1-2. (a) Sooq oqar­tus­saas­susil­lit inup­pas­suar­nit tatigiuminaatsin­neqar­tar­pat? (b) Allaaserisami matumani suut sam­mis­savagut?

 OQAR­TUS­SAAS­SUSIL­LIT inup­pas­suar­nit tatigiuminaatsin­neqar­tar­put. Pisuummi nuimasullu naalak­kersuisunit inatsisitigullu immik­kut illersugaak­kajup­put piitsullu ikiorumaneqar­piar­neq ajorlutik. Eqqor­toq una Biibilimi allas­simavoq: “Ilaan­nik­kut inuit ilaat ataaseq inoqatiminut ajoqutaasumik pis­saaneqar­pal­laar­tar­poq.” (Oqal 8:9) Aamma upperisarsior­nik­kut siut­tut ilaat ajor­tulior­tar­put. Tamakku tamaasa pis­sutigalugit inuit ilaasa Guuti tatigiun­naarsimavaat. Taamaat­tumik Biibilimik ilin­niar­titar­put Jehovamik aamma peqatigiis­sor­taanik nunarsuarmiit­tunik tatigin­nin­nis­saanik ilin­niar­tit­tariaqar­par­put.

² Soorunami Biibilimik ilin­niar­titagut kisimiun­ngitsoq Jehovamik peqatigiis­sor­taanillu tatigin­nit­tus­saap­put. Aamma ukior­pas­suarni Nalunaajaasuusimagaluarut­taluun­niit Jehovap eqqor­tumik ilior­tuaan­nar­nera upperiuar­tariaqar­par­put. Ilaatigulli, assersuutigalugu (1) Biibilimi oqalut­tuat ilaan­nik atuaraangatta, (2) Jehovap peqatigiis­sor­taani aalajangiisoqaraangat, aamma (3) unam­miniar­nar­tuni nalaak­kumaak­katsinni, Jehovamik tatigin­nin­nis­saq saper­nar­nerusin­naavoq. Taakku maanna sam­meriar­tigit.

3. Sooq Biibilimi oqalut­tuat ilaat atuar­til­lugit Jehovamik tatigin­nin­nis­saq ajor­nakusoor­tin­nerusin­naavar­put?

 ³ Biibilimik atuaraangatta Jehovap inuit ilaan­nut tun­ngatil­lugu qanoq iliorsimanera aalajangiisimaneralu apeq­qusersin­naasar­pagut. Assersuutigalugu Mosesimik allak­kat sisamaanni atuar­neqarsin­naavoq Israalik­kuusoq sabbatimi qisus­sanik katersisoq Jehovap toqutas­san­ngor­tik­kaa. Samuelimillu allak­kat aap­paanni atuar­neqarsin­naavoq kun­ngi Daavi allasiormat toqutsim­mallu Jehovap isumak­keerfigigaa. (Mos 4. 15:32, 35; Sam 2. 12:9, 13) Taava immaqa ima eqqarsar­pugut: ‘Sooruna angutip Israalik­kuusup ajor­tuliaa Daavip ajor­tuliaatulli ingasap­pasitsigin­ngik­kaluar­toq Jehovap taanna toqutas­san­ngor­tik­kaa Daavilu isumak­keerfigalugu?’ Tamanna akis­sutis­sarsis­sagutsigu Biibilimik atuaraangatta eqqaamasas­sagut pingasut eqqarsaatigisariaqar­pagut.

4. Sooq Jehovap eqqor­tumik ilior­tuaan­nar­nera tatigaar­put? (Mosesimik 1. 18:20, 21; Mosesimik 5. 10:17)

⁴ Susoqarsimanera Biibilimi tamak­kiisumik oqalut­tuarineqar­tuaan­nan­ngilaq. Assersuutigalugu nalun­ngilar­put Daavip ajor­tuliani ilumoorluni peq­qis­simis­sutigigai. (Tuss 51:4-6) Sabbatimili qisus­sanik katersisoq inut­tut qanoq ittuua? Iliuutsini peq­qis­simis­sutigai? Sior­natigut Jehovap inatsisaanik unioq­qutitsisarsimava? Mianersoq­quneqarsimagaluar­pa? Naluar­put, tamak­kumi Biibilimi oqalut­tuarineqan­ngil­lat. Jehovalli ‘naaper­tuil­luar­tuunera’ qularin­ngilar­put. (Mos 5. 32:4) Inuit nakerisarsior­tuul­lutillu tusatsiak­katik tun­ngavigalugit iner­niliisarlutillu allar­pas­suit pis­sutigalugit naliliinerlut­tar­put. Jehovali aalajangiigaangami pis­sutsit tamaasa tun­ngavigisar­pai. (Mosesimik 1. 18:20, 21; Mosesimik 5. 10:17 atuakkit). Jehovamik najoq­qutas­siaanillu ilisimasaqar­nerujar­tor­til­luta taas­suma eqqor­tumik ilior­tuaan­nar­nera qularin­ngin­neruler­tar­par­put. Allaat Biibilimi atuak­katsin­nik paasin­ngisaqaraangatta Guuti pil­lugu ilisimariik­kagut tun­ngavigalugit oqarsin­naavugut Jehova qanoq ‘ilior­nermini tamani ilumoor­tuusoq’. – Tuss 145:17.

