Imarisai

Imarisai

Iserfissaq (opens new window)
JW.ORG-imi ujarlerit

ILINNIAGASSAQ 03

Biibili upperineqarsinnaava?

Biibili upperineqarsinnaava?

Biibilimi neriorsuuter­pas­suaqarlunilu siun­nersuuter­pas­suaqar­poq. Tas­sani ilin­niar­titsis­sutigineqar­tut paaserusuk­kaluarlugit im­maqa ima eq­qarsar­putit: ‘Atuagaq taama pisoqaatigisoq ul­lumik­kut atoriaan­naava? Siunis­samut tun­ngatil­lugu Biibilimi al­las­simasut ilumut up­perineqarsin­naap­pat?’ Inuit mil­lionilik­kuutaat Biibili up­peraat. Il­lim­mi up­perisin­naaviuk? Ikior­neqarlutit misis­suinis­san­nik kajumis­saar­patsigit.

1. Biibilimi oqaluttuat ilumoortuuppat?

Biibili naaper­torlugu Biibilimi al­las­simasut ‘oqaatsit ilumoortuupput’. (Oqaluus­sisar­tup oqaasii 12:10) Pisimasuiit inun­nut ilumut inuusimasunut tun­ngasut oqalut­tuarineqar­put. (Lukkarsi 1:3; 3:1, 2 atuarsigit). Biibilimi oqalut­tuarineqar­tut ilaasa – soorlu ul­luliinerit, inuit, sumiif­fiit pisimasul­lu – ilumoor­tuunerat oqalut­tuarisaanermik ilisimatuunit itsar­nisarsiuunil­lu up­per­narsar­neqarsimap­put.

2. Sooq Biibili pisoqaagaluarluni upperineqarsinnaava?

Itsaq ilisimaneqan­ngitsunik Biibilimi al­las­simasoqar­poq. As­sersuutigalugu ilisimatusar­nermut tun­ngasut Biibilimi al­las­simasut taamani inup­pas­suit up­periuminaatsip­paat. Ul­lumik­kul­li ilisimatuut up­per­narsarsimavaat Biibilimi al­las­simasut eq­qoq­qis­saar­tuusut. ‘Tamarmik tatiginarput aalajaallutillu naas­saanngitsumik.’ – Tus­siaat 111:7, 8.

3. Sooq siunissaq pillugu Biibilimi allassimasut upperisinnaavigit?

Pisus­sat “suli pinngitsut” Biibilimi siulit­tuutigineqar­put. a (Esaja 46:10) Ilar­pas­suilu eq­quuteq­qis­saareer­put, uf­fa pinis­saat sioq­quterujus­suarlugu siulit­tuutigineqarsimasut. Aam­ma pis­sutsit maan­na atuut­tut sukumiisumik al­laatigineqarsimap­put. Ilin­niagas­sami matumani Biibilimi siulit­tuutigineqar­tut ilaat misis­soriar­tigit. Tupin­naan­nar­tumik eq­quuteq­qis­saarsimap­put!

ITISILIINEQ

Biibilip ul­lutsin­ni ilisimatusar­nermut naaper­tuun­nera siulit­tuutaasalu ilaat maluginiar­nar­tut misis­suk­kit.

4. Biibili ilisimatusarnermut naapertuuppoq

Nunarsuup tun­ngaveqar­nera itsaq inuit amerlanersaasa up­peraat. VIDEO takusiuk.

VIDEO: Nunarsuup soqanngitsumiin­nera (1:13)

Ukiut 3.500-t mis­siliorlugit matuma sior­natigut Jobimik al­lak­kani al­lan­neqarsimasut eq­qarsaatigik­kit. Jobi 26:7 atuarsiuk apeq­qul­lu una eq­qar­torlugu:

  • Nunarsuup ‘soqan­ngitsup qulaaniin­nerar­neqar­nera’ sooq tupaal­lan­nar­pa?

Nunarsuarmi er­ngup kaaviiaar­nera aatsaat 1800-kkun­ni paasil­luar­neqar­poq. Biibilimili itsarsuarli al­las­simasut eq­qarsaatigik­kit. Jobi 36:27, 28 atuarsigit apeq­qutil­lu uku eq­qar­torlugit:

  • Er­ngup kaaviiaar­nerata paasiuminar­tumik al­laatigineqar­nera sooq maluginiar­nar­pa?

  • Al­las­simaf­fiit atuaq­qam­mik­katit Biibilimik up­perin­nin­nerulis­sutigaagit?

5. Pisussat pingaarutillit Biibilimi siulittuutigineqarput

Esaja 44:27–45:2 atuarsigit apeq­qul­lu una eq­qar­torlugu:

  • Babylonnip tiguar­neqar­nera ukiut 200-t sioq­qul­lugit Biibilimi qanoq sukumiisumik siulit­tuutigineqarsimava?

VIDEO takusiuk.

