1, 2. (a) Utoq­qaliar­tor­nermi al­lan­ngor­nerit suut pisar­pat? (b) Biibilip nalaani inuit Guutimik mianerin­nit­tut al­laat utoq­qalinermin­ni qanoq ilil­lutik nuan­naar­neq at­tat­tuaan­narsin­naasimavaat?

UTOQ­QALIAR­TOR­TIL­LUNI sor­pas­suit al­lan­ngoriar­tor­tar­put. Nukis­saqarfigisat ikiliar­tor­tar­put. Tarrarsoraan­ni takuneqarsin­naasar­put ameq amequsulersimasoq, nutsat saalisimasut qeersaalersimasul­luun­niit. Puiutusineq ilungersuutaalersar­poq. Qitor­nat katip­pata ilaqutariit al­lisar­put, er­nutaqaleraan­nilu suli al­linerusarlutik. Suliun­naar­neq inuit ilaan­nut al­larluin­narmik inooriaaseqaler­nermik kinguneqarsin­naasar­poq.

² Utoq­qaliar­tor­neq as­sut misilin­neqaataasin­naavoq. (Nalunaajaasup oqaasii 12:1-8) Im­maqa tamatumani iluaqutaasin­naavoq Guutip kif­faasa Biibilip nalaani inuusimasut ilaat eq­qarsaatigis­sal­lugit. Taak­kua naak naggataatigut toqugaluarlutik sor­pas­suar­nik ilisimasaqalersimap­put utoq­qalinermin­ni nalerisimaarutigeqisamin­nik. (1 Moses 25:8; 35:29; Job 12:12; 42:17) Utoq­qaligaluarlutik qanoq ilil­lutik nuan­naar­neq at­tat­tuaan­narsin­naasimavaat? Najoq­qutas­siat ul­lumik­kut Biibilimi nas­saarisin­naasat­ta maleruar­neratigut. — Tus­siaat 119:105; 2 Timûtiuse 3:16, 17.

3. Angutit ar­nal­lu utoq­qaat Paulusip qanoq un­nersuup­pai?

³ Paulusip Titusimut al­lak­kamini utoq­qalilersut pitsaasunik un­nersuus­simavai. Ima al­las­simavoq: ’Angutit utoq­qaat mianersus­sap­put, ataq­qinas­sap­put, piitaajuitsuus­sap­put, peq­qis­suus­sap­put up­persutsimik­kut asan­nis­sutsimik­kul­lu nikal­lujuis­sutsimik­kul­lu; aam­mat­taaq ar­nat utoq­qaat iluar­tut ileq­qus­saat eq­qorlugu ileq­qoqar­nias­sap­put,  mamarliis­sanatik, viin­nisorajus­sanatik, ajoqersuil­luas­sal­lutik.’ (Títuse 2:2, 3) Oqaatsit tamak­ku maleruar­neratigut utoq­qalinermut atatil­lugu unam­miniar­nar­tut anigor­neqarsin­naap­put.

4, 5. Angajoq­qaat ilar­pas­sui meeq­qatik im­min­ni najugaqarun­naaraangata qanoq qisuariar­tar­pat, ilaal­lu qanoq iliorlutik pis­sutsinut nutaanut naleq­qus­sar­tar­pat?

⁴ Pis­sutsinut nutaanut naleq­qus­sar­nis­saq ilin­niar­tariaqar­poq. Ingam­mik taamaat­tar­poq qitor­nat nam­min­neq angerlarsimaf­feqalerlutil­lu aap­paqaleraangata. Taman­na angajoq­qaat ilar­pas­suinut utoq­qaliler­nermik eq­qaasitsis­sutaasar­poq siul­leq. Soorunami angajoq­qaatut qitor­nat inersimasun­ngor­nerat nuan­naar­nar­tuuvoq, taman­nali ilutigalugu aam­ma meeq­qat nam­mineersin­naaler­nis­saan­nut piareersar­neran­ni naam­mat­tumik iliuuseqarsimanerluni isumakulun­narsin­naasarluni. Maqaasinalaan­ngitsoor­tan­ngil­lal­lumi.

