KAPITALI 8

Qanoq qanimut ikinnguteqalersin­naavunga?

“Kamakkaangama allanut aniatitserusut­tarpunga. Aliasuk­kaangama oqarfigineqarusut­tarpunga suna tamarmi aaqqeqqik­kumaartoq. Nuannaaraangamalu allanik nuannaaqateqarusut­tarpunga. Uanga ikinngutit pinngitsoorsin­naanngilakka.” – Brittany.

OQARTOQARTARPOQ meeqqat pinnguaqateqar­tariaqartartut inuusut­tuaqqalli ikinnguteqar­nissaminnik pisariaqar­titsisartut. Suna assigiin­ngissutigigamiuk?

Pinnguaqat tassaavoq peqatigisartagaq.

Ikinngut tassaavoq illit naleqar­titannik naleqar­titaqartoq.

Aamma Biibilimi allassimavoq ‘ikinngutaasup asannissutsi tamatigut takutittaraa, qatanngutaasorlu erniusimasoq annikil­liornermi ikiortis­saalluni’. (Ussatit 17:17) Tassa meeraagal­laravit pinnguaqateqar­tarninniit tamanna allaanerujussuuvoq!

Eqqortoq: Inersimanerujar­tortillutit ikinngutit pisariaqar­tippatit

1. Ajunngitsunik pissusillit

2. Iluaqutaasunik najoqqutas­siallit

3. Ilinnut ajunngitsumik sunniuteqartut

Apeqqut: Qanoq ilillutit taama ittunik ikinngutitaarsinnaavit? Piumasaqaatit taakku ataasiak­kaarlugit misissoriartigit.

Ikinngutinut piumasaqaat siulleq – Ajunngitsunik pissusillit

Ilisimasariaqakkatit. Ikinngutaal­luartuunerarluni oqarneq naammanngilaq. Biibilimi allassimavoq ‘ikinngutigeeqartoq imminnut ajortumik iliorfigisartunik.’ (Ussatit 18:24) Immaqa ingasap­palukkaluarpoq. Unali eqqarsaatigiuk: Imminuinnaq eqqarsaatigisumik ikinnguteqar­nikuuit? Imaluunniit ilinnik oqaluuserin­nittumik ilumuun­ngitsunil­luunniit tusatsiakkanik siammar­terisumik? Taamatut misigisimaguit imaassinnaavoq tatigisaqarun­naartutit. a Eqqaamajuaan­narulli pissuseris­saartunik ikinnguteqarneq ikinnguterpas­suaqarnermit pitsaanerusoq!

Iliuuserisin­naasatit. Pissuseris­saartunik ikinngutitaartarit.

“Ikinngutiga Fiona kikkut tamarmik nuannaraat. Aamma uanga ajunngitsumik eqqartor­neqarusut­tarpunga, taassumatulli tusaamaneqarluarusuppunga. Tassa pingaartitara.” – Yvette, 17.

Una misiliguk:

1. Galaatiamiut 5:22, 23 atuaruk.

2. Imminut aperigit: ‘Ikinngutikka “anersaap inerititaanik” pissuseqarpat?’

3. Ikinngutinnaavit atii ataanut allattukkit. Taava atiup eqqaanut taassuma pissuserisaa ersarinneq allaguk.

Ateq

․․․․․

Pissuseq

․․․․․

Siunnersuut: Pissusipalaavi kisiisa eqqaagukkit, taava allanik ikinngutis­sarsior­nissannut piffissan­ngorsimassaaq!

Ikinngutinut piumasaqaatit aappaat – Iluaqutaasunik najoqqutas­siallit

Ilisimasariaqakkatit. Kiserliortaruit ikinngutipalaaqalernissat ilimanar­nerussaaq. Biibilimi allassimavoq: ‘Sianiitsunik ikinnguteqartoq ajortumeer­tussaasarpoq.’ (Ussatit 13:20) “Sianiitsut” uani pineqan­ngillat inuit karakteerigip­pallaan­ngitsut imaluunniit silassorip­pallaan­ngitsut, pineqarpulli inuit siunnersuutinut pitsaasunut tusarusun­ngitsut ileqqoris­saanngitsullu. Taakkuupput ikinngutis­saanngitsut.

Iliuuserisin­naasatit. Kikkut tamaasa ikinngutiginiaan­narnagit silatusaarit. (Tussiaat 26:4) Imaanngilaq isummius­sereertuus­sasutit. Pineqarporli silatusaarlutit immikkoor­tissinnaassagit ajunngitsoq ajortumit, tassa Guutimik kiffartuussisoq kiffartuus­sisuunngitsumit. – Malaki 3:18.

“Qujamasuppunga angajoqqaama ikinngutis­sarsiorninni ikiormannga – tassa peqatinnik anersaakkut ingerlal­luartunik.” – Christopher, 13.

Uku apeqqutit akikkit:

Ikinngutikka ilagigaangakkit ajortulior­nissamut sunnertis­sasoralunga pissangasarpunga?

□ Aap

□ Naamik

Ikinngutima angajoq­qaannut ilisaritin­nissaat tunuarsimaarfigisarpara, ernumagalugu angajoqqaama nuannaris­sanngikkaat?

□ Aap

□ Naamik

Siunnersuut: Apeqqutit taakku angerukkit taava ileqqoris­saarnerusunik, tassa kristumiutut inuunermi maligas­saalluartunik, ikinngutis­sarsiorit.