5. Naam­mal­luin­nan­ngis­suser­put qanoq naliliinerlutsitsisar­pa? (Aamma ungalusaq “ Naam­mal­luin­nan­ngitsuugatta eqqor­tumik naliliisin­naajuaan­nan­ngilagut” takuuk).

 ⁵ Naam­malluin­nan­ngitsuugatta eqqor­tumik naliliisin­naajuaan­nan­ngilagut. Guuti assilil­lugu pin­ngor­titaagatta inuit eqqor­tumik pineqar­tar­nis­saat kis­saatigaar­put. (Mos 1. 1:26) Naam­mal­luin­nan­ngitsuugat­tali kuk­kusumik naliliisin­naasar­pugut; aamma pis­sutsit tamaasa paasisimasorigaluaraangatsigit. Juuna assersuutigeriar­tigu. Jehovap Ninevemiunik asat­tuus­siniarluni aalajanger­nera Juunap nuan­narin­ngilaa. (Jon 3:10–4:1) Jehovalli aalajanger­nerata kingunera eqqarsaatigiuk. Inuit peq­qis­simisut 120.000-nit amerlanerusut annaan­neqar­put! Suna paasivar­put? Juuna naliliinerlup­poq, Jehovaan­ngitsoq.

6. Sooq Jehovap aalajangik­kani uagutsin­nut nas­suiar­tariaqan­ngilai?

⁶ Jehovap aalajangik­kaminik nassuiaat­tariaqan­ngilaatigut. Ilumoor­poq Jehovap aalajangiigaangami aalajangiiniaraangamiluun­niit kif­fami isumaat itsaq tusar­naar­tarsimagai. (Mos 1. 18:25; Jon 4:2, 3) Aamma aalajangik­kaminut pis­sutaasut ilaan­nik­kut nas­suiar­tar­pai. (Jon 4:10, 11) Nas­suiaatis­sal­lutali pisus­saatitaan­ngilaq. Pin­ngor­titsisuugami iliuuseqar­tin­nani uagutsin­nit akuerineqaq­qaar­tariaqan­ngilaq. – Es 40:13, 14; 55:9.

7. Suna unam­miniar­nar­tis­sin­naavar­put, aamma sooq?

⁷ Jehovap eqqor­tumik ilior­tuaan­nar­nera qularin­ngil­luin­nar­par­put. Angutilli Jehovap peqatigiis­sor­taani akisus­saaf­filer­neqarsimasut tatiginis­saat saper­nar­tis­sin­naavar­put. Aalajangiinerminni ilumut Jehovamit siulersor­neqar­nersut qularilersin­naavar­put, immaqa eqqarsarluta isum­matik kisiisa najoq­qutaralugit aalajangiisut. Biibilip nalaani inuit ilaat taama eqqarsarsimasin­naap­put. Pisimasut  im­mik­koor­toq 3-mi eqqaaneqar­tut assersuutigeriar­tigit. Sabbatimi qisus­sanik katersisup ilaqutaasa qularilersimasin­naavaat Moorsisip eqqar­tuus­sin­ngin­nermini Jehova ilumut siunersioq­qaarsimaneraa. Uuriallu ikin­ngutai isum­mersimasin­naap­put Daavip kun­ngitut pis­saanini ator­nerlul­lugu toqumik pil­lagaanis­saraluani pin­ngitsoor­tik­kaa. Jehovalli peqatigiis­sor­tamini ilagiin­nilu angutit akisus­saaf­filigai tatigin­ngik­kutsigit taava Jehova tatigisimanavian­ngilar­put – Jehovammi angutit taakku tatigai.

8. Apustilit Suliaat 16:4, 5-imilu allas­simasut ullutsin­nilu kristumiut siulersor­neqar­nerat sutigut assigiis­suteqar­pat?

