IMMIKKOORTOQ 7
Jiisusi kinaava?
Jehovap Jiisusi nunarsuarmut aallartippaa. 1 Johannesi 4:9
Jehovamit iluarisaarusukkutta aamma pingaarutilik alla tusarnaartariaqarparput. Adamip pinngortinneqarnera sioqquterujussuarlugu qilammi Jehovap anersaaq kinaassusilik pissarsuaq pinngortippaa.
Tamatuma kingunerujussuatigut Jehovap nunarsuarmukartippaa Betlehemimi inunngortussanngorlugu niviarsiamit Mariamik atilimmit. Nukappiaraq Jiisusimik atserneqarpoq. — Johannesi 6:38.
Jiisusi nunarsuarmiikkami Guutip pissusiinik naammalluinnartumik ersersitsivoq. Inussiarnersuullunilu asannittuullunilu saaffigiuminartuuvoq. Jehova pillugu ilumoortoq qunusuilluni allanut ilinniartitsissutigaa.
Jiisusi ajunngitsuliortarpoq, uumigineqarporli. 1 Petrusi 2:21-24
Jiisusip aamma napparsimasut ajorunnaarsippai toqusullu ilai makitillugit.
Upperisarsiornikkut siuttut Jiisusi uumigaat ajoqersuutitik eqqunngitsut iliuutsitillu ajortut qulaarmagit.
Upperisarsiornikkut siuttut Romamiut naalakkersuisui kimigiiserfigaat Jiisusi iperartoqqullugulu toqoqqullugu.
Soqutigisinnaasatit allat
BIIBILIMI SUNA TUSARLIUNNEQARPA?
Missiarsi tikiuppoq
Jiisusip Missiarsiuneranik nalunaarutiginninnermi Jehovap inngilit aamma Johannesi Kuisisoq qanoq atorpai? Jehovap nammineq qanoq nalunaarutigaa ernini tassaasoq Missiarsi?
BIIBILIMI SUNA TUSARLIUNNEQARPA?
Jiisusi Guutip naalagaaffia pillugu ajoqersuivoq
Jiisusip pingaarnertut suna oqaluussissutigivaa? Naalakkersuinerata asanninnermik naapertuilluarnermillu tunngaveqartussaanera qanoq ersersippaa?