⁵ Paasinar­poq angajoq­qaat meeq­qatik al­lamut nooreeraluar­tut taak­kunun­nga ajun­ngitsus­saq isumakuluutigiuar­tarmas­suk. „Akulikitsumik tusarfigisarsin­naaguk­kit, taamaalil­lunga qularinagu ajun­ngitsut — taava nuan­naas­saanga,“ anaanaq oqar­poq. Ataataq oqalut­tuar­poq: „Panip­put nam­mineq najugaqalermat uagutsin­nut ar­tor­naqaaq. Tamatigut peqatigiit­tar­nikuugat­ta, taamaam­mat aal­larmat maqaaseqaar­put.“ Angajoq­qaat qitor­namin­nit najor­neqarun­naar­ner­tik qanoq ilil­lutik sungius­simavaat? Amerlasuutigut al­lanik ikiuinermik­kut.

6. Qitor­namin­nut katis­simasunut at­taveqar­neq eq­qarsaatigalugu angajoq­qaat eq­qor­tumik isumaqar­nis­saan­nut suup ikiorsin­naavai?

⁶ Qitor­nat katik­kaangata angajoq­qaat inis­sisimaf­fiat al­lan­ngor­tar­poq. Mosesimik al­lak­kat siul­liit 2:24-mi ima al­las­simavoq: „Taman­na pil­lugu angutip ataatani anaananilu qimal­lugit nuliani at­tavigis­savaa, uinin­ngus­sap­pul­lu  ataaseq.“ Siulersuinermut aaq­qis­suus­saal­luar­nermul­lu Guutip najoq­qutas­siai akuerigunik­kik angajoq­qaat eq­qor­tumik isumaqarsin­naas­sap­put. — 1 Korintumiut 11:3; 14:33, 40.

7. Ataataasoq panini im­min­ni najugaqarun­naarmata isum­mamik pitsaasumik sumik ineriar­tor­titsisimava?

⁷ Aap­pariit panitik marluk katim­mata im­min­nilu najugaqarun­naarlutik maqaasisorujus­suusimavaat. Ataataasup aal­laq­qaataani ningaani iluarival­laarsiman­ngilai. Siulersuinermul­li najoq­qutas­siaq eq­qarsaatigil­lualeriaramiuk paasivaa maan­nakut panim­mi uii taak­kunun­nga akisus­saasut. Panim­mi siunersioraangan­ni apereq­qaar­tar­pai uii qanoq isumaqar­nersut, taavalu uiisa aalajangigaat sapin­ngisaminik tapersersor­niar­tarlugit. Ul­lumik­kut ningaavisa ikin­ngutitut isigaat taas­suman­ngalu siun­nersor­neqar­nis­sar­tik nuan­naarutigisarlugu.

8, 9. Angajoq­qaat ilaasa meeq­qamik nam­minersuler­nerat qanoq ilil­lutik naleq­qus­sarfigisimavaat?

⁸ Taavami kater­ngaat, Biibilimut akerliusumik iliun­ngik­kaluarlutik, angajoq­qaat pitsaanerusorisaat­tut iliun­ngip­pata? Aap­pariit aap­palin­nik meeral­lit ima oqarsimap­put: „Jehovap pis­sutsinik isigin­nin­neranik paasin­nin­nis­saan­nik ikior­niar­tuar­tar­pavut, aalajangigaan­nil­lu isumaqatigin­ngik­kaluaraangatsigil­luun­niit akuerisar­par­put tapersersorlugil­lu kaam­mat­tor­tarlugit.“