⁸ Jehovap peqatigiis­sor­tani nunarsuarmiit­tut “inus­siaq aalajaal­lunilu silatooq” aqqutigalugu ullutsinni siulersor­tar­pai. (Mat 24:45) Kristumiut siul­liit siulersuisoqatigiivi assigalugit inus­siap taas­suma nunarsuaq tamak­kerlugu Guutip innut­tai nak­kutigalugillu ilagiinni utoq­qaaner­tat ilitsersor­tar­pai. (Apustilit Suliaat 16:4, 5 atuakkit). Ilitsersuutillu ilagiin­nit maleruar­neqar­nis­saat utoq­qaaner­tat isumagisar­paat. Jehovap peqatigiis­sor­taasa utoq­qaaner­tallu siulersuinerat maleruaraangatsigit ersersit­tar­par­put Jehovap eqqor­tumik ilior­tuaan­nar­nera tatigalutigu.

9. Utoq­qaaner­tat aalajangigaan­nik tapersersuinis­saq qaquguk­kut unam­miniar­nar­tis­sin­naavar­put, aamma sooq?

⁹ Utoq­qaaner­tat aalajangigaan­nik tapersersuinis­saq ilaan­nik­kut unam­miniar­nar­tis­sin­naasar­par­put. Assersuutigalugu ilagiinni amerlasuuni ukiuni kingul­lerni allan­nguisoqar­poq. Naalagaaf­filersaarfinni inis­saqarluar­nis­saq siuner­taralugu oqaluus­sisar­tut ilaat utoq­qaaner­tanit aperineqarsimap­put ilagiin­nut  allanut nuus­sin­naanersut. Oqaluus­sisar­tut ilagiinni sorler­niis­saneran­nik utoq­qaaner­tat Guutimit toq­qaan­nar­tumik oqarfigineqar­tar­pat? Naamik, taman­nalu pis­sutigalugu utoq­qaaner­tat aalajangigaan­nut isumaqataanis­saq saper­narsin­naasar­poq. Uagut ilagiin­nut allanut nuus­sin­naanersugut aperineqarsimagutta ikin­ngutitta ilaqut­tat­talu qiman­nis­saat unam­miniar­nar­tis­sin­naavar­put. Utoq­qaaner­talli Jehovap tatigisai uagut­taaq tatigisariaqar­pagut. *

10. Sooq utoq­qaaner­tat naalat­tariaqar­pagut? (Hebræerit 13:17)

¹⁰ Sooq utoq­qaaner­tat aalajangiigaangata isumaqataan­ngik­kaluarut­taluun­niit naalat­tas­savagut? Taamaalior­nik­kut Guutip innut­taasa ataasioqatigiin­nerat illersus­sagatsigu. (Ef 4:2, 3) Tamatta utoq­qaaner­tat aalajangigaan­nik maniguul­luta tapersersuigutta ilagiit ingerlal­luas­sap­put. (Hebræerit 13:17 atuaruk). Aamma Jehovap uagutsin­nik paarsisutut akisus­saaf­filersimasai naalak­kutsigit ersersis­savar­put Jehova tatigalutigu. – ApS 20:28.

11. Utoq­qaaner­tat siulersuinerat qanoq tatiginerulersin­naavar­put?

¹¹ Utoq­qaaner­tat siulersuinerat qanoq tatiginerulersin­naavar­put? Eqqaamas­savar­put ilagiin­nut tun­ngasunik eqqar­tuileraangamik anersaaq iller­nar­toq qin­nutigisaraat Biibilimilu najoq­qutas­siat ilitsersuutillu Jehovap peqatigiis­sor­taaneersut misis­sor­taraat. Aamma sapin­ngisamin­nik Jehovap iluarisaanik iliorlutillu innut­taanik pitsaaner­paamik isumas­suerusup­put. Nalun­ngilaat tamatumun­nga tun­ngatil­lugu Guutimit akisus­saatitaajumaarlutik. (Pet 1. 5:2, 3) Eqqarsaatigeriaruk: Ammip qalipaataa, upperisarsior­neq politik­kilu nunarsuarmi avis­saar­tuutaagaluar­tut uagut Guuti ilumoor­tutuaq ataasioqatigiil­luta pal­lorfigaar­put. Jehovallu ikiuineratiguin­naq tamanna pisin­naavoq!

