Silarsuarmi ajun­ngitsunik ajor­tutut ajor­tunil­lu ajun­ngitsutut isigilersitsiniaaf­fiusumi inuuvugut. (Es 5:20) Ajoraluar­tumik inuit ilaat Jehovap uumigisaanik ilior­tar­put, ilaatigut anguteqatigiit ar­naqatigiil­lu akor­nan­ni ileq­qus­saan­ngitsunik. Inuusut­tor­tagut erligisagut atuarfin­ni al­laniluun­niit peqatigisar­tak­kamin­nit malin­nin­nis­samut us­sas­saar­neqarsin­naap­put. Meeq­qatit tamak­kunun­nga as­singusunul­lu iluatsil­luar­tumik qanoq piareersarsin­naavigit?

Meeq­qatit Jehovap najoq­qutas­siai pil­lugit ilisimasaqalersik­kit. (3 Mos 18:3) Atoqatigiin­neq pil­lugu Biibilimi al­las­simasunik pif­fis­sap ingerlanerani ilin­niar­tit­tak­kit. Qas­sinik ukioqar­nerat sunil­lu paasin­nis­sin­naanerat sunik paasis­sutis­sin­nis­saan­nut aalajangiisuutik­kit. (5 Mos 6:7) Im­minut ima aperigit: ‘Meeq­qak­ka ilin­niar­tip­pak­ka tun­niusimanermik naleq­qut­tumik ersersitsinis­saq pil­lugu, naleq­qut­tumik atisalersoriaaseqar­nis­saq pil­lugu inuunermil­lu al­lanit ataq­qineqar­nis­saat pil­lugu? Meeq­qama nalus­san­ngilaat qanoq ilius­sanerlutik por­nografiimik takutin­niar­neqarunik Jehoval­luun­niit ajor­tuuneragaanik ilioq­quneqarunik?’ Ilisimasaqarluarunik ajor­nar­torsiuter­pas­suar­nik pin­ngitsuuisin­naas­sap­put. (Uss 27:12; Oqal 7:12) Meeq­qan­nik ilin­niar­titsinik­kut Jehovap kingor­nus­sarsiarititaanut erlin­nar­tunut asan­nit­tulius­saatit. – Tuss 127:3.

ISIGINNAAGASSIAQ BYG ET HUS DER VIL BESTÅ – BESKYT DINE BØRN MOD DET DER ER ONDT ISIGINNAARIARLUGU APEQQUTIT UKU AKIKKIT:

• Sooq ilaasa atoqatigiin­neq pil­lugu meeq­qamin­nik ilin­niar­titsinis­sar­tik nangaanar­tit­tar­paat?

• Sooq angajoq­qaat meeq­qatik “Jehovap ileq­qoreq­qusai oqaaq­qis­saarutaalu malil­lugit” ilin­niar­tit­tariaqar­paat? – Ef 6:4, NW

• Jehovap peqatigiis­sor­tai angajoq­qaat atoqatigiin­neq pil­lugu meeq­qamin­nik ilin­niar­titsinis­saan­nut ikior­niarlugit sunik pis­saqar­titsip­pat? – w19.05 12, ungalusaq

• Sooq meeq­qatit ajor­nar­torsiulin­ngin­neran­ni oqaloqatigikulasas­savigit?