⁹ Asiami nunat ilaan­ni anaanaasut ilar­pas­suisa er­nermik nam­minersuler­nis­saat as­sut akueriuminaatsit­tar­paat. Teokratiimil­li aaq­qis­suus­saq siulersuinermul­lu najoq­qutas­siaq ataq­qigunik­ku paasis­savaat taman­na ukus­samin­nik akaarin­nin­ngin­nermin­nik mil­lisitsis­sasoq. Ar­naq kristumiu oqarsimavoq er­nermik nam­min­neq najugaqalersimanerat qujamasuutigiar­tuin­narlugu. Maan­na nam­min­neq ilaqut­tamin­nik isumas­suinerat nuan­naarutigaa. Aam­mat­taaq nam­mineq uimilu utoq­qaliar­tor­nermin­nut atatil­lugu timik­kut isumak­kul­lu taman­na oqilial­laatigisimavaat.

10, 11. Nak­karfis­sat utoq­qaliarsaar­nermut atasin­naasut ingalas­simaniar­neran­ni Biibilimi un­nersuus­sut suna iluaqutigineqarsin­naava?

¹⁰ Inuit utoq­qaliarsaaler­nermin­nut qisuariar­tar­neri as­sigiin­ngeqaat. Angutit ilaat inuusun­neror­paserusul­lutik al­latut atisalersor­talersar­put. Ar­nat ilar­pas­sui utoq­qaliarsaaler­nermi al­lan­ngor­nerit isumakuluutigisar­paat. Ajoraluar­tumik utoq­qaliarsaar­tut ilaasa aap­patik kamatsit­tar­paat imaluun­niit sangiatsit­tarlugit ningar­tit­tarlugil­luun­niit inuusun­nerusunik sam­misaqar­niarsarinermik­kut. Angutil­li utoq­qasaat Guutimik mianerin­nit­tut ’isumak­kut peq­qis­suup­put’ kis­saatil­lu eq­qun­ngitsut tunuar­tit­tarlugit. (1 Pîtruse 4:7) Aam­ma ar­nat inersimal­luar­tut aap­pariin­nerup aalajaatsuutin­nis­saa sulis­sutigisar­paat, uimin­nut asan­nin­ner­tik Jehoval­lu iluarisaanik iliorusun­ner­tik pis­sutigalugu.

 ¹¹ Kun­ngip Lemuelip isumas­sarsisitaal­luni „nuliaal­luar­toq“, ’uiminik ajun­ngitsuin­narmik pin­nit­tar­toq, taas­sumin­nga ajor­tumik pin­nin­ngisaan­nar­toq inuunini naal­lugu’, nersorsimavaa. Uiusup kristumiuusup puius­san­ngilaa nuliani utoq­qaliarsaaler­nermini im­maqa misigis­sutsik­kut an­ner­tuumik sorsugas­saqar­toq. Taas­sumun­nga asan­nin­nerminit kil­lin­neqarluni ’nersus­savaa’. — Us­satit 31:10, 12, 28.

12. Aap­pariit qanoq ilil­lutik ukiut ingerlatil­lugit im­min­nut qanil­liar­torsin­naap­pat?

¹² Ukiuni meeq­qanik perorsaal­lusi ulapaarfigisas­sin­ni marluul­lusi inut­tut kis­saatigisasi nangaanasi tunuar­tit­tarsimavasi meeq­qat pisariaqar­titaat sal­liutin­niarlugit. Ilis­sin­nili najugaqarun­naareer­nerata kingor­na aap­pariin­nis­sin­ni al­lanik pingaar­titaqaler­nis­samut pif­fis­san­ngor­poq. „Panivut uagutsin­ni najugaqarun­naarmata soorlumi tas­sa nuliaralu aap­pas­siariin­ner­put misigeq­qik­kip­put,“ angut oqalut­tuar­poq. Uiusoq al­la ima oqarsimavoq: „Aap­pat­ta peq­qis­susia sianigisar­par­put im­mitsin­nul­lu eq­qaasit­tarluta timitsigut aalanis­sar­put atorfis­saqar­tik­kip­put.“ Aap­pariit taak­ku kiserlior­tutut misigiumanatik ilagiin­niit­tunik al­lanik pulaar­titsisar­put. Aap, al­lanik soqutigin­nin­neq as­sut nuan­naarutis­sarsif­fiusar­poq, tamanil­lu pingaar­ner­paamik, Jehovap iluaraa. — Filípimiut 2:4; Eprîarit 13:2, 16.

