“Ilinni ippoq inuunerup puilaffia.” – Tussiaat 36:10

Inuunermik qanoq ataqqinnittuusinnaavugut?

• Apustilit Suliaat 17:28; Saqqummersitat 4:11

  Inuuneq Jehovamit tunissutaammat paarilluassavarput.

• 2 Mosesi 21:22, 23; 5 Mosesi 5:17

  Inummik toqutsineq naartuersinnerlu eqqunngitsuliornerupput.

• 1 Johannesi 3:11, 12, 15

  Uumissuineq eqqunngitsuliorneruvoq.

• 2 Korinthimiut 7:1

  Ileqqut minguttuut, soorlu pujortartarneq ikiaroortarnerlu, taamaatikkit.

• Tussiaat 11:5

  Timersuutit aliikkutassiallu nakuusernertallit ingalassimakkit.

“Aammi tassaavoq uinillit tamarmik uumassutaat; tassa uumassutaat.” – 3 Mosesi 17:14

Inuunermut aammullu Guuti qanoq isiginnittaaseqarpa?

• 1 Mosesi 4:10; 5 Mosesi 12:23

  Aak inuunermut assersuutaavoq.

• 1 Mosesi 9:3, 4

  Neqitorsinnaavugut, aattalimmilli nerisinnaanngilagut.

• Apustilit Suliaat 15:28, 29; 21:25

  Guutip aattoqqusinnginnera nakorsartinnermi aamma atuuppoq.

• Hebræerit 11:6

  Jehovamut attaveqarnerput inuunitsinni pingaarnerpaajuvoq.

“Jiisusip aavata tamanik ajortaajassavaatigut.” – 1 Johannesi 1:7

Jiisusip pilliutaa uagutsinnut sumik ajornarunnaarsitsiva?

• 3 Mosesi 17:11

  Biibilip nalaani Israelikkut ajortuliorsimatillutik uumasumik pilliigaangamik palasi aammik pilliivimmut tarnusseqqullugu peqquneratigut Jehovamit isumakkeerfigineqarusullutik takutittarpaat.

• Matthæusi 20:28; Hebræerit 9:11-14

  Ajortuliatsinnik isumakkeerfigineqarsinnaalersilluta Jiisusip nunarsuarmi inuunini, imaluunniit aanni, tunniukkamiuk uumasunik pilliisarnermut inatsisit atorunnaarsippai.

• Johannesi 3:16

  Jiisusip inuunera naleqangaarmat Jehovap Jiisusimik qilammut makititsinermi kingorna inuit Jiisusimik upperinnittut tamaasa naassaanngitsumik inuunissamut periarfissaqalersippai.