12. Ajor­tuliorsimasup ilumoorluni peq­qis­siminera paasiniarlugu utoq­qaaner­tat suut eqqarsaatigisariaqar­paat?

¹² Jehovap ilagiit minguitsuutin­niarlugit utoq­qaaner­tat pingaarutilim­mik akisus­saaf­filersimavai. Jehovap piumasaraa qatan­ngut ingasat­tumik ajor­tuliorsimap­pat utoq­qaaner­tat aalajangis­sagaat ajor­tuliorsimasoq ilaajun­naarsitaas­sanersoq. Ilaatigut paasiniar­tus­saavaat ajor­tuliorsimasoq ilumoorluni peq­qis­siminersoq. Imaas­sin­naavoq peq­qis­siminerar­toq, ajor­tulianili uumigaa? Taamatut ajor­tulioq­qin­ngin­nis­sani aalajangiusimavaa? Ikin­ngutipalaaqar­nini ilaatigut pis­sutigalugu ajor­tuliorsimaguni taakku peqatigisarun­naariaan­naavai? Utoq­qaaner­tat Jehovamut qinunik­kut siulersoq­qusar­put, pis­sutsit Biibilimilu allas­simasut nalilersor­tar­paat ajor­tuliorsimasullu qanoq misiginera paasiniar­tarlugu. Taamaalil­lutik aalajangersin­naaler­tar­put ajor­tuliorsimasoq ilaajun­naarsitaas­sanersoq. – Kor 1. 5:11-13.

13. Qanigisar­put ilaajun­naarsitaasimap­pat suut isumakuluutigisin­naavagut?

¹³ Utoq­qaaner­tanik tatigin­nin­ner­put qaquguk­kut saper­nar­nerusin­naasar­pa? Ilaajun­naarsitaasoq qanigisarin­ngik­kutsigu utoq­qaaner­tat aalajangiinerat akueriuminar­nerutis­sagunar­par­put. Qanigisarigutsiguli ilaqutaraluguluun­niit isumaqataanis­saq saper­nar­tin­nerusin­naavar­put. Immaqa isumakuluutigis­savar­put utoq­qaaner­tat pisimasunik paasiniaal­luarsimanersut imaluun­niit Jehova allatut naliliisimas­sanersoq. Eqqor­tumik isigin­nit­taaseqar­nis­satsin­nut suut iluaqutigis­savagut?

14. Qanigisar­put ilaajun­naarsitaasimap­pat utoq­qaaner­tat tatigiin­nar­nis­saan­nut suut iluaqutigis­savagut?

 ¹⁴ Eqqaamasariaqar­par­put ilaajun­naarsitsisar­neq Jehovap aaq­qis­suus­sarigaa. Aaq­qis­suus­sineq taanna ilagiin­nut iluaqutaavoq, immaqalu aamma ajor­tuliorsimasup iluaqutigis­savaa. Ingasat­tumik ajor­tuliorsimasoq peq­qis­simin­ngitsoq ilaajun­naarsitaan­ngik­kuni qatan­ngutinut ajor­tumik sun­neeriaan­naas­saaq. (Gal 5:9) Tamatuma saniatigut ingasat­tumik ajor­tuliorsimanini paasin­ngitsoorsin­naavaa, aamma Jehovamit iluarisaaq­qilerumal­luni eqqarsar­taatsiminik ileq­quminillu allan­nguinis­saminut kajumis­suseqar­naviarunan­ngilaq. (Oqal 8:11) Qularis­san­ngilar­put utoq­qaaner­tat ilagiit minguitsuutin­nis­saanik akisus­saaf­fitsik pimooruk­kaat. Nalun­ngilaat itsaq Israalimi eqqar­tuus­sisut assigalugit ‘inuit eqqar­tuus­sis­sun­nagit Jehova eqqar­tuus­sis­suk­kitsik.’ – Nal 2. 19:6, 7.

15. Jehovap siulersuineranik naalan­nis­saq sooq aatsaat taama pingaaruteqar­tigaa?

¹⁵ Jehovap tatigil­luin­nar­nis­saa aatsaat taama pingaaruteqar­tigaaq. Imaas­sin­naavormi annikil­lior­nar­tus­sarsuarmi paasiuminaatsitatsin­nik maleruaruminaatsitatsin­nillu ilitsersor­neqar­tugut. Soorunami Jehovap toq­qaan­nar­tumik oqaluf­figinavian­ngilaatigut, siulersuisus­satulli toq­qak­kani aqqutigalugit ilitsersus­sagunar­paatigut. Taamanik­kus­samut qatan­ngutit siulersuisut ilumut eqqor­tumik aalajangiisimanersut qularinis­saanut pif­fis­saanavian­ngilaq. Jehova taas­sumalu peqatigiis­sor­tai tatigis­savagut? Jehovap toq­qak­kani aqqutigalugit siulersuinera maanna naalat­tarutsigu annikil­lior­nar­tus­sarsuarmi naalan­nis­sat ilimanar­nerus­saaq. – Luk 16:10.