13. Aap­pariit aam­ma utoq­qaliler­nermin­ni am­masumik un­neq­qaris­sumil­lu oqaloqatigiit­tar­nerat qanoq pingaaruteqar­pa?

¹³ Aap­pal­lu oqaloqatigiil­luar­tar­nis­si at­tatiin­nar­nis­saa sulis­sutigisiuk. Im­mis­sin­nut am­maf­figigitsi. (Us­satit 17:27) „Isumas­soqatigiit­tar­nitsigut im­mitsin­nut ilisarisimaneruler­pugut,“ uiusoq oqarsimavoq. Nuliata isumaqatigaa oqarluni: „Utoq­qaliarsaariarat­ta tiitoqatigeerujoor­neq, oqaloqatigeerujoor­neq al­latigul­lu peqatigiin­neq nuan­nariar­tuin­nar­par­put.“ Am­maf­figeqatigiil­lusilu un­neq­qarif­feqatigiik­kus­si aap­pariin­nersi aalajaan­nerulis­saaq, Satanil­lu aap­pariin­nis­sin­nik aseruiniar­neri tamaasa akiorsin­naas­savasi.

14. Timoteusip al­liar­tor­nerani taas­suma aanaa qanoq pingaaruteqarsimagunar­pa?

¹⁴ Er­nut­tat utoq­qaat „niaqorutigaat“. (Us­satit 17:6) Er­nut­tat qiimal­lutik najuun­nerat nutaan­ngual­laataasin­naasorujus­suuvoq. Lois, aanaq, panini Eunike peqatigalugu, er­nutaaq­qaminik Timoteusimik up­perisaminik oqalut­tuus­sisarsimasoq Biibilimi ajun­ngitsumik oqalut­tuarineqar­poq. Taamaat­tumik Timoteus al­liar­torsimavoq qularutiginagu anaanami aanamilu sal­lusuis­sut Biibilimeersoq nuan­narigaat. — 2 Timûtiuse 1:5; 3:14, 15.

15. Aatak­kuusut sumik naleqaqisumik er­nut­tamin­nut tuniseqataasin­naap­pat, sunali pinaveersaar­tariaqar­paat?

¹⁵ Tas­sa tamatumani im­mik­kut it­tumi aataasut aanaasul­lu pingaar­tumik taperseeqataasin­naap­put. Nam­mineq meeq­qasi Jehovap siuner­taanik ilin­niar­tereersimavasi. Maan­nak­kul­lu periarfis­saqaler­pusi kinguaariin­nik tul­liut­tunik ajoqersueqataanis­sas­sin­nut. Meeraaq­qat ilar­pas­suisa aatamin­nit aanamin­nil­luun­niit Biibilimi oqalut­tuamik oqalut­tuun­neqar­neq nuan­narisaqaat. Soorunami ataataasoq meeq­qaminut sal­lusuis­sum­mik Biibilimeersumik uum­mam­miuliutititsinis­samik akisus­saaf­fianik arsaar­nian­ngilarsi. (5 Moses 6:7) Ilin­niar­titsineranili tamatumani ikiuus­sin­naavusi. Tus­siaasior­tutut ima qinusin­naavusi: „Taava qimaqinanga, Guuti, utoq­qan­ngoruma qeersuun­ngorumalu, oqalut­tuarisin­naaq­qul­lugu talit pis­sarsuaq kingulis­satsin­nut tamanut.“ — Tus­siaat 71:18; 78:5, 6.

