Tamatumun­nga as­singusumik tamat­ta anorersuarujus­suar­tut it­toq misigis­savar­put, taman­na Jiisusip ‘naal­liun­nar­toqangaar­nis­samik’ taavaa. (Mat­thæusi 24:21) Taman­na qimarratigisin­naan­ngilar­put. Im­minul­li il­lersor­niarluta iliuuseqarsin­naavugut. Qanoq?

Jiisusi Kristusi tusar­naar­timinut ima peq­qusivoq: “Guutil­li naalagaaf­fia iluar­neralu ujaq­qaarsigit.” (Mat­thæusi 6:33) Qanoq taamaaliorsin­naavugut?

Guutip naalagaaf­fia ujaq­qaar­siuk. Taman­na isumaqar­poq Guutip naalagaaf­fia sunit tamanit pingaar­ner­paatis­sagip­put. (Mat­thæusi 6:25, 32, 33) Sooq? Inuit nunarsuarmi ajor­nar­torsiutinik aaq­qiisin­naan­ngim­mata. Guutip naalagaaf­fiata kisimi tamak­ku aaq­qis­sin­naavai.

Guutip iluar­nera ujaq­qaar­siuk. Taamaaliorsin­naavugut Guutip inatsisai najoq­qutas­siaalu naaper­tuil­luar­tut sapin­ngisatsin­nik maleruar­niar­nerisigut. Sunami eq­qor­tuunersoq sunalu eq­qun­ngitsuunersoq nam­mineq naliler­niarsarigutsigu ajor­tumik kinguneqaan­nas­saaq. (Us­satit 16:25) Guutil­li najoq­qutas­siai maleruarutsigit Guutimit iluarisaagin­narata aam­ma nam­mineq iluaqutigis­savar­put. – Esaja 48:17, 18.

Ujaq­qaar­tuar­sigit Guutip naalagaaf­fia taas­sumalu naaper­tuil­luar­nera. Jiisusi mianersoq­qusil­luni oqar­poq inuit ilaat al­lamut saasar­til­lutik isumaqalerumaar­tut sapin­ngisamin­nik aningaasarsiorunik iluanaas­sal­lutik. Al­lat inuunermin­ni isumakuluutit eq­qarsaatigival­laaramik­kit  Guutip naalagaaf­fiata ujaq­qaar­nis­saanut pif­fis­saqan­ngil­lat. – Mat­thæusi 6:19-21, 25-32.

Jiisusili neriorsuivoq Guutip naalagaaf­fianik tapersersuisut maan­nak­kut pisariaqar­titatik pis­sagaat siunis­samilu pil­luaq­qus­sutisingaas­sasut. – Mat­thæusi 6:33.

Jiisusip ajoqersugaasa siul­liit Guutip naalagaaf­fia naaper­tuil­luar­neralu ujaq­qaar­paat, taak­kuali nalaan­ni an­niaatit naal­liuutil­lu suli atuup­put. Il­lersor­neqar­pul­li.

Guutip najoq­qutas­siaanik naaper­tuil­luar­tunik maleruaaner­tik il­lersuutigigamik­ku Guutimik sumigin­naasut ajor­nar­torsiutigisar­tagaat ajor­nar­torsiutigin­ngilaat. Guutip naalagaaf­fiata tikiun­nis­saa up­peril­luin­naramik­ku ajor­nar­torsiungaaraluarlutik piner­tusaarsin­naap­put. Qanoq? “Pis­saaneq as­seqan­ngitsoq” Guutimit pisaramik­ku. – 2 Korinthimiut 4:7-9.

Kristumiut siul­liit Guutip naalagaaf­fiata ujaq­qaar­nis­saanik Jiisusip peq­qus­sutaa naalap­paat. Guutip naalagaaf­fianik nutaarsias­saq nuan­nersoq tikis­sin­naasamin­nut oqaluus­sis­sutigaat. (Kolos­semiut 1:23) Ul­lumik­kum­mi?

Jehovap Nalunaajaasuisa paasisimavaat Guutip naalagaaf­fia nunarsuarmut tikiutiliivis­soq. Taamaat­tumik sapin­ngisamin­nik Jiisusip peq­qus­sutaa una maleruar­paat: “Naalagaaf­fim­mil­lu iivangkiiliu taan­na silarsuarmi tamarmi oqaluus­sis­sutigineqas­saaq inuian­nut tamanut nalujun­naarsil­lugu, taavalu naggatis­saq nal­liutis­saaq.” – Mat­thæusi 24:14.

Il­lit nutaarsias­saq nuan­nersoq qanoq qisuariarfigis­saviuk? Kajumis­saar­patsigit inuit itsaq Berøami Makedoniamiit­tumi najugal­lit ilaaq­qul­lugit. Taak­ku Guutip naalagaaf­fia pil­lugu nutaarsias­saq nuan­nersoq apustilimit Paulusimit tusaramik­ku “kajumeqalutik ilas­sivaat”. Tusak­katik ilumoor­nersut paasiumal­lugu “Al­lak­kat misis­suif­figisar­paat” ilik­kak­kamin­nul­lu naaper­tuut­tumik iliuuseqarlutik. – Apustilit Suliaat 17:11, 12.

Aam­ma il­lit taamaaliorsin­naavutit. Guutip naalagaaf­fia iluar­neralu ujaq­qaaruk­kit maan­nak­kut il­lersor­neqaatigis­savat siunis­samilu naas­saan­ngitsumik eq­qis­sineq isuman­naas­suserlu misigalugit.