Niviarsissap qasusuinnera akilerneqartoq

Inuit eqqortuliorusuttut qanigisamik Guutip siunertaanik ilinniarnissaat kissaatigisarpaat, taamaalillutik pilluarlutik inuuneqalersillugit. Guutimut tunniulluinnarlutik sassartut ajunngitsumik aalajangiinerannut allat, inuusuttut utoqqaalluunniit, ileqqorissaarnerat sunniuteqaqataagajuttarpoq. Taamatummi Jearimip, niviarsissap Mexicomeersup, oqaluttuarisaatut aamma pisoqarpoq. Jehovap Nalunaajaasuisa ataatsimeersuaararneranni allagaarannguaq nakkutilliisunut tunniuppaa:

„Nuannaaqatigiumaqaassi. Nassuialaariarlara sooq. Ukiut 18-it sioqqullugu — suli inuunngunngitsunga — angajoqqaama sallusuissut ilinniarsimavaat. Anaanaga siumukarpoq, kingornalu aqqaluaralu taamaaliorluta. Ataatama aamma inuunerup aqqutaatiguulernissaanut tamatta Jehovamut qinoqatigiippugut. Maanna ukiut 18-it qaangiupput, ullorlu manna uagutsinnut immikkut ittuuvoq. Ataatagami kuisilerpoq. Jehova qutsavigaara naggatissap nalliutinnginnerani utaqqiuarsimasarput maanna pimmat. Jehova qujanaq!”

Ukiut ingerlanerini niviarsissap ilaqutaasa najoqqutassiaq Petrusip allagaasa aappaani 3:1, 2-mi ilitsersuutigineqartoq isumassarsiarititaasorlu qularnanngitsumik eqqaamasarsimassavaat: „Taamatuttaaq ilissi nuliaasusi uissinnut naalatsigitissaasi, uiusut ilaat oqaatsimut naalasseriikkaluartut oqaluffigineqanngikkaluarlutik nuliamilli inuusaasiatigut ilanngussinnaaqqullugit Guutimik mianerinnillusi inuunersi minguitsoq takulerunikku.“ Inuusuttup Jearimip aamma Mosesimik allakkat tallimaat 5:16-miittoq malillugu iliorpoq: „Ataatat anaanallu ataqqikkit, soorlu [Jehovap] Guutivit taama peqqugaatit, inuummersoqqullutit atugarissaaqqullutillu nunami [Jehovap] Guutivit ilinnut tunniukkumasaani.“ Najoqqutassiat taakkua malillugit Jehovallu akinissaa naammagittarlutik utaqqigamikku Jearimi ilaqutaalu pilluaqquneqangaarput. (wE 1/1 03)