Biibilimi ima al­las­simavoq: “Silatuup perlus­saq takusin­naasar­paa qimar­nguf­fis­sarsior­tarlunilu, misilit­tagakitsorli ingerlaq­qit­tar­poq taman­nalu ajunaarutigisarlugu.” (Us­satit 22:3) Siun­nersuutitsialak ajunaar­nersuar­ni atoriaan­naasoq. In­nermik anitsisoqar­nis­saa, qarsutsinersuaqar­nis­saa, tsunameqar­nis­saa imaluun­niit ulus­saarsuaqar­nis­saa mianersoq­qus­sutigineqar­pat isuman­naatsumut qimaanis­saq silatusaar­nerus­saaq. Inuuneq il­lunit al­lanil­luun­niit pigisanit pingaaruteqar­neruvoq.

Ajunaar­nersuaqarfioq­qajaasuni najugaqar­niar­natik inuit ilaat aalajangersimap­put. Atorfilik oqar­poq: “Nunat aalajangersimasut ajunaar­nersuaqarfioq­qajaasar­put. Ajunaar­nersuaqarfiup an­nersaa nunap ilaminiin­nan­nguaniip­poq, ajunaar­nersuaqarfiil­lu amerlanerit taak­kunani piumaar­put.” Taman­na ilumoorsin­naavoq, as­sersuutigalugu nunani puk­kin­nerusuni sineris­samiit­tuni imaluun­niit nunami qup­paqarfiusut eq­qaan­ni taman­na pisin­naavoq. Ajunaar­nersuaqarfiusin­naasumi najugaqan­ngik­kuit imaluun­niit tas­san­ngaan­niit nuus­sin­naaguit ajunaar­nersuar­nit eq­qugaanis­saraluit pin­ngitsoor­tin­niarsin­naavat.

Qanorluun­niit isuman­naal­lisaanik­kut piareersarluar­tigisimagaluaraan­ni ajunaar­nersuarmit ilimagin­ngisamit suli eq­qugaasoqarsin­naavoq. Isuman­naal­lisaanik­kut piareersarsimaguit qaanger­niar­nis­saa ilin­nut oqin­nerungaas­saaq. Siun­nersuut Us­satit 22:3-mi siuliani is­suar­neqar­toq tamatumun­nga aam­ma tul­luar­poq. Sil­lim­matis­san­nik nas­satas­san­nik piareersimasuuteqar­pit? Atuagas­siami 1-2-3 of Disaster Education-imi kajumis­saarutigineqar­poq uku nas­sar­neqas­sasut: Ikiueq­qaar­nermut tun­ngasut, puiaasaq imermik imalik, nerisas­sat asiujunaveersaatil­lit pap­pilis­sal­lu pingaarutil­lit. Aam­ma ajunaar­nersuit suut periaan­naanersut taamaat­toqar­til­lugulu qanoq ilior­toqarsin­naanersoq ilaqutariin­niit­tunut oqaloqatigiis­sutigis­sal­lugu silatusaar­nerus­saaq.

Qanorluun­niit pisoqar­til­lugu taman­na iluaqutaasin­naavoq. Biibilimi Guuti taaneqar­poq “Ataataq nal­lit­tuisoq Guutilu tup­pal­lersaajuar­toq an­nikil­liuuteqar­nitsin­ni tamani uatsin­nik tup­pal­lersaasar­toq”. Versimi al­lami al­laatigineqar­poq Guutiusoq ‘nikal­lor­tunik tup­pal­lersaasar­toq’. — 2 Korinthimiut 1:3, 4; 7:6.

Aap, Guutip im­minut up­per­tut atugarisin­naasaat eq­qumaf­figisorujus­suuai. Guutiuvoq asan­nit­toq as­sigiin­ngitsor­pas­suar­tigul­lu qiim­mas­saasar­toq. (1 Johan­nesi 4:8) Tupin­nar­tuliorfigineqar­nis­saq pin­nagu Guutip pis­saanera,  anersaaq il­ler­nar­toq, qin­nutigigaan­ni pis­sutsini qanoq it­tuniluun­niit ikiuisin­naavoq. Atugarliuuteqar­tut Biibilimi oqalut­tuanik tup­pal­lersaatigisin­naasamin­nik anersaamit il­ler­nar­tumit eq­qaasineqarsin­naal­lutil­lu eq­qis­sisin­neqarsin­naap­put. Aap, Guutip kif­fai aalajaatsut Daavitut, itsaq Israelimi kun­ngitut ima oqar­tutut misigisin­naap­put: “Ingerlagaluarumaluun­niit qooq­quk­kut toqup taar­titaatigut siooragisaqan­ngilanga najoram­ma, ungooris­sutit ajaap­pis­sal­lu tup­pal­lersaatigigak­kit.” — Tus­siaat 23:4.

Ukiuni hundredelin­ni siul­ler­ni pruf­fiitip kristumiup, Agabosimik atil­lip, siulit­tuutigaa “silarsuarmi tamarmi kaan­nersuaqalis­sasoq; taamaalivorlu Claudiusip nalaani”. Jiisusip ajoqersugaasa amerlasuut Judæamiit­tut kaan­nersuaqar­nera malugisorujus­suuaat. Kristumioqatimik ajor­nar­torsior­nerat tusaramik­ku ajoqersuk­kat al­lamiit­tut qanoq pip­pat? Oqaatigineqar­poq: “Taava ajoqersuk­kat aalajanger­paat tamarmik pisin­naasar­tik naaper­torlugu nas­sitsis­sasut qatan­ngutinut Judæamiit­tunut ikiuutis­sanik.” (Apustilit Suliaat 11:28, 29) Ikiuuiar­tor­titsinermik­kut asan­nit­tuliorfigaat.

Ul­lumik­kut ajunaar­nersuaqaraangat Guutip kif­fai tamatumun­nga as­singusumik iliuuseqar­tar­put. Jehovamut Nalunaajaasut up­peqatimin­nik ikiuisar­ner­tik ilisimaneqaatigaat. As­sersuutigalugu Chile 2010-mi februaarip 27-ani nunap sajun­neranit sak­kor­tuumik eq­qor­neqarmat, Jehovamut Nalunaajaasut eq­qugaasut ikior­niarlugit ingerlaan­naq iliuuseqar­toqar­poq. Karla, tsunameqarmat il­luminik an­naasaqar­toq, ima oqalut­tuar­poq: “[Nalunaajaasoqatit] aqaguani ikioriar­torluta nunat ilaan­nit aggersut takul­lugit tup­pal­ler­narlunilu qiim­maal­lan­nangaar­poq. Qularutis­saan­ngilaq kajumis­sutsiminik suliniar­tut aq­qutigalugit Jehovap tup­pal­lersaraatigut. Asaneqar­tutut il­lersor­neqar­tutul­lu misigaanga.” Aataavata, Jehovamut Nalunaajaasuun­ngitsup, ikiuiniar­neq maluginiar­paa. Oqar­poq: “Oqaluf­fim­mi ukior­pas­suar­ni ilaasor­taaf­figisan­ni misigisimasimasan­nit al­laanerul­luin­nar­put.” Takusani kil­lin­neqaatigalugit Jehovap Nalunaajaasuisa Biibilimik atuaq­qis­saaqatigisin­naaneraan­ni aperai.

Pif­fis­sani an­nikil­liorfiusuni Guutimik asan­nit­tunik peqateqar­neq as­sut iluaqutaasar­poq.