Nersornaat

KUNNGIITSUUFFIUP Demokratiskiusup Congop ineriartornerata siuarsarneqarneranut Tusagassiortut Congomeersut Afrikameersullu peqatigiiffianit (AJOCAD-mit) „Inuit ataasiakkaat peqatigiiffiilluuniit inuit atugarisaasigut angusaqarluarlutik [Congop] ineriartornerata siuarsarneqarneranut tapersiisimasut nersornaaserneqartarput“.

2000-mi novemberip 17-iani „Jehovap Nalunaajaasuisa atuagassiaataasa paasissutissiineratigut ilinniartitsineratigullu Congomiut inuttut ineriartornerannut tapersiisimasutut nersornaaserneqarput“.

Aviisi Le Phare tamatumunnga tunngatillugu allappoq: „Congomiumik atuagassianik Napasuliaq Alapersaarsuiffik-mik aamma Iteritsi!-mik imaluunniit Jehovap Nalunaajaasuisa atuagassiaataanik allanik neqeroorfigineqarsimanngitsumik nassaarnissaq ajornakusoorsinnaavoq. Inuunermi sumulluunniit attuumassuteqartut atuagassiani allaaserineqartarput.“ Aviisimi aamma erseqqissarneqarpoq „ulluinnarni ajornartorsiutit qanoq aaqqinneqarsinnaanerat“ atuagassiani allaaserineqartarnerat ’ullutsinnilu pisartut tunuliaqutaat aamma sammisarai isumaviallu tikkuartarlugu’. Politikkikkut ’arlaannaannilluunniit tapersersugaqanngillat inuillu qalipaataasigut inuiaqatigiinniluunniit inissisimaffiisigut immikkoortinniartarnagit’. Aamma ’qanittukkut silarsuarmik nutaamik toqqissisimanartumik eqqissineqarfiusumillu pilersitsinissamik Pinngortitsisup neriorsuutaanut neriulluarnissamut tunngavissiipput’.

AJOCAD-ip oqarneratut Jehovap Nalunaajaasuisa atuagassiaataat oqaatsini hundredelippassuarni pissarsiarineqarsinnaasut Congomiorpassuarnit iluaqutigineqarsimapput. Illit aamma neriuut tusarliussaat iluaqutigisinnaavat. (wE 15/8 01)