigisin­naavar­put. Qanor­piarli it­tuunerluta inooriaatsitsigut al­lanut takutis­sin­naavar­put. Jiisusip maligas­siaanit ilik­kak­katsitut pis­suserin­nitsigut ilaan­nakuusumik ilumoor­tut un­nerluus­sutil­luun­niit eq­qun­ngitsut inooriaatsit­ta up­per­narun­naarsis­sin­naavai.

14, 15. Sooq nam­mineq paasisimasaqas­suser­put tatigis­san­ngilar­put?

¹⁴ Tutsuiginar­tunik paasis­sutis­sin­neqar­nis­saq ajor­narsin­naasoq eq­qar­toreer­par­put. Aam­ma naam­mal­luin­nan­ngitsuuner­put ajor­nar­torsiutit ilagaat. Im­maqa ukior­pas­suit Jehovamut kif­far­tor­pugut im­maqalu aalajangersimasunut tun­ngatil­lugu ilisimas­suseqarluta. Im­maqa al­lat eq­qarsarluarsin­naaner­put pil­lugu ataq­qivaatigut. Taman­na uagutsin­nut ajor­nar­torsiutaalersin­naava?

¹⁵ Aap. Nam­mineq paasisimasaqas­suser­put tatigilersin­naavar­put. Eq­qarsar­taaser­put misigis­sutsitsin­nit isum­matsin­nil­lu aqun­neqalersin­naavoq. Isumaqalersin­naavugut paasis­sutis­sat tamaasa ilisiman­ngik­kaluarlugit pis­sutsit nalunagit. Taman­na ulorianarluin­nar­poq! Paasisimasaqas­sutsitsin­nik tatigin­nin­neq pil­lugu Biibilimi erseq­qis­sumik mianersoq­quneqar­pugut. – Uss 3:5, 6; 28:26.

16. As­sersuusiami neriniar­tarfim­mi susoqar­pa, Tomilu qanoq eq­qarsar­pa?

¹⁶ As­sersuutigalugu takorlooruk un­nuit ilaan­ni utoq­qaaner­tap misilit­tagaqarluar­tup Tomimik atil­lip neriniar­tarfim­mi utoq­qaaner­taqatini John ar­namik nuliarin­ngisaminik nereqateqar­toq takugaa. Nuan­nisaqatigiip­pasip­put. Il­lar­tut im­min­nul­lu eqit­tut Tomip takuaa. Er­numal­luni eq­qarsar­poq: ‘John nulianilu avis­sap­pat? Meeraam­mi?’ Tom tamatumun­nga as­singusumik takusaqar­tareer­poq. Tomiusuuguit qanoq misigis­savit?

17. As­sersuusiami Tomip kingusin­nerusuk­kut suna paasivaa, taman­nalu qanoq ilin­niarfigisin­naavar­put?

 ¹⁷ Tomil­li John nuliaminik ilumoorfigin­nin­ngitsutut pasigaluarlugu pis­sutsit piviusut ilisimavai? Un­num­mi tas­sani kingusin­nerusuk­kut Tomip John sianerfigigamiuk paasivaa ar­naq taan­na tas­saasoq Johnip najaa ungasis­sumit tikeraar­toq. John najanilu ukior­pas­suar­ni takusiman­ngil­lat. Tiimialun­nilu il­loqarfim­miit­tus­saam­mat taamaal­laat neriniar­tarfim­mi naapin­nis­samut periarfis­saqar­put. Nulia ilaanis­samut periarfis­saqan­ngilaq. Tomip nuan­naarutigaa pasil­liutini al­lanut oqaatigisiman­ngin­namiuk! Taman­na qanoq ilin­niarfigisin­naavar­put? Qanorluun­niit sivisutigisumik Jehovamut kif­far­torsimagaluarut­ta eq­qor­tumik iner­niliiumal­luta pis­sutsit piviusut ilisimasariaqar­pavut.

18. Suna pis­sutigalugu qatan­nguter­put ajor­tumik isumaqarfigilersin­naavar­put?

¹⁸ Aam­ma qatan­ngut qanip­pal­laan­ngisar­put pineqaraangat pis­sutsit eq­qor­tumik nalilersor­nis­saat saper­narsin­naavoq. As­sigiin­ngis­sutivut eq­qarsaatigiuarutsigit qatan­nguter­put pasil­lilersin­naavar­put. Taan­na pil­lugu ajor­tumik tusak­kavut, ilumoor­neran­nut up­per­narsaateqan­ngik­kaluar­toq, im­maqa uppererusussavavut. Taman­na qanoq ilin­niutis­sar­taqar­pa? Qatan­nguter­put pil­lugu ajor­tunik misigis­suseqar­tuarut­ta pis­sutsit piviusut tun­ngaviginagit eq­qun­ngitsumik iner­niliisin­naavugut. (1 Tim 6:4, 5) Misigis­sutsit ajor­tut, soorlu usorun­neq sin­nganerlu, uum­matitsin­ni ineriar­tor­tis­san­ngilavut. Puiun­ngisaan­naruk Jehovap qatan­ngutitsin­nik asan­nin­nis­sar­put uum­mam­mil­lu pisumik isumak­keerfigin­nin­nis­sar­put kis­saatigigaa. – Kolossemiut 3:12-14 atuakkit.

19, 20. (a) Paasis­sutis­sanik eq­qor­tumik nalilersuinis­samut najoq­qutas­siat Biibilimeersut suut iluaqutigis­savavut? (b) Al­laaserisap tul­liani suut sam­mis­savavut?

¹⁹ Ul­lumik­kut paasis­sutis­sat tutsuiginar­tut pis­sarsiarinis­saat eq­qor­tumil­lu nalilersor­nis­saat saper­nar­torujus­suuvoq. Sooq? Paasis­sutis­sat pis­sarsiarineqarsin­naasut amerlanerit ilaan­nakuul­lutil­luun­niit ilaan­nakuusumik ilumoormata, aam­ma naam­mal­luin­nan­ngitsuugat­ta. Suut iluaqutigisin­naavavut? Guutip oqaasiani najoq­qutas­siat! As­sersuutigalugu najoq­qutas­siami ataatsimi paasitin­neqar­pugut pis­sutsit piviusut tusaq­qaar­nagit akineq sianiitsor­pal­lan­nerusoq. (Uss 18:13) Al­lami kajumis­saar­neqar­pugut oqaatigineqar­tut ilumoor­neran­nik paasiniaaq­qaar­nata tusak­kavut tamaasa up­peris­san­ngik­kivut. (Uss 14:15) Aam­ma qanorluun­niit sivisutigisumik Jehovamut kif­far­torsimagaluarluta nam­mineq paasisimasaqas­suser­put tatigisin­naan­ngilar­put. (Uss 3:5, 6) Paasis­sutis­sat tutsuiginar­tut atorlugit eq­qor­tumik iner­niliisarut­ta silatusaar­tumil­lu aalajangiisarut­ta najoq­qutas­siat Biibilimeersut il­lersuutigis­savavut.

²⁰ Al­lali pis­sutigalugu pisuni ilumoor­tut paasinis­saat saper­nar­tis­sin­naavar­put. Takusavut tun­ngavigalugit eq­qar­tuus­sipal­laq­qajaasar­pugut. Al­laaserisap tul­liani pis­sutsini qanoq it­tuni taamatut kuk­kusarsin­naasugut taman­nalu qanoq pin­ngitsoor­tis­sin­naagip­put eq­qar­tus­savar­put.