16. Sooq ilimagisin­naavar­put siunis­sami Jehovamik tatigin­nin­nis­saq saper­narsin­naasoq?

¹⁶ Aamma Jehova inun­nik tamanik eqqar­tuus­siler­pat qanoq qisuarias­sanerluta eqqarsaatigeq­qis­saar­tariaqar­par­put. Maanna Nalunaajaasuun­ngitsut, assersuutigalugu ilaqut­tatta uppeqatigin­ngisatta, Jehovamut kif­far­tuler­nis­saat suli neriuutigaar­put. Harmagedon­nimili Jehova Jiisusi aqqutigalugu aalajangiis­saaq qanoq pineqas­sanersut. (Mat 25:31-33; Tes 2. 1:7-9) Uagut aalajangersin­naan­ngilar­put kik­kut Jehovamit nal­lit­tor­neqas­sanersut kik­kullu nal­lit­tor­neqas­san­ngin­nersut. (Mat 25:34, 41, 46) Jehovap eqqar­tuus­sinera tapersersorusus­savar­put, imaluun­niit aalajangiinera isumaqatiginagu kif­far­torun­naas­saagut? Jehova siunis­sami tatigil­luin­nas­sagutsigu maanna tatigineruler­nis­saa sulis­sutigisariaqar­par­put.

17. Jehovap eqqar­tuus­sinera nunarsuar­taas­sami qanoq iluaqutigis­savar­put?

 ¹⁷ Jehova eqqar­tuus­sereer­pat nunarsuarmi pis­sutsit qanoq ittuus­sanersut takorlooruk. Upperisarsior­nerit eqqun­ngitsut peerus­simas­sap­put, aamma niuer­nik­kut politik­kik­kullu aaq­qis­suus­sinerit inun­nik naal­liutsitsil­lutillu naqisiman­nis­simasut peerutereersimas­sap­put. Nap­paatit, utoq­qalineq asasatsin­nillu toqusoor­nerit misigisarun­naas­savagut. Saatani anersaapiluillu ukiuni 1.000-ni inun­nik sun­niisin­naas­san­ngil­lat, pikitsitsinerisalu kinguneri malun­narun­naas­sap­put. (Saqq 20:2, 3) Jehovap eqqor­tumik ilior­tuaan­nar­neranik tatigin­nis­simaner­put taamanik­kus­samut qujamasuutigingaas­savar­put!

18. Israalik­kut maligas­siuinerlun­nerat uagutsin­nut qanoq mianersoq­qus­sutaava? (Mosesimik 4. 11:4-6; 21:5)

¹⁸ Jehovap eqqor­tumik ilior­tuaan­nar­neranik tatigin­nin­nis­saq nunarsuar­taas­sami saper­narsin­naava? Israalik­kut Egyptenimit aniguisitaaq­qam­mer­neranni pisimasut eqqarsaatigik­kit. Ilaasa Egyptenimi nerisar­tagarisimasatik maqaasil­lugit Jehovamit man­nanik pilersor­neqar­ner­tik naam­magit­taal­liutigiler­paat. (Mosesimik 4. 11:4-6; 21:5 atuakkit). Annikil­lior­nar­tus­sarsuup kingorna uagut­taaq taama misigilersoorsin­naavugut? Naluar­put nunarsuaq torersarlugu paratiisin­ngor­tik­kiar­tuaar­nis­saa qanoq pisariutigis­sasoq. Ilimanar­poq suliarujus­suus­sasoq aal­laq­qaam­mullu inuuniar­neq oqitsuin­naanavian­ngitsoq. Nunarsuar­taas­sami Jehovap qanoq isumas­suinera naam­magit­taal­liuutigis­savar­put? Jehovap isumaginiarluta pilersuinera maanna qujamasuutigisarutsigu taamanik­kussamut qanoq ittumil­luun­niit isumas­sor­neqar­ner­put qujamasuutigis­savar­put.

19. Allaaserisami matumani sam­mineqar­tut pingaar­nerit suup­pat?

¹⁹ Jehova eqqor­tumik ilior­tuaan­nar­poq, taman­nalu upperil­luin­nar­tariaqar­par­put. Aamma ilitsersuus­sutiminik ingerlatitseq­qiisus­satut toq­qagai tatigisariaqar­pagut. Qanor­toq Jehovap pruf­fiitini Iisaaja aqqutigalugu oqaasii uku puiun­ngisaan­nar­tigit: “Utaq­qil­luaan­narlusilu tatigigus­singa tamanna nakuus­sutigis­savarsi.” – Es 30:15, Testamentitoqaq.