1-2. Timotheusimut al­lak­kat siul­liit 6:20 naaper­torlugu Timotheusi sunik tunineqar­pa?

PIGISATSIN­NIK naleqar­tunik al­lanut paarititsisar­ner­put nalingin­naavoq. As­sersuutigalugu aningaasaativut aningaaserivim­miitit­tar­pavut. Taamaalioraangat­ta pigisat­ta paaril­luar­neqar­nis­saat til­lin­neqan­ngin­nis­saal­lu naatsorsuutigisar­par­put. Taamaat­tumik naleqar­titatsin­nik al­lanut paarititsineq sungiusimavar­put.

² 1 Timotheusi 6:20 atuaruk. Apustilip Paulusip Timotheusi eq­qaasip­paa erlin­nar­tumik tunineqarsimaneranik. Tas­sa Guutip inun­nut piumasaa pil­lugu eq­qor­tumik ilisimasaqalersimavoq. Timotheusip aam­ma ‘oqaatsimik oqaluus­sis­sutigin­nin­neq’ aam­ma ‘iivangkiiliulersaar­tutut suliaqar­neq’ im­mik­kut pisin­naatitaaf­figai. (2 Tim 4:2, 5) Paulusip Timotheusi kajumis­saar­paa paaritin­neqar­tunik paarsil­luaq­qul­lugu. Timotheusitut uagut­taaq erlin­nar­tunik paarseq­quneqar­pugut. Sunik? Aam­ma sooq erlin­nar­tut Jehovap tun­nius­sai paaril­luar­tariaqar­pavut?

3-4. Sooq sal­lusuis­sutit Biibilimeersut erligisas­saap­pat?

³ Jehovap asan­nil­luni sal­lusuis­sutinik Biibilimeersunik eq­qor­tumik ilisimasaqar­tip­paatigut. Sal­lusuis­sutit Biibilimeersut tun­ngavigalugit Jehovamut qanoq at­taveqarlualersin­naanersugut suul­lu pil­lualivis­sutaasar­nersut ilin­niar­titsis­sutigineqarmata erlin­nar­tuup­put. Sal­lusuis­sutit taak­ku akueralugil­lu maleruaratsigit ajoqersuinerluutinut kinguaas­siuutitigul­lu inuunerlun­nermut inus­siaataajun­naar­pugut. – 1 Kor 6:9-11.

⁴ Sal­lusuis­sutit Guutip oqaasianeersut erlin­nar­tuuneran­nut pis­sutaasoq al­la tas­saavoq Jehovap maniguul­lutil­lu ‘eq­qor­tumik isigin­nit­taasil­lit’ kisiisa tamak­kunin­nga paasitit­tarmagit.  (ApS 13:48, NW) Maniguut­tut akuerisar­paat nalitsin­ni inus­siap aalajaal­lunilu silatuup Biibili pil­lugu ilin­niar­tit­taraatigut. (Matt 11:25; 24:45) Sal­lusuis­sutit tamak­ku ikior­neqan­ngik­kut­ta paasisin­naan­ngilavut, tamak­kunin­ngalu paasin­nin­neq sumit tamanit naleqar­ner­paavoq. – Uss 3:13, 15.

5. Jehovap aam­ma sumik al­lamik pisin­naatitaaf­filer­paatigut?

⁵ Jehova siuner­taalu pil­lugit al­lanut ilin­niar­titsinis­samik taas­sumin­nga im­mik­kut pisin­naatitaaf­filer­neqar­pugut. (Matt 24:14) Inuit Jehovap ilaqutariis­sor­taanut ilaaler­nis­samut naas­saan­ngitsumil­lu inuunis­samut periarfis­sin­neqarmata tusarlius­saq oqaluus­sis­sutigisar­put erlin­nangaar­poq. (1 Tim 4:16) Sivikitsuin­narmik sivisuumil­luun­niit oqaluus­sisin­naagaluarut­ta ul­lutsin­ni suliaq pingaar­ner­paaq peqataaf­figaar­put. (1 Tim 2:3, 4) Guutimut suleqataatin­neqar­ner­put uagutsin­nut ataq­qinaataangaar­poq, ilaa! – 1 Kor 3:9.

