Inuit qanitariin­ner­paat – marlulis­sat as­sigiil­luin­nar­tut – eq­qarsaatigik­kit. At­taveqatigiin­nerat im­mik­kut it­tuuvoq. Ilaat “oqaloqatigiik­kaangamik nas­suiaan­ngik­kaluarlutik paaseqatigeeq­qis­saar­tar­put”, Nancy Segal, Centret for Tvillingestudier-imi pisor­taasoq nam­mineq marluliaasoq, oqar­poq. Ar­nap al­lap marluliaqatimilu at­taveqatigiin­ner­tik ima oqaatigaa: “Sun­nguit tamaasa pil­lugit im­mitsin­nut ilisarisimavugut.”

Sooq im­mik­kuul­laris­sumik paaseqatigiis­sin­naap­pat? Misis­sueq­qis­saar­ner­nit erser­poq naak inuunermi atugarisat angajoq­qaal­lu sun­niuteqaraluar­tut timik­kut kingor­nut­tak­kat, tas­sa DNA, sun­niuteqar­ner­paajusut.

UNA EQQARSAATIGIUK: Timik­kut kingor­nut­tak­kanik tupin­nar­tunik tamanik Pin­ngor­titsisoq inut­tut qanoq it­tuunitsin­nik paasin­neq­qis­saar­poq. Tus­siaasior­toq Daavi ima nalunaar­poq: ‘Il­lim­mi katiter­parma anaanama iluani. Saanik­ka ilin­nut iser­tugaan­ngil­lat taamani takus­saan­ngitsumi ilusilersugaagama. Ilumiuutil­lungali isigaarma.’ (Tus­siaat 139:13, 15, 16) Timik­kut kingor­nut­tak­kanut tun­ngatiin­nar­nagu aam­mali inuunitsin­ni pisimasut tamaasa kinaas­sutsitsin­nut sun­niuteqar­tut Guutip kisimi tamak­kiisumik nalunagil­lu paasil­luarsin­naavai. Tamak­kunin­nga tamanik Guutip ilisiman­nil­luin­nar­neranit erser­poq taas­suma paasil­luaq­qis­saaraatigut.

Daavi ima qinuvoq: “Naalagaq, il­lit misis­suif­figisimavarma, nalunangalu. Nalun­ngilarma is­siagaluaruma nikorfagaluarumaluun­niit, ungasis­sumit al­laat paasereer­tar­pat qanoq eq­qarsar­tunga. Oqaaseq uanga oq­qan­ni pin­ngorian­ngitsoq il­lit Naalagaq, ilisimareeraraat naam­mat­tumik.” (Tus­siaat 139:1, 2, 4) Aam­mat­taaq misigis­sutsivut ilorliit Jehovap eq­qumaf­figai al­laam­mi ‘inuit piumasaat pilersaarutaal­lu tamaasa paasisimal­lugit’. (1 Nalunaarsuutit 28:9; 1 Samueli 16:6, 7) Versit taak­kua Guuti pil­lugu sunik paasitip­paatigut?

Qinunitsin­ni eq­qarsaativut misigis­sutsivul­lu tamaasa oqaaser­talin­ngik­kaluarivut Pin­ngor­titsisit­ta iliuuserisavut malugiin­nar­nagit aam­ma sooq taama iliuuseqar­nersugut paasisar­paa. Aam­ma iliuusererusutavut ajun­ngitsut, pisin­naasat­ta kil­leqar­nerat pis­sutigalugu kis­saatigisatsitut iliuuserin­ngitsuuk­kavut, ilisimavai. Guutip asan­nis­suseqar­tik­kamisigut asan­nil­luta eq­qarsaativut pis­sutivul­lu kajumingaarluni malugalugil­lu paaserusup­pai. – 1 Johan­nesi 4:7-10.

 Allassimaffiit qularunnaarsitsisut

• ‘Naalak­kap isaasa sam­mivigaat iluar­tut, ikioq­qul­lutik nil­lianerat siutaasa tusar­tar­paat.’ – 1 PETRUSI 3:12.

• Guutip ima neriorsor­paatigut: “Ilin­niar­tis­savak­kit ilitsersorlutil­lu ingerlavis­san­nik. Siun­nersus­savak­kit, isigiuas­savak­kil­lu.” – TUSSIAAT 32:8.

Paasivar­put Guuti atuk­katsin­nik misigis­sutsitsin­nil­lu paasin­nit­tuusoq. Taman­na atugarlior­nitsin­ni naam­magit­tar­nis­samut iluaqutigisin­naavar­put? Annap Nigeriamiup misigisai sam­meriar­tigit. Ima nas­suiaavoq: “Atuk­kak­ka ilungersunangaarmata inuugin­narusun­nerlunga qularisar­para. Uil­lar­neruvunga, panigalu qaratsamigut im­mat­toorsimal­luni (hydrocephalus) nap­parsim­mavim­miitil­lugu paasivara iviangik­kut kræftilersimagama pilatsit­tariaqarlungalu kemor­tit­tariaqarlungalu qin­nguar­tar­tit­tariaqar­tunga. Panim­ma nap­parsimasup nap­parsim­mavim­mi unin­ngaqatiginera ar­tor­nangaar­poq.”

Annap naam­magit­tar­nis­saminut suna iluaqutigaa. “Al­las­simaf­fin­nik eq­qarsaatigin­neq­qis­saar­tar­punga, ilaatigut Filip­pimiut 4:6, 7 ima al­las­simasor­talik: ‘Eq­qis­sinerup Guutimit pisup siuneqas­suser­nit tamanit an­nerungaar­tup uum­matisi eq­qarsaatisilu ser­nigis­savai.’ Al­las­simaf­fik taman­na eq­qaagaangak­ku Jehova qanit­tuararsuul­lugu misigisar­punga, im­minut paasinin­nit taas­suma paasil­luar­nerugaanga nalunagu. Aam­ma kristumioqatik­ka asasak­ka qiim­mas­saataangaar­put.”

“Suli peq­qiil­lioraluarlunga panigalu marluul­luta ajun­ngin­neruler­pugut. Jehovap najormatigut unam­miniar­nar­tunik nalaataqaraangat­ta nikal­lor­nar­tunik eq­qarsaateqan­ngin­nis­saq ilik­kar­par­put. Jaaku 5:11-mi ima neriorsor­neqar­pugut: ‘Piner­tusaar­tut pil­luar­nerar­tar­pavut. Jobip piner­tusaar­nera tusareer­parsi paasereerlugulu Naalak­kap naggataatigut qanoq iliorfigigaa; Naalagarmi nal­lit­tuingaar­poq saam­maas­singaarlunilu.’” Jehova Jobimik paasin­nil­luin­nar­poq, uagul­lu qularutigis­san­ngilar­put atugarliuuteqaraangat­ta aam­ma paasisarumaaraatigut.