VIDEO: Babylonnip tiguarneqar­nera Biibilimi siulit­tuutigineqar­poq (0:58)

Oqalut­tuarisaanermit erser­poq Persiap kun­ngiata Kyrosip sak­kutuuisalu Babylonni ukiumi 539-mi Kr.in.si. b tiguarsimagaat. Kuussuup Babylonnimut il­lersuutaasup kuun­nera al­lamut saatsip­paat. Isaaf­fis­suak­kut am­maan­nar­tuk­kut iseriarlutik akersuun­ner­taqan­ngitsumik il­loqarfik tiguar­paat. Maan­na ukiut 2.500-t sin­nerlugit qaangius­simalereersut Babylonni suli il­lukuin­naavoq. Taman­na Biibilimi qanoq siulit­tuutigineqarsimasoq maluginiaruk.

Esaja 13:19, 20 atuarsigit apeq­qul­lu una eq­qar­torlugu:

  • Siulit­tuut qanoq eq­quus­simava?

Ullumikkut Irakimi Babylonniusimasoq

6. Pissutsit maanna atuuttut Biibilimi siulit­tuutigineqar­simapput

Pif­fis­saq inuuf­figisar­put Biibilimi ‘ul­lunik kingul­ler­nik’ taaneqar­poq. (Timuutiusimut 2. 3:1) Taman­na pil­lugu Biibilimi siulit­tuutit ilaat sam­meriar­tigit.

Matiusi 24:6, 7 atuarsigit apeq­qul­lu una eq­qar­torlugu:

  • Suut “ul­luni kingul­ler­ni” pisus­satut Biibilimi siulit­tuutigineqarsimap­pat?

Timuutiusimut 2. 3:1-5 atuarsigit apeq­qutil­lu uku eq­qar­torlugit:

  • Biibili naaper­torlugu inuit “ul­luni kingul­ler­ni” qanoq pis­suseqas­sap­pat?

  • Ul­lutsin­ni inuit qanoq pis­suseqar­pat?

OQARTOQARTARPOQ: “Biibili oqalut­tualiaan­naavoq.”

  • Biibilip up­perinis­saanut suna up­per­narsaataaner­paasoraajuk?

EQIKKAANEQ

Oqalut­tuarisaanerup, ilisimatusar­nerup aam­ma siulit­tuutit ersersip­paat Biibilimi al­las­simasut up­per­nar­tuusut.

Uteqqiineq

  • Biibilimi oqalut­tuat ilumoor­tuup­pat?

  • Biibilimi al­las­simasut qanoq ilisimatusar­nermut naaper­tuup­pat?

  • Biibilimi siulit­tuutit up­per­narsoraagit? Sooq?

Iliuuserisassatit

NAMMINEQ MISISSUGASSATIT

Ilisimatusar­nermut naaper­tuutin­ngitsunik Biibilimi al­las­simasoqar­pa?

“Biibili ilisimatusar­nikkut paasisanut naapertuuppa?” (Nit­tar­tak­katsin­ni al­laaserisaq)

Pis­sutsit atuut­tut ersersitsip­pat ‘ul­lus­sani kingul­ler­ni’ inuusugut?

“Siulittuutit Biibilimeersut arfinillit maanna eqquuttut” (Napasuliaq Alapernaarsuiffik, maajip aal­laq­qaataat, 2011)

Grækerit naalagaaf­fis­suat pil­lugu Biibilimi siulit­tuutit qanoq eq­quun­nerat paasiniaruk.

Siulittuutit uppernerulersitsisut (5:22)

Biibilimi siulit­tuutit pis­sutigalugit angutip Biibilimik isigin­nit­taatsiminik qanoq al­lan­nguinera atuaruk.

“Guuteqanngin­neraasuuvunga” (Napasuliaq Alapernaarsuiffik-mi allaaserisaq)

a Siulit­tuutit tas­saap­put siunis­saq pil­lugu Guutimit oqariar­tuutit.

b Naalisagaq Kr.in.si. isumaqar­poq “Kristusip inun­ngor­nerata sior­nagut”. Kr.in.king. isumaqar­poq “Kristusip inun­ngor­nerata kingor­nagut”.

Soqutigisinnaasatit allat

APEQQUTIGINEQARTARTUT

Jehovap Nalunaajaasuisa Biibilimik pikkorissartitsinerat suugami?

Jehovap Nalunaajaasuisa Biibilimik pikkorissartitsinerat akeqanngilaq, Biibilimillu nutsigaq sunaluunniit atorsinnaavat. Aamma ilaquttatit ikinngutitilluunniit pikkorissarnermut ilaserisinnaavatit.

NAASSAANNGITSUMIK PILLUARSINNAAVUTIT! – BIIBILIMIK PIKKORISSARNEQ

Biibili upperineqarsinnaava?

Kalaallisut
Biibili upperineqarsinnaava?
https://cms-imgp.jw-cdn.org/img/p/1102021203/univ/art/1102021203_univ_sqr_xl.jpg
lff ilinniagassaq 3
AAJUK
Biibili upperineqarsinnaava?
Atuagassanik aallernissamut iluarsiissutaa Naassaanngitsumik pilluarsinnaavutit! – Biibilimik pikkorissarneq
Immiussanik aallernissamut iluarsiissutaa Naassaanngitsumik pilluarsinnaavutit! – Biibilimik pikkorissarneq