16. Aatak­kuusut qanoq ilil­lutik ilaqutariin­ni najum­mas­simanar­toqalersitsinaveersaarsin­naap­pat?

¹⁶ Ajoraluar­tumik ilaasa er­nut­tatik nukatsip­pal­laar­toor­tar­paat angajoq­qaavinit iluarineqar­pal­laan­ngitsumik. Im­maqa ilumoorlusi inus­siar­ner­nersi pis­sutigalugu er­nut­tas­si angajoq­qaamin­nut oqalut­tuarerusup­pal­laan­ngisamin­nik oqalut­tuun­niar­tar­paasi. Meeq­qat ilaan­nik­kut neriut­tar­put aatak­kumik kamagit­tar­tut il­lersus­sagaatik. Taamaat­toqar­til­lugu silatusaar­nerus­saaq er­nut­tat angajoq­qaamin­nik oqaloqatigin­nin­nis­saan­nik  kajumis­saas­sal­lugit. Nas­suiaas­sin­naavasi taamaalior­pata Jehovap iluaris­sagai. (Evfisumiut 6:1-3) Pisariaqas­sap­pat neqeroorfigisin­naavasi angajoq­qaamin­nut saaf­figin­nin­ngin­neran­ni ilis­si siul­liul­lusi angajoq­qaavinik oqaloqatigin­nin­nis­sas­sin­nik. Ukiut ingerlaneran­ni ilik­karsimasas­sin­nik er­nut­tasi am­masumik oqalut­tuut­tarsigik. Un­neq­qaris­susersi peq­qusersuis­susersilu iluaqutigisin­naavaat.

17. Kristumiut utoq­qalilersut tus­siaasior­tutut iliorlutik suna aalajangiusimasin­naavaat?

¹⁷ Utoq­qaliar­tor­til­luni paasinarsisar­poq sior­natigut iliuuserisarsimasat imaluun­niit iliuusererusutat tamaasa iliuuserisin­naajun­naarlugit. Qanoq ilil­luni utoq­qaliar­tor­neq naam­magalugu atuler­neqarsin­naava? Im­maqa 30-nik ukiulit­tut misigigaluar­putit, tarral­li al­lamik takutitsivoq. Taman­nali nikal­luutigeqinagu. Tus­siaasior­toq ilungersorluni Jehovamut ima qinusimavoq: „Ilin­nit igeqinanga utoq­qaliguma, qimaqinanga nukeerutileruma.“ Aalajangerit tus­siaasior­toq ima oqar­toq ilaas­sal­lugu: „Uangali neriut­tuin­nas­saanga, erinalim­mil­lu un­nersiutigiuas­savak­kit.“ — Tus­siaat 71:9, 14.

18. Kristumiut inersimal­luar­tut suliun­naarunik pif­fis­saq qanoq silatuumik atorsin­naavaat?

¹⁸ Inuit ilar­pas­sui aalajangereer­tar­put suliun­naarunik Jehovamik un­nersiutigin­nin­ner­tik an­ner­tusisis­sal­lugu. „Panip­put atuarfim­mi naam­mas­sip­pat qanoq ilior­nis­sara pilersaarusioreer­para,“ ataataq ul­lumik­kut soraar­nin­ngorsimasoq oqalut­tuar­poq. „Aalajanger­punga pif­fis­saq tamaat kif­far­tuler­niarlunga an­nerusumil­lu Jehovamut kif­far­tulersin­naajumal­lunga niuer­tarfiutiga tunil­lugu. Aam­ma Guuti siulersoq­qul­lunga qin­nuigisar­para.“ Soraar­nin­ngor­nis­sat ungasigun­naarsimaguk­ku Pin­ngor­titsisit­ta neriorsueq­qis­saarutaa man­na tup­pal­lersaatigisin­naavat: „Utoq­qalinis­sin­nut taan­naajuas­saanga, kis­sumias­savas­si qeersuun­ngorserlusi.“ — Jesaja 46:4.