Ikinngutinut piumasaqaatit pingajuat – Ajunngitsumik sunniuteqartut

Ilisimasariaqakkatit. Biibilimi allassimavoq ‘ikinngutipalaanik ilagisaqartarneq ileqqorinnermut aserorsaataasartoq’. (Korintimiunut 1. 15:33, q.a.i.) Inuusuttoq Laurenimik atilik ima oqarpoq: “Atuaqatima akuerisarpaannga peqqusaattut ilioraangama. Kiserliorama taakkunannga allaaneruniarnanga taakkunatut pissuseqar­niarlunga aalajangerpunga.” Laurenilli paasivaa allanut maleruutiinnarneq tassa soorlu pinnguaat taakkua piumallerlutillu nuussin­naasaat. Illit ajunngin­nerusumik pineqar­tariaqaraluarputit!

Iliuuserisin­naasatit. Inooriaatsiminnik naleqqus­sartitsiniaasut ilagisarun­naakkit. Taava imaassinnaavoq ikinngutitit ikilisut. Nalerisimaar­nerulis­saatilli, aamma ajunngitsumik ilinnut sunniuteqar­tussanik ikinnguteqaler­nissannut ammaassaatit. – Romamiut 12:2.

“Ikinngutinnaara Clint naliliil­luarsin­naassuseqarlunilu allanut misigin­neqataasuuvoq, tamanna pissutigalugu uannut qiimmas­saataal­luarsimavoq. – Jason, 21.

Imminut ima aperigit:

Ikinngutikka nuannaar­tinniaan­narlugit atisalersoriaasera, oqaloriaasera pissusilersoriaaseralu naleqqus­sartarpara?

□ Aap

□ Naamik

Ikinngutikka piinnarlugit sumiiffiit kristumiutut apeqquser­narsinnaasut ornittarpakka?

□ Aap

□ Naamik

Siunnersuut: Apeqqutit taakku angerukkit angajoqqaatit inersimasorluunniit alla siunnersor­tissarsiorfigiuk. Imermut morsutsitaasimaguit utoqqaanertaq aperisinnaavat ikinngutis­sarsiorninni ilinnut sunniuteqarluar­tussanik naassaarsin­naanissannut ikioqqullutit.

[Quppernerup ataani ilanngussaq]

ALLASSIMAFFIK PINGAARUTILIK

‘Ikinngutaasoqartarpoq qatanngummit unneqqarin­nerusunik’. – Ussatit 18:24.

SIUNNERSUUT

Najoqqutassiat eqqortut inooriaaserigukkit allat taama inoorusuttut immaqa ikinngutigerusun­nerulis­savaatsit. Tassa taakku ikinngutaal­luarnerpaat!

NALUNNGILIUK … ?

Guuti kinaassusersior­tuunngilaq, kisianni kinaluunniit ‘tuperminut’ isersin­naatinngilaa. – Tussiaat 15:1-5.

ILIUUSERISASSATIT!

Ikinngutis­sarsior­niarlunga ima iliuuseqassaanga ․․․․․

Uannit angajulleq ilisarisimanerulerusutara ․․․․․

Angajoqqaakka uku pillugit oqaloqatigerusuppakka ․․․․․

QANOQ ISUMAQARPIT?

● Ikinngutinni pissuseq illit suna pingaar­tinnerpaaviuk, aamma sooq?

● Ikinngutaal­luarnerulerumallutit pissuseq suna sulissutigerusuppiuk?

[Issuagaq]

“Angajoqqaama ikinngutit aalajangersimasut ilagisarun­naaqqum­matigit eqqarsaatigeq­qaaraluarpara taakkorpiaat ikinngutigiin­narusullugit. Angajoq­qaamali siunnersuutaat ajunngitsuuvoq. Tamanna eqqarsaatiginerulerakku paasilerpara pitsaanerusunik amerlasuunik ikinnguteqalersin­naallunga.” – Cole

[Ungalusaq]

Uku misilikkit

Ikinnguteqarneq pillugu angajoqqaatit oqaloqatigikkit. Aperikkit ilittulli ukioqaral­laramik qanoq ittunik ikinnguteqarsimanersut. Peqatigisar­tagarinikuusatik pillugit arlaannik peqqissimis­suteqarpat? Taamaappat, sooq? Aperikkit taakkua ajornar­torsiutigisimasaat ingalas­simaniarlugit qanoq iliorsin­naanersutit.

Ikinngutitit angajoq­qaannut ilisaritikkit. Taamaaliornissat tunuarsimaarfigigukku imminut aperigit: ‘Sooruna taama misigisunga?’ Arlaannik angajoqqaavit nuannarin­ngisaannik ikinngutinni peqarpa? Taamaappat immaqa allanik ikinngutis­sarsior­tariaqassaatit.

Tusarnaarluartarit. Ikinngutitit qanoq innersut taakkualu isumakuluutaat soqutigisakkit. – Filippimiut 2:4.

Isumakkeerfigin­nittarit. Kukkusan­nginnissaat naatsorsuutigis­sanngilat. “Tamattami kukkoqat­taartarpugut.” – Jaaku 3:2.

Ikinngutivit ilagiin­navinnissaat naatsorsuutigeqinagu. Nippusimasariaqan­ngilatit. Pisariaqar­titsileruit ikinngutiviusut eqqanniis­sajunnarsipput. – Oqaluus­sisartup oqaasii 4:9, 10.

[Assiliartaq]

Allanut maleruutiinnaruit tassa soorlu pinnguaat taakkua piumallerlutillu nuussin­naasaat