Esaja 60:1-imi ima allassimavoq: “Nikutserit, qaammalerit qaammaq­qutissat takkutereermat Naalakkallu naalannas­susiata nuiffigimmatit.” Versit ataqatigiin­nerannit erserpoq oqaluun­neqartoq tassaasoq Ziionni, tassa taamani Juudami illoqarfiit pingaar­nersaat Jerusalemmi. (Es 60:14; 62:1, 2) Illoqarfik eqqaaneqarmat Israalikkut tamarmik pineqarput. Esajap oqaasii pillugit apeqqutit uku marluk akissutis­sarseriartigit: Siullertut, Jerusalemmi qanga qanorlu ‘nikutserpa’ anersaakkullu qaammalerluni? Aappaattut, Esajap oqaasii nalitsinni pingaar­nerusumik eqquuppat?

Jerusalemmi qanga qanorlu ‘nikutserpa’ anersaakkullu qaammalerluni? Juutit Babylonnimi ukiuni 70-ini aallarus­saaqqaneranni Jerusalemmi guutisiorfillu isalluin­narsimapput. Mederilli Persiamiullu Babylonni ajugaafigereermassuk Israalikkut Babylonnimiut naalagaaf­fissuanni najugaqartut nunaminnut utersin­naalerput guutisiornerlu ilumoortoq pilerseq­qillugu. (Ezra 1:1-4) Kr.in.si. 537-miilli Israalikkut aalajaatsut naggueqatigiinnit aqqaneq-marlunneersunit taamaaliorput. (Es 60:4) Jehovamut pilliisalerput, inatsisini peqquneqartutut nalliut­torsior­talerput guutisiorfillu qarmaqqilerlugu. (Ezra 3:1-4, 7-11; 6:16-22) Taamaalilluni Jerusalemmi, tassa Guutip innuttai, Jehovap naalannas­susianit qinngorfigineqaq­qilerput. Taakkulu inuiaqatigiinnut allanut anersaakkut taarsiortunut qaammalerput.

Esajalli siulittuutai taamani ilaannakortumik eqquupput. Israalikkut amerlanersaasa Jehova ilumoorfigiun­naarpaat. (Neh 13:27; Mal 1:6-8; 2:13, 14; Mat 15:7-9) Allaat Jiisusi Missiarsiusoq itigartippaat. (Mat 27:1, 2) Ukiumi 70-imi Kr.in.king. Jerusalemmi guutisiorfillu piuneerun­neqaqqipput.

Jehovap taamatut pisoqarnissaa siulittuutigereer­nikuuaa. (Dan 9:24-27) Erserpoq siunertarin­ngikkaa Esaja kapitali 60-imi pilersitseq­qinnissamik siulittuutit Jerusalemmimut nunarsuarmiittumut tamakkiisumik eqquutissasut.

Esajap oqaasii nalitsinni pingaar­nerusumik eqquuppat? Aap, kisianni Jerusalemmimut allamut – tassa ‘Jerusalemmimut qilammiittumut’ – eqquupput. Apustili Paulusi allappoq: ‘Taanna anaanagaarput.’ (Gal 4:26) Jerusalemmi qilammiittoq tassaavoq Guutip peqatigiis­sortaasa ilaat qilammiittut anersaajusut aalajaatsut. Taassuma ‘qitornai’ tassaapput Jiisusi aamma kristumiut tanitat 144.000-t qilaliar­nissamik neriuutillit, taakkualu Paulusi ilagaat. Kristumiut tanitat tassaapput “inuiaqatigiit illernartut”, ‘Guutip Israalia’. – Pet 1. 2:9; Gal 6:16.

Jerusalemmi qilammiittoq qanoq ‘nikutserpa’, qanorlu ‘qaammalerpa’? Qitornani tanitat nunarsuarmiittut aqqutigalugit taamaaliorpoq. Taakkua misigisimasaat Esaja kapitali 60-imi siulittuutigineqartunut sanilliuteriartigit.

Sooq kristumiut tanitat ‘nikutser­tariaqarpat’? Apustilit toqunerisa kingorna tunussineq siulittuutigineqartoq siammarmalli anersaakkut taarsiorsimagamik. (Mat 13:37-43) Taamaalillutik Babylon­nersuarmit, tassa upperisarsiornernit eqqunngitsunit, parnaarus­saasimapput. ‘Naggatissap nalaata’ tungaanut parnaarus­saasimapput. (Mat 13:39, 40) Piffissap tamatuma 1914-imi aallartittup kinguninnguani 1919-imi iperagaagamik oqaluus­sinermik aallutaqarlutik  anersaakkut qaammalerput. a Taamanimiilli inuit inuiaqatigiinnit tamaneersut anersaakkut taarsiorun­naarlutik qaamanermut pipput. Taakkualu ilagaat Guutip Israaliata sinnera, tassa ‘kunngit’ Esaja 60:3-mi eqqaaneqartut. – Saqq 5:9, 10.

Siunissami kristumiut tanitat Jehovap qaamaneranik qaammarsaanerulissapput. Qanoq taamaaliussappat? Qilaliarunik ‘Jerusalemmimut nutaamut’ – Kristusip nuliassaanik taaneqar­tartumut, tassa Jiisusip kunngioqataanut palaseqataanullu 144.000-usussanut – ilaalissapput. – Saqq 14:1; 21:1, 2, 24; 22:3-5.

Esaja 60:1-ip eqquunnerani “Jerusalemmi nutaaq” pingaaruteqassaaq. (Esaja 60:1, 3, 5, 11, 19, 20 naleqqiutikkit Saqqummersitat 21:2, 9-11, 22-26-mut). Soorlu itsaq Israalimi naalakkersuisut Jerusalem­mimiittut, taamatuttaaq “Jerusalemmi nutaaq” Kristusilu siunissami naalakkersuissapput. “Jerusalemmi nutaaq” qanoq ‘Guutimit qilammit aqqarpa’? Nunarsuarmut sunniuteqar­tussamik iliuuseqarnikkut. Inuit inuiaqatigiinnit tamaneersut “illoqarfiup qaamanera iluaqutigalugu inuussapput”. Allaat ajorti toqulu atuukkun­naassapput. (Saqq 21:3, 4, 24) Tamatuma kingunerisaanik, Esajap pruffiitillu allat siulittuutigisaattut, ‘suut tamarmik aaqqissuun­neqassapput’. (ApS 3:21) Aaqqissuus­seqqiffik tamanna Kristusi kunngin­ngormat aallartippoq ukiunilu 1.000-ni naalakkersuinera naappat naassalluni.