19. Utoq­qalilersut sumik un­nersuun­neqar­pat?

 ¹⁹ Suliun­naar­neq sungiuk­kuminaas­sin­naavoq. Apustili Paulusip angutit utoq­qaat siun­nersorsimavai ’mianersor­tooq­qul­lugit’, imaluun­niit kil­lilim­mik pisaq­qul­lugit. Inuul­luataar­nis­samut us­ser­nar­torsior­neq akiorsin­naas­sagaan­ni im­minut naalak­kersin­naas­suseqar­tariaqar­poq. Im­maqa suliun­naareer­nermi inuunerup aalajangersimanerusumik aaq­qis­suun­nis­saa im­minul­lu piumaf­figinis­saq an­nerusumik pisariaqar­tin­neqar­tar­poq. Taamaat­tumik ulapaaritsi ’Naalak­kap suliaanik naam­mas­sisaqangaar­tuin­narlusi, suliniar­nisi Naalak­kami asuliin­naan­ngitsut ilisimagas­sigik’. (1 Korintumiut 15:58) Al­lanik ikiuisin­naaq­qul­lusi suliniar­nisi an­ner­tusisis­sigik. (2 Korintumiut 6:13) Kristumiut ilar­pas­sui taamaalior­tar­put nutaarsias­saq nuan­nersoq sapin­ngisar­tik naaper­torlugu oqaluus­sis­sutigisarlugu. Utoq­qaliar­tor­til­lusi ’peq­qis­suujuaritsi up­persutsis­sigut, asan­nis­sutsis­sigut nikal­lujuis­sutsis­sigul­lu’. — Títuse 2:2.

20, 21. (a) Pis­sutsit aaq­qis­suus­saaneran­ni matumani suup aap­pariit naggataatigut avis­saar­tis­sin­naavai? (b) Aap­parmin­nik an­naasaqarsimasunut An­na qanoq maligas­siuil­luarsimava?

²⁰ Pis­sutsit aaq­qis­suus­saaneran­ni maan­nak­kut atuut­tumi toqup naggataatigut aap­pariin­nik avis­saar­titsisar­nera piviusuuvoq alianar­toq. Kristumiut kiser­ngorus­simasut nalun­ngilaat aap­par­tik toqungasoq, qularin­ngilaal­lu takoq­qik­kumaarlugu. (Juánase 11:11, 25) Taamaak­kaluar­torli an­naasaqar­neq alianar­taqaaq. Qimagaasup qanoq ilil­luni taman­na anigorsin­naavaa? *

²¹ Inuk Biibilimi oqalut­tuarineqar­toq, An­na, eq­qaamas­sal­lugu iluaqutaas­saaq. Taan­na ukiuni arfineq-marluin­nar­ni aap­paqareerluni uil­larsimavoq, eq­qar­tor­neqar­nerminilu 84-inik ukioqar­poq. Taas­suma qular­nan­ngitsumik  uiminik an­naasaqar­nini aliasuutigisimavaa. Taman­nali qanoq ilil­luni anigorsimavaa? Oqaatigineqar­poq ul­luk­kut un­nuak­kul­lu naalaf­fim­mi Jehova Guuti kif­far­tuut­tarsimagaa. (Lúkarse 2:36-38) Taamatut kif­far­torluni qinujuarlunilu inuuneq aliasun­nerup kiserlior­tutul­lu misiginerup anigor­nis­saan­nut uil­lar­nerup taas­suma qular­nan­ngitsumik iluaqutigisimavaa.

