IM­MINUT PISUUTIN­NEQ naner­tuutaangaarsin­naavoq. Kun­ngi Daavi ima al­lap­poq: “Ajor­tuliama ar­torsip­paan­nga, naner­tuutaaler­poq uan­nut oqimaap­pal­laar­toq.” (Tus­siaat 38:5) Kristumiut ilaat aliasungaar­ner­tik sapilersutut misigilis­sutigivaat eq­qarsaramik Jehovamit isumak­keerfigineqarsin­naanatik. (2 Korinthimiut 2:7) Taamatut isum­mer­neq ilumoor­tuua? Ingasat­tumik ajor­tulioravit Jehovamil­lu ungasil­lil­lutit taas­suman­nga isumak­keerfigineqarsin­naajun­naas­savit? Naamik!

Jehovap ajor­tulior­tut peq­qis­simisut ajat­tor­neq ajor­pai. Im­minul­li uter­nis­saan­nut kajumis­saar­tar­pai! Jiisusip er­neq tam­maraluar­toq pil­lugu as­sersuusiamini Jehova ataatamut asan­nit­tumut, ilaqut­taminik qimatsisumik inuunerlulersumil­lu er­nilim­mut, as­sersuup­paa. Er­neq pif­fis­sap ingerlanerani angerlar­niarluni aalajanger­poq. Ataataata er­nini “suli ungasis­sumiitil­lugu takuleramiuk nal­ligitsaap­paa, ar­pal­lunilu or­nip­paa qungasiagul­lu eqil­lugu kunil­lugulu”. (Lukasi 15:11-20) Jehovamut pal­liguk­kusuk­kaluarlutit taas­suman­nga suli ‘ungasil­lutit’ misigivit? Jiisusip as­sersuusiaani ataataasup misigin­neqatigin­nin­neratut Jehovap misigin­neqatigaatit. Uter­nis­sat kis­saatigingaar­paa.

Taavami misigiguit Jehovamit isumak­keerfigineqar­nis­samut ajor­tuliatit ingasap­pal­laar­tut amerlaval­laar­tul­luun­niit? Esajap al­lagaani 1:18-imi (NW) Jehovap kajumis­saarutaa eq­qarsaatigeriaruk: “‘Qaa, qaagitsi, akun­nitsin­ni aaq­qitas­sat aaq­qitsigit,’ oqar­poq Jehova. ‘Ajor­tuliasi aap­pal­laris­sutut ik­kaluarunik, aputitut qaqorsagaas­sap­put.’” Aap, al­laat ajor­tuliat qal­lersaam­mi qaqor­tumi aap­pal­laris­sutul­lusooq ik­kaluar­tut Jehovamit isumak­keerfigineqarsin­naap­put.

Jehovap ilerasuuteqar­nin­nik naal­liuutigin­nit­tuar­nis­sat kis­saatigin­ngilaa. Qanorli ilil­lutit Guutimit isumak­keerfigineqar­nerup ilerasuutaarun­nerul­lu eq­qis­sial­lan­nar­tor­taa misigisin­naaviuk? Kun­ngip Daavip iliuusai marluk eq­qarsaatigik­kit. Siul­lermik, ima oqar­poq: “Unioq­qutitsinik­ka an­ngiiaatigis­savak­ka Naalak­kamut.” (Tus­siaat 32:5) Eq­qaamas­savat Jehovap akun­nis­sin­ni ‘aaq­qitas­sat aaq­qeq­qul­lugit’ taas­sumun­ngalu qinunis­san­nik kajumis­saareermatit. Kajumis­saarineratut iliorit. Ajor­tuliatit Jehovamut an­ngiiaatigik­kit misigis­sutsitil­lu oqalut­tuaralugit. Daavi misigisani tun­ngavigalugit qularani ima qinusin­naasimavoq: “Minguersan­nga ajor­taajarlunga! ... Uum­mat peq­qis­simisoq ar­torsaateqangaar­torlu itigar­tit­tarin­ngilat, Guuti.” – Tus­siaat 51:4, 19.

