Paul, nulialik marlun­nil­lu qitor­nalik, ima oqalut­tuar­poq: “Nunatsin­ni aningaasat naleeruk­kiar­tupiluulermata nerisas­sat akitsorlutil­lu ikilip­put. Akun­ner­paaluit tul­leriiaar­tuni utaq­qisar­pugut, amerlaner­tigul­li nerisas­sanik pin­ngitsoor­tar­pugut. Inuit perler­nermik salut­tuararsuan­ngor­put ilaal­lu aq­qusinermi nukil­laagin­nar­tarlutik. Pisariaqar­titat tun­ngaviusut akitsorujus­suar­put. Naggataatigut aningaasaativut naleerup­put. Bankimiit­tuutik­ka, sil­lim­masiinik­ka soraar­nerusutisiak­kalu an­naavak­ka.”

Paulip nalun­ngilaa ilaqut­tanilu aniguis­sagunik ‘silatus­suseqar­tariaqarluni’. (Us­satit 3:21) Ima nas­suiaavoq: “Elinstal­latøritut ilin­niarsimasuuvunga, sunil­luun­niil­li suliaqar­tar­punga akis­sarsiakitsuararsuul­lunga. Ilaasa angerlarsimaf­fim­mi ator­tunik akiler­tar­paan­nga. Qaqorsaatinik sisamanik akiler­neqaraangama marluk tuniniar­tar­pak­ka. Taamaal­lunga kuk­kukuut piaraan­nik 40-nik akiler­neqar­punga. Al­lim­mata tuneriarlugit 300-nik al­lanik pisivunga. Kingusin­nerusuk­kut kuk­kukuut 50-t majsinik qajuusias­sanut 100 kilonut paarlaap­pak­ka. Taak­kunin­nga ilaqut­tak­ka ilaqutariil­lu al­lat arlal­lit sivisuumik inuus­sutis­saqar­tip­pak­ka.”

Paulip aam­ma nalun­ngilaa Guutimik tatigin­nin­neq iliuuserisin­naasami pingaar­ner­paar­tarigaat. Guutip ikior­tar­paatigut peq­qusaatut ilioraangat­ta. Inuunermi pisariaqar­titanut tun­ngatil­lugu Jiisusi ima oqar­poq: ‘Er­numaqinasi. Ataatas­simi nalun­ngilaa tamak­ku pisariaqar­tik­kisi.’ – Lukasi 12:29-31.

Ajoraluar­tumik Guutip akeravis­suata, Saatanip, inuit amerlaner­paat pigisanik pingaar­titsival­laalersis­simavai. Inuit pisariaqar­titavitik pisariaqar­tis­sorisatil­lu matus­suser­nis­saat isumakuluutigingaar­tar­paat pisariaqar­tivin­ngisatil­lu tamaviaarlutik pis­sarsiariniar­tarlugit. Inup­pas­suit akiitsoqaler­tar­put, erloqinar­torsiuleraangamil­lu aatsaat paasisar­paat “taarsigas­sarsialik taarsigas­sarsisitsisumut [inus­siaataalersar­toq]”. – Us­satit 22:7.

 Inuit ilaat im­min­nut ajoqutaasumik aalajangiisar­put. Paul ima oqar­poq: “Sanilivut amerlasuut atugaris­saalerumal­lutik ilaqut­tatik ikin­ngutitil­lu qimal­lugit nunamut al­lamut nuup­put. Ilaat nunasinis­samut up­per­narsaateqaratik nuuk­kamik sulif­fis­sarsisin­naan­ngil­lat. Amerlaner­tigut politiinut iser­tor­niar­tar­put aq­qusiner­nilu sinit­tarlutik. Guutimit ikior­neqar­nis­sar­tik noq­qaas­sutigin­ngilaat. Uagul­li aningaasaqar­niar­nik­kut ajor­nar­torsiutit ilaqutariit­tut Guutimit ikior­neqarluta qaanger­pavut.”

Paul ima nangip­poq: “Jiisusi ima oqar­poq: ‘Isumakuluuteqaqinasi, aqagus­saq nam­mineq piminik isumakuluutis­saqas­saaq.’ Taamaat­tumik ul­lut tamaasa ‘ul­lormut inuus­sutis­sanik’ tuneq­qul­luta Guuti qin­nuigisar­para. Jiisusil­lu neriorsuineratorluin­naq ikiuisar­poq. Il­ligisavut neriuaan­nar­neq ajor­pavut. Taamaal­lunga nerisas­sat suut tuniniar­neqar­nersut nalul­lugu tul­leriiaar­tuni utaq­qivunga. Sunaaf­fa yoghur­ti tuniniar­neqar­toq, uangalu taan­na mamarinagu. Nerisas­saam­mal­li un­nuk taan­na nerivar­put. Guutimut qujamasungaar­punga taamani un­nuit tamaasa ilaqut­tak­ka perliler­natik in­nar­tarmata.” *

“Maan­nak­kut aningaasaqar­nik­kut ajor­nar­torsiuteqar­pal­laan­ngilagut. Misilit­tak­kavul­li tun­ngavigalugit paasivar­put Guutimik tatigin­nin­neq isumakulun­nermik qaangiinis­samut pitsaaner­paasoq. Jehovap * piumasaminik noq­qaas­sutigin­nit­tut ikior­tuas­savai. Tus­siaat 34:9-p ilumoor­nera misigaar­put: ‘Us­sersiuk takusiul­lu Jehova ajun­ngitsuusoq. Pil­luar­poq taas­sumani qimar­nguf­fis­sarsior­toq.’ Taamaat­tumik aningaasaqar­niar­nik­kut ajor­nar­torsiuleq­qin­nis­sar­put er­numagin­ngilar­put.”

“Maan­na inuit inuugin­narumal­lutik sulif­feqar­neq aningaasal­lu pisariaqar­tin­nagit nerisas­sat pisariaqar­tik­kaat paasil­luar­par­put. Guutip neriorsuutaata matuma eq­quun­nis­saa qilanaaringaar­par­put: ‘Karrit naam­mangaar­tut nunami naajumaar­put.’ Taman­na nal­liutserlugu ‘nerisas­saqar­neq atisas­saqar­nerlu naam­magis­savavut’. Biibilimi al­las­simaf­fik una nakus­satsis­sutigisar­par­put: ‘Aningaaserituus­sutsis­si qanoq inuunis­sarsi aalajangis­san­ngilaa, pigisasili naam­magisigit. Guutimi nam­mineq oqar­poq: “Iperas­san­ngilak­kit im­miniigin­nas­sanal­lu.” Taamaat­tumik nakimanata oqarsin­naavugut: Jehova ikior­tigaara, siooras­san­ngilanga, inuup qanoq iliorfigisin­naagaminga?’” *

Paulip ilaqutaasalu pisimanerat­tut Guutimut aalajaat­tuarumal­luta up­persuseqarluar­tariaqar­pugut. (1 Mosesi 6:9) Maan­na aningaasaqar­niar­nik­kut ajor­nar­torsiuteqaraluarut­ta ajor­nar­torsiuteqalis­sagaluarut­taluun­niit Paulip up­per­nik­kut silatus­sutsik­kul­lu maligas­siuinera pingaarutilim­mik ilin­niarfigaar­put.

Taavami ilaqut­tat pil­lugit isumakuluuteqarut­ta?