22. Uil­lar­nerit nuleer­neril­lu ilaasa kiserlior­ner­tik qanoq ilil­lutik anigorsimavaat?

²² „Uan­nut ar­tor­nar­ner­paasimavoq oqaloqatigisin­naasan­nik aap­paarun­nera,“ ar­naq 72-inik ukiulik ukiut qulit matuma sior­na uil­lar­toq nas­suiaavoq. „Uiga tusar­naal­laq­qis­sorujus­suusimavoq. Ilagiin­ni pisut kristumiutul­lu oqaluus­sinermi naam­mas­sisavut pil­lugit oqaloqatigiit­tarsimavugut.“ Uil­lar­neq al­la ima oqalut­tuar­poq: „Oqar­toqar­tar­poq pif­fis­sap ikit tamaasa mamisit­tarai, uangali isumaqar­punga eq­qor­nerusoq oqas­sal­luni pif­fis­samik atuis­sutit ikit mamin­nis­saan­nut iluaqutaasar­tut. Al­lanik ikiuisin­naal­luar­neruler­nar­tar­poq.“ Nuleer­neq 67-inik ukiulik isumaqataal­luni ima oqar­poq: „Aliasun­nerup iluarsar­tuun­nis­saanut iluaqutaal­luin­narsin­naasoq tas­saavoq al­lat tup­pal­lersar­neqar­nis­sar­tik atorfis­saqar­tik­kaangas­suk im­minit tunisisar­neq.“

23, 24. Utoq­qaat, ingam­mik aap­parmin­nik an­naasaqarsimasut, Biibilimi sumik an­ner­tuumik tup­pal­lersaatis­saqar­pat?

²³ Aap­paq asasaq toquk­kut an­naagaluaraan­niluun­niit Jehova aalajaat­tuar­tar­poq, qimarraviul­luni isuman­naatsoq. Itsaq kun­ngi David ima erinarsorsimavoq: „Man­na kisiat [Jehovamit] qin­nutigaara, ataaseq piumaqaara: Ineqarumal­lunga [Jehovap] il­luani inuunera tamaat, misigisin­naajumal­lugu [Jehovap] alutor­nas­susia, akis­sutisif­figiumal­lugulu naalaf­fiutaani.“ — Tus­siaat 27:4.

²⁴ ’Uil­lar­nerit uil­lar­nerul­luar­tut ataq­qik­kit,’ apustili Paulus al­las­simavoq. (1 Timûtiuse 5:3) Taama al­lareer­nermini un­nersuus­sutigisaatigut erser­poq uil­lar­nerit qin­ngaq­qun­nan­ngitsut qanigisaqan­ngitsut ilagiin­nit  timip piisigut tapersersor­neqar­nis­sar­tik pisariaqar­tis­sin­naagaat. Ataq­qin­nin­nerli aam­ma isumaqar­poq pingaar­titsineq. Uil­lar­nerit nuleer­neril­lu Guutimik mianerin­nit­tut Jehovap im­min­nik asan­nin­neranik napatitsiumaar­neranil­lu ilisiman­nin­ner­tik as­sut tup­pal­lersaatigisin­naavaat. — Jâko 1:27.

25. Utoq­qaat suna anguniagariuar­tariaqar­paat?

²⁵ „Utoq­qaat qiitik ataq­qinaatigaat,“ Guutip oqaasiani isumas­sarsiarititaasumi al­las­simavoq. „Nutsat qeersuut as­sigaat nigaliliaq kusanar­toq niaqormioq iluar­nermut aq­qutaasumi pis­sarsiarineqar­toq.“ (Us­satit 16:31; 20:29) Taamaat­tumik Jehovamut kif­far­tor­neq inuunin­ni sal­liutit­tuaan­naruk, aap­paqaraluaruit kisimiit­tun­ngoq­qis­simagaluaruil­luun­niit. Taava Guutimi tusaamasaal­lualis­saatit, silarsuarmilu utoq­qalisar­nerup nas­satarisaanik an­niaatit atuuk­kun­naarfian­ni naas­saan­ngitsumik inuunis­samik siunis­saqalis­sal­lutit. — Tus­siaat 37:3-5; Jesaja 65:20.