Aap­pas­saanik, Daavi Guutip sin­niisus­satut toq­qagaanit, pruf­fiitimit Natanimit, ikior­neqar­poq. (2 Samueli 12:13) Nalitsin­ni Jehova ajor­tulior­tut peq­qis­simisut im­minut ikin­ngutaaleq­qin­nias­sam­mata ilagiin­ni utoq­qaaner­tanik ikiuisin­naasunik isumas­suisimavoq. Utoq­qaaner­tat saaf­figiguk­kit  Biibili atus­sal­lugulu uum­matit eq­qis­sisin­niarlugu, nikal­lor­nar­tunik eq­qarsaateqar­pal­laarun­naar­nis­san­nut eq­qarsaateqar­tarun­naar­nis­san­nul­luun­niit anersaak­kul­lu peq­qis­sinis­san­nut ikiorumal­lutit uum­mam­mit pisumit qinoqatigiumas­savaatsit. – Jaaku 5:14-16.

Im­maqa misigivutit ajor­tulian­nik Jehovamut Guutimut an­ngiiaatigin­nin­neq utoq­qaaner­tanul­lu saaf­figin­nin­neq saper­nar­til­luin­narlugit. Daavi aam­ma taamatut misigivoq. Ajor­tuliani sivisulaamik ‘nipangiusimaan­nar­pai’. (Tus­siaat 32:3) Kingusin­nerusuk­kul­li ajor­tulianik an­ngiiaatigin­nin­nerup iluaqutis­sar­tai ajor­tulior­tarun­naar­ninilu qujamasuutigiler­pai.

Daavip iluaqutis­sat misigisaasa ilaat an­ner­paaq tas­saavoq nuan­naar­neq. Ima al­lap­poq: “Pil­luar­poq unioq­qutitsinerminik isumak­keerfigineqar­toq, ajor­tuliaminil­lu matoorif­figineqar­toq.” (Tus­siaat 32:1) Aam­ma ima qinuvoq: “Naalagaq, qarluk­ka am­mak­kit qanin­nit nersor­neqaq­qul­lutit.” (Tus­siaat 51:17) Ilerasuk­kun­naarami Guutimil­lu isumak­keerfigineqar­nerminik qujamasuutigin­nik­kami Daavip inuit al­lat Jehova pil­lugu oqalut­tuuk­kusuler­pai.

Jehovap ilerasuutaarun­nerup eq­qis­sial­lan­nar­tuunera misigis­sagit kis­saatigaa. Pisuusutut misiginak qaman­ngali pisumik nuan­naarlutil­lu kinaas­sutsini siuner­tanilu pil­lugit al­lat ilin­niar­tis­sagitit kis­saatigaa. (Tus­siaat 65:2-5) ‘Jehovap ul­lut inuum­maris­sif­fis­sat nal­liutitin­nias­sam­magit ajor­tin­nik piiaanis­samik’ kajumis­saarutaa eq­qaamajuk. – Apustilit Suliaat 3:19, 20.

Mar­tha taamatut misigisaqar­poq. Ima oqalut­tuar­poq: “Er­nerma Napasuliaq Alaper­naarsuif­fik-mik aam­ma Vågn op!-imik nas­sit­tuar­paanga. Pif­fis­sap ingerlanerani Jehovamut qanil­liar­tor­punga. Uter­niar­nin­ni ajor­tuliarisimasan­nik tamanik isumak­keerfigeq­qul­lunga qinunis­saq saper­nar­ner­paavoq. Naggataatigul­li isumak­keerfigeq­qul­lunga Guuti qinunik­kut saaf­figaara. Up­periuminaap­poq Jehovamut utin­ngin­nin­ni ukiut 40-t ingerlasimasut. Ukior­pas­suit ingerlareeraluar­tut kik­kul­luun­niit Guutimut kif­far­tuleq­qis­sin­naaneran­nut Guutil­lu asan­nin­neraniileq­qis­sin­naaneran­nut uanga up­per­narsaataavunga.”