Il­lit ilaqut­tatil­lu qanoq siunis­saqas­sanersusi eq­qarsaatiginikuuiuk? Pisuujus­savit piitsuus­savil­luun­niit, aap­paqalis­savit kiserlior­tuus­savil­luun­niit? Inuuneq­qor­tus­savit toqujaar­pal­laas­savil­luun­niit? Apeq­qutit taamaat­tut ukiuni tuusintilin­ni eq­qarsaatigineqar­tar­put.

Ul­lumik­kut ilisimatuut silarsuarmi al­lan­ngoriar­tor­ner­nik misis­suisar­put siunis­sarlu pil­lugu mis­singersuisarlutik. Ilimasaarutit ilar­pas­sui eq­quut­tar­put al­lal­li eq­quun­neq ajor­put sulilu al­lat uniuuterujus­suar­tarlutik. As­sersuutigalugu 1912-imi Guglielmo Marconi radiuk­kut nalunaarasuar­taam­mik nas­saar­toq ima siulit­tuisimanerar­neqar­poq: “Radio atuutilermat sorsuut­toqaq­qin­navian­ngilaq.” Aam­ma Decca Recordsimi im­mius­sas­sarsior­tar­tup 1962-imi Beatles itigar­tip­paa isumaqarami guitarersorlutik nipilersor­tar­tut nuan­narineerutis­sasut.

Inup­pas­suit siunis­saq pil­lugu anersaat silarsuaat paasiniaaviginiar­tar­paat. Taak­kua ilaat ul­loris­sat najoq­qutaralugit siulit­tuisar­tunut siun­nersor­tis­sarsior­tar­put; atuagas­siar­pas­suar­ni aviiser­pas­suar­nilu horoskopeqar­tar­poq. Al­lal­lu siulit­tuiniar­tar­tunut anersaarsior­tunul­luun­niit siunis­saq pil­lugu tarok­kor­tini, kisitsisini itum­mal­luun­niit titar­nerinik atuaasin­naanerar­tunut saaf­figin­nit­tar­put.

Itsaq palasit angutit ar­nal­lu paasis­sutis­sanik guutimin­neersunik ingerlatsitseq­qit­tar­nerar­tut inun­nit siunis­saq pil­lugu paasisaqarusut­tunit saaf­figineqar­tar­put. As­sersuutigalugu al­las­simasoqar­poq Lydiap kun­ngiata Krøsusip Delfimi Grækenlandimiit­tumi palasit akisuunik tunis­suteqarfigigai paasiteq­qul­luni Perserit kun­ngiat Kyrosi sorsuf­figiguniuk qanoq kinguneqas­sanersoq. Akineqar­poq Kyrosi sorsuf­figiar­tor­pagu “naalagaaf­fis­suaq” piuneerun­neqas­sasoq. Krøsus ajugaas­samaarluni aal­lar­poq, piuneerun­neqar­torli tas­saavoq nam­mineq naalagaaf­fis­sua!

Ilimasaarineq taman­na arlariin­nik paasineqarsin­naasoq naleqan­ngilaq; sorsun­nermi kik­kut ajugaagaluar­pataluun­niit eq­quun­nerar­neqarsin­naavoq. Krøsus paasinerlutsin­neqarami suut tamaasa an­naavai. Ul­lumik­kut siunis­saq pil­lugu siulit­tuisar­tunut nuan­narineqar­tunut saaf­figin­nit­tar­tut iluatsitsinerusar­pat?