6. Mianersun­ngitsoor­tut ilaat sup­pat?

⁶ Timotheusip nalaani inuusut ilaasa Guutimik suleqateqar­ner­tik im­mik­kut pisin­naatitaaf­fiusoq pingaar­tin­ngilaat. Demasip silarsuaq nuan­narigamiuk im­mik­kut pisin­naatitaaf­fini, Paulusimik suleqateqar­nini, sus­sak­keer­paa. (2 Tim 4:10) Fygelosi aam­ma Hermogenesi Paulusip malersugaaneratut malersor­neqar­nis­sar­tik an­nilaangagigunaramik­ku kif­far­torun­naar­put. (2 Tim 1:15) Hymenæusi, Alexanderi Filetusilu tunus­sisun­ngorlutik sal­lusuis­sut qimap­paat. (1 Tim 1:19, 20; 2 Tim 2:16-18) Inuit taak­kua tamarmik anersaak­kut nukit­tuujusimagaluarlutik tunis­sutisiar­tik erlin­nar­toq suusupagilersimavaat.

7. Saatanip qanoq periaaseqarluni nak­kar­tin­niar­paatigut?

⁷ Erlin­nar­tuutinik Jehovap uagutsin­nut tun­nius­saanik iperaatin­niarluta Saatani qanoq ilior­tar­pa? Taman­na misis­soriar­tigu. Eq­qarsar­taaseq pis­susilersor­nerlu sal­lusuis­sum­mit qimaguk­kiar­tuaas­sutigisin­naasavut aliik­kutas­siat, tusagas­siuutit inter­netilu atorlugit siuarsar­tar­pai. Tatineqar­til­luta malersugaatil­lutaluun­niit sioorasaarinermigut oqaluus­sisarun­naar­tin­niar­paatigut. Sal­lusuis­sut qiman­nias­sagatsigu Saatanip kis­saatigaa tunus­sisut tusar­naas­sagivut. – 1 Tim 6:20, 21.

8. Qatan­ngutip Danielimik atil­lip misigisaanit suna ilik­kar­piuk?

⁸ Mianersun­ngik­kut­ta sal­lusuis­sut qimak­kiar­tuaarsin­naavar­put. Daniel * qarasaasiak­kut spil­ler­nermik nuan­narisaqar­toq sam­meriar­tigu. Ima oqalut­tuar­poq: “Qulit mis­saan­nik ukioqarlunga qarasaasiak­kut spil­ler­taler­punga. Aal­laq­qaam­mut spil­lerutigisar­tak­kak­ka  ajun­ngitsuup­put. Pif­fis­sal­li ingerlanerani nakuuser­ner­tal­lit anersaarsior­ner­tal­lil­lu spil­lerutigisaler­pak­ka.” Daniel ul­lormut nalunaaqut­tap-akun­neri 15-it spil­ler­taler­poq. Ima nangip­poq: “Taamani nalun­ngik­kaluar­para spil­lerutit taamaat­tut sivisuumil­lu spil­ler­tar­nera pis­sutigalugit Jehova ungasil­liar­torlugu. Uum­matiga malus­sarlersimam­mat isumaqalersimavunga najoq­qutas­siat Biibilimeersut maleruar­tariaqar­nagit.” Tas­sa mianersun­ngik­kut­ta aliik­kusersuutinit sun­ner­neqarluta sal­lusuis­sut pingaar­tik­kun­naariar­torsin­naavar­put. Taama pisoqar­pat Jehovap tunis­sutai erlin­nar­tut an­naasin­naavavut.

