Ateq ajunngitsumik ilisimaneqartoq illersoruk

QALIPAKKAP kusanartup qimerloornera pissarsinartorujussuusinnaavoq. Misissoqqissaaraanni qalipaasup qalipaatinik assigiinngitsunik qalipaasiutinik qalipakkaminut titarseriarsimaneri hundredelippassuit takuneqarsinnaapput.

Ateq ajunngitsumik ilisimaneqartoq pilersinniaraanni, ataasiaannarluni silittumik qalipaasiutinik titarseriarnikkut pisinnaanngilaq, taama oqartoqarsinnaappat, tamannali iliuuserisat annikitsut piffissap sivisuup ingerlanerani naammassisat amerlasuut atorlugit pisinnaavoq. Isumaqarfigineqarnerput annertusiartuaartarpoq qanoq iliuuseqartarnerput malillugu.

Qalipaasiummik eqqunngitsumik titarseriarnerup qalipagaq nalikillisissinnaava. Isumaqarfigineqarnerput aamma taamatut pisinnaavoq. Kunngi silatooq Salomon oqarsimavoq: „Inuk sianiissusiata orlutittarpaa.“ (Ussatit 19:3) Sianiissutsip taamaattup annikitsuinnaalluunnit — immaqa kamalluni nilliaruloornerup, imigassamik atuivallaarnerup imaluunniit kanngunartuliornerup — ajunngitsumik isumaqarfigineqarnerput ajortunngortissinnaavaa. (Ussatit 6:32; 14:17; 20:1) Taamaattumik pingaaruteqarpoq ajunngitsumik tusaamaneqarnissap anguniarnissaa sapinngisarpullu tamaat illersornissaata sulissutiginissaa. — Naleqqiuguk sarĸúmersitat 3:5. (wE 1/6 99)