9. Timotheusimut al­lak­kat siul­liit 1:18, 19-ilu naaper­torlugit Paulusip Timotheusi sumut as­sersuup­paa?

⁹ 1 Timotheusi 1:18, 19 atuakkit. Paulusip Timotheusi sak­kutuutut in­nerar­paa kajumis­saarlugulu ‘ajun­ngitsus­saq siuner­taralugu sorsoq­qul­lugu’. Sorsun­neq taman­na anersaak­kut sorsun­neruvoq. Kristumiut sak­kutuunut sorsuut­tunut sutigut as­sersuun­neqarsin­naap­pat? Kristusip sak­kutoorim­matigut suut ineriar­tor­tit­tariaqar­pavut? Paulusip as­sersuusiaanit tamatuman­nga ilin­niagas­sat tal­limat sam­meriar­tigit. Ilin­niagas­sat taak­ku iluaqutigalugit sal­lusuis­sum­miigin­narsin­naavugut.

10. Guutimik mianerin­nin­neq qanoq paasisariaqar­pa, aam­ma sooq pisariaqar­tip­par­put?

¹⁰ Guutimik mianerin­ninneq ineriar­tortiguk. Sak­kutuujul­luar­toq ilumoorfigin­nit­tuuvoq. Asasani naleqar­titaniluun­niit il­lersor­niarlugit ilungersor­tar­poq. Paulusip Timotheusi kajumis­saar­paa Guutimik mianerin­nin­neq – tas­sa Guutimik asan­nil­luni ilumoorfigin­nin­neq – ineriar­tor­teq­qul­lugu. (1 Tim 4:7) Guutimik asan­nin­nerujar­tor­til­luta sal­lusuis­sum­miit­tuar­nis­sar­put kis­saatiginerujar­tus­savar­put. – 1 Tim 4:8-10; 6:6.

11. Sooq im­minut naalak­kersin­naasariaqar­pugut?

¹¹ Imminut naalak­ker­sin­naaneq ineriar­tortiguk. Sak­kutooq sorsugiar­nis­samut piareersimajuarumal­luni ilungersor­tariaqar­poq. Eq­qun­ngitsumik kis­saateqar­nerup qimarratiginis­saanik, pis­suseris­suunis­samik up­peqatinil­lu peqateqar­tar­nis­samik Paulusip isumas­sarsisitaal­luni siun­nersuutai malik­kamigit Timotheusi anersaak­kut sorsun­nis­samut piareersimajuar­poq. (2 Tim 2:22) Siun­nersuutit tamak­ku malis­sin­naajumal­lugit im­minut naalak­kersin­naasariaqar­poq. Uagut­taaq kis­saatigisavut eq­qun­ngitsut akiorsin­naajumal­lugit im­minut naalak­kersin­naasariaqar­pugut. (Rom 7:21-25) Aam­mami inutoqaq iperaq­qajuas­sagutsigu inul­lu nutaaq ateq­qajuas­sagutsigu im­minut naalak­kersin­naasariaqar­pugut. (Ef 4:22, 24) Soorlu un­nuk­kut qasoq­qagaangat­ta ataatsimiigiar­nis­samut im­minut pin­ngitsaalisariaqarsin­naasar­pugut. – Hebr 10:24, 25.

12. Qanoq Biibilimik atuil­laq­qin­nerulersin­naavugut?

¹² Sak­kutuup sak­kuminik atuineq sungiusar­tariaqar­tar­paa. Atorluarsin­naas­sagunigil­lu sungiusakulasariaqar­poq. Uagut­taaq Guutip oqaasia atorluarsin­naasariaqar­par­put. (2 Tim 2:15) Tamatumun­nga tun­ngatil­lugu ataatsimiin­nitsin­ni ilin­niar­tin­neqar­tar­pugut. Sal­lusuis­sutil­li Biibilimeersup ilumut naleqar­tuunera pil­lugu al­lat nas­suiaas­sin­naas­sagutsigit nam­mineq Biibilimik atuaq­qis­saakulasariaqar­pugut. Guutip oqaasia atorlugu up­per­ner­put nakus­satsit­tariaqar­par­put. Taamaalius­sagut­ta Biibilimik atuar­neq naam­man­ngilaq. Biibili eq­qor­tumik paasis­sagutsigu nas­suiarsin­naas­sagutsigulu atuak­kavut eq­qarsaatigeq­qis­saar­tariaqar­pavut Biibililersaarutitsin­nil­lu misis­sueq­qis­saarluta. (1 Tim 4:13-15) Taamaaliorut­ta Biibili atorlugu al­lanik ilin­niar­titsisin­naalis­saagut.  Ilin­niar­titat­tali Biibilimik atuf­fan­nis­saat naam­man­ngilaq. Tusar­naar­tivut al­las­simaf­fim­mik paasin­nis­sin­naaq­qul­lugit tamatumin­ngalu maleruaasin­naaq­qul­lugit ikiorusup­pavut. Guutip oqaasianik ilin­niar­titsil­laq­qin­nerulersin­naavugut aalajangersimasumik Biibilimik atuaq­qis­saar­tar­nik­kut. – 2 Tim 3:16, 17.

13. Hebræerit 5:14 naaper­torlugu sooq naliliisin­naas­suseqar­tariaqar­pugut?

¹³ Naliliisin­naas­suseqarit. Sak­kutuup navianar­torsiorfiusin­naasut naliliif­figisin­naasariaqar­pai. Uagut­taaq uagutsin­nut ajoqutaasin­naasut naliliif­figisin­naasariaqar­pavut ajor­nar­torsiorumanatalu iliuuseqar­tariaqarluta. (Uss 22:3; Hebræerit 5:14 atuaruk). As­sersuutigalugu aliik­kutas­satsin­nik silatusaar­tumik toq­qaasariaqar­pugut. Fjer­nsynik­kum­mi nangeqat­taar­tar­tuni filminilu kinguaas­siuutitigut inuunerlun­nerit takutin­neqar­tar­put. Inuunerlut­tut Guutimut aliasuutaap­put aam­ma im­minut al­lanul­lu ajoqutaas­sal­lutik. Taamaat­tumik Guutimut asan­nin­nitsin­nik ajoqutaajar­tulersin­naasut aliik­kutarinaveersaar­tar­pavut. – Ef 5:5, 6.

14. Danielip naliliisin­naas­suseqar­nini qanoq iluaqutigaa?

¹⁴ Danielip, siusin­nerusuk­kut eq­qaaneqar­tup, paasiar­tuler­paa nakuuser­ner­talin­nik anersaarsior­ner­talin­nil­lu spil­ler­tar­nini ajoqutigalugu. Taman­na iliuuseqarfigiumal­lugu ujarliutit elektroniskiusut atorlugit Biibililersaarutitsin­ni iluaqutigisin­naasaminik ujarlerluni misis­sueq­qis­saar­poq. Taamaalior­nini qanoq sun­ner­neqaatigaa? Ajoqutaasunik qarasaasiak­kut spil­ler­tarun­naar­poq. Inter­netik­kut spil­ler­tarun­naar­poq spil­leqatigisar­tak­kanilu peqatigisarun­naarlugit. Ima oqar­poq: “Spil­ler­tarun­naarlunga silami sam­misar­tagaqaler­punga ikin­ngutil­lu ilagiin­niit­tut peqatigisalerlugit.” Maan­na Daniel pioneriul­lunilu utoq­qaaner­taavoq.

15. Sooq paasis­sutis­sat eq­qun­ngitsut navianar­tuup­pat?

¹⁵ Paasis­sutis­sat eq­qun­ngitsut tunus­sisut siaruar­tigaasa navianar­tuunerat paasisariaqar­par­put. (1 Tim 4:1, 7; 2 Tim 2:16) As­sersuutigalugu qatan­ngutivut pil­lugit sal­luliuutinik siam­mar­terisin­naap­put Jehoval­luun­niit peqatigiis­sor­tai pil­lugit qulalersin­niarsin­naal­luta. Paasis­sutis­sat eq­qun­ngitsut taamaat­tut up­per­ner­put san­ngiil­lisis­sin­naavaat. Taamatut sun­niiniapilut­tunit sianiinaar­tin­naveersaar­tariaqar­pugut. Sooq? Inuit “silatusaal­laq­qis­suujun­naarsimasut sal­lusuis­sum­mil­lu pigisaarut­tut”  siaruar­tigarim­matigit. Taak­kua anguniagaraat ‘oqal­lin­neq as­sor­tuun­nerlu’. (1 Tim 6:4, 5) Kis­saatigaat mamarliinitik up­peralugit qatan­ngutivut pil­lugit ajor­tumik eq­qarsalis­sasugut.

16. Suut al­lamut saasaatiginaveersaas­savavut?

¹⁶ Allamut saasar­tin­naveer­saarit. Timotheusi “Kristusi-Jiisusimut sak­kutuujul­luar­tutut” kif­far­tor­nini aal­lul­luar­tariaqar­paa silarsuarmi anguniagarisin­naasat aningaasarsior­nerlu al­lamut saasaatiginagit. (2 Tim 2:3, 4) Uagut­taaq pigisaqar­neruler­niar­neq al­lamut saasaatiginaveersaar­tariaqar­par­put. ‘Pisuus­sutit nakutitsisar­neri’ Jehovamik asan­nik­kun­naas­sutigisin­naavavut, Guutip oqaasianik pingaar­titsiun­naas­sutigisin­naavavut oqaluus­serusuk­kun­naas­sutigalugil­lu. (Matt 13:22) Pilimanian­ngitsumik inooriaaseqar­tariaqar­pugut, aam­ma pif­fis­sar­put nukivul­lu atorlugit Guutip kun­ngeqarfia, tas­sa naalagaaf­fia, sal­liut­tuar­tariaqar­par­put. – Matt 6:22-25, 33.

17-18. Anersaak­kut ajoquseq­qunata susin­naavugut?

¹⁷ Iliuuseqariaan­naagit. Sak­kutuup im­minut il­lersor­nis­sani pilersaarusior­tariaqar­paa. Uagut­taaq Jehovap uagutsin­nut tun­nius­sai paaril­luas­sagutsigit navianar­toqaraangat iliuuseqapal­las­sin­naasariaqar­pugut. Ingerlaan­naq iliuuseqar­nis­samut suna iluaqutigis­savar­put? Navianar­tup akior­nis­saanut pilersaarusior­tariaqar­pugut.

¹⁸ As­sersuutigalugu tim­misar­tumut ikisoqaraangat isuman­naal­lisaaneq pil­lugu anif­fis­saq im­minut qanin­ner­paaq malugeq­quneqar­tar­poq. Sooq? Ajutoor­toqas­sap­pat anipal­las­sin­naasoqar­nias­sam­mat. Uagut­taaq “anif­fis­saq” sorleq anif­figis­sanerlugu siumut eq­qarsaatigereersin­naavar­put. As­sersuutigalugu inter­neti ator­til­lugu imaluun­niit filmer­til­luta fjer­nsyner­til­lutaluun­niit kinguaas­siuutitigut inuunerlun­neq, peq­qar­niitsumik nakuuser­neq tunus­sisul­luun­niit siam­mar­tigaat takutin­neqar­pata qanoq ilius­sanerluta eq­qarsaatigereersin­naavar­put. Ajor­nar­torsiorsin­naaner­put piareersimaf­figigutsigu anersaak­kut ajoquser­naveersaarsin­naavugut Jehoval­lu isaani minguitsuujuarsin­naal­luta. – Tuss 101:3; 1 Tim 4:12.

19. Jehovap uagutsin­nut tun­nius­sai paaril­luarutsigit qanoq pil­luaq­quneqas­saagut?

¹⁹ Jehovap uagutsin­nut tun­nius­sai naleqangaar­tut – sal­lusuis­sutit Biibilimeersut erlin­nar­tut al­lanil­lu ilin­niar­titsinis­samut im­mik­kut pisin­naatitaaf­fik – paaril­luar­tariaqar­pavut. Paaril­luarutsigit ilerasuuteqas­san­ngilagut, siuner­taqarluar­tumik inuus­saagut al­lal­lu Jehovamik ilisarisiman­nilersin­naaq­qul­lugit ikiuiner­put nuan­naarutigalugu. Jehovap uagutsin­nut tun­nius­sai paaril­luarsin­naavavut taas­suma ikiormatigut. – 1 Tim 6:12, 19.