Inuit ajor­timin­nik isumak­keerfigineqar­nias­sam­mata naas­saan­ngitsumil­lu inuunias­sam­mata Jiisusi toquvoq. (Romamiut 6:23; Efesosimiut 1:7) Jiisusip toquneranit aam­ma up­per­narsar­neqar­poq inuk sak­kor­tuner­paamik misilin­neqaraluarluni Guutimut ilumoor­tuarsin­naasoq. – Hebræerit 4:15.

 Angutip ataatsip toqunera qanoq taama an­ner­tutigisumik sun­niuteqarsin­naanera sam­meriar­tigu.

1.   ‘Ajortitsinnik isumakkeerfigineqarniassagatta’ Jiisusi toquvoq. – Kolossemiut 1:14.

    Inuk siul­leq, Adami, ajor­teqarani naam­mal­luin­nar­tutut pin­ngor­tin­neqar­poq. Guutimul­li naalan­ngin­niarluni aalajanger­poq. Adamip naalan­ngin­nera, imaluun­niit ajor­tulior­nera, kinguaavinut tamanut sun­niuteqangaar­poq. Biibilimi ima nas­suiar­neqar­poq: “Inuup ataatsip naalan­ngitsulior­neratigut inuit amerlasuut [ajor­tilin­ngor­put].” – Romamiut 5:19.

    Jiisusi aam­ma naam­mal­luin­nar­tuuvoq, kisian­ni ajor­tuliun­ngisaan­nar­poq. Taamaat­tumik ‘ajor­tivut tamaasa pil­lugit saam­maan­nar­titsis­sutaasin­naavoq’. (1 Johan­nesi 2:2) Adamip naalan­ngin­neragut inuit ajor­tilin­ngor­put, Jiisusil­li toquneragut ajor­tip taas­sumun­nga up­perin­nit­tunut tamanut sun­niutai peer­put.

    Oqar­toqarsin­naavoq Adamip inuit nunarsuarmiut ajor­timut tunigai. Jiisusip kajumil­luni uagut pil­luta toqunermigut inuit nunarsuarmiut pigisamisut uter­til­lugit pisiarai. Taamaat­tumik ajor­tulior­toqas­sap­pat “il­lersor­tis­saqar­pugut Ataatami, tas­sa Jiisusi-Kristusimik iluar­tuusumik”. – 1 Johan­nesi 2:1.

2.   Jiisusi imminut “uppertoq kinaluunniit tammaqqunagu naassaanngitsumilli inooqqullugu” toquvoq. – Johannesi 3:16.

    Adami naas­saan­ngitsumik inuusus­satut pin­ngor­tin­neqaraluarluni ajor­tuliorami toqumik pil­lar­neqar­poq. Adami aq­qutigalugu “ajor­ti silarsuarmut [tikiup­poq] ajor­tik­kul­lu toqu tikiul­luni, taamatut toqu inun­nut tamanut an­ngup­poq tamarmik ajor­tuliormata”. – Romamiut 5:12.

    Tamatuma paarlat­tuanik Jiisusip toquneragut ajor­tip sun­niutai atuuk­kun­naagin­naratik aam­ma Jiisusimut up­per­tut tamarmik toqumik pil­laatisias­saat atorun­naarsin­neqar­poq. Taman­na Biibilimi ima eqik­kar­neqar­poq: “Ajor­tip toquk­kut naalagaasimaneratut saam­maan­neq iluar­nik­kut [naalagaaler­poq] naas­saan­ngitsumik inuunis­samut Jiisusi-Kristusik­kut Naalak­katsigut.” – Romamiut 5:21.

    Soorunami inuit pif­fis­saq inuuf­figisaat suli kil­leqar­poq. Guutili neriorsuivoq inuit naaper­tuil­luar­tut naas­saan­ngitsumik inuuneqalersis­sal­lugil­lu toqusimasut makitis­sal­lugit, taamaalil­lutik taak­ku aam­ma Jiisusip im­minut pil­liutigaluni toquneranik iluaqutigin­nin­nias­sam­mata. – Tus­siaat 37:29; 1 Korinthimiut 15:22.

3.   Jiisusi ‘naalappoq toqumut allaat’, taamaalilluni uppernarsarpaa inuk qanorluunniit misilinneqaraluarluni Guutimut aalajaattuarsinnaasoq. – Filippimiut 2:8.

    Adami isumak­kut timik­kul­lu naam­mal­luin­nar­tuugaluarluni nam­minis­sarsiorluni pigin­ngisaminik perusun­nini pis­sutigalugu Guutimut naalan­ngip­poq. (1 Mosesi 2:16, 17; 3:6) Kingusin­nerusuk­kut Guutimut akeraaner­paasoq, Saatani, oqar­poq inuk kinaluun­niit, pingaar­tumik inuunerminik navianar­torsior­titsiguni, nam­minis­sarsior­nani Guutimut naalas­sin­naan­ngitsoq. (Jobi 2:4) Taamaat­torli Jiisusi angut naam­mal­luin­nar­toq Guutimut naalap­poq al­laal­lu nikanar­tumik naal­liun­nar­tumil­lu toqutaagaluarluni ilumoorfigin­nit­tuarluni. (Hebræerit 7:26) Taamaalil­luni ilumoor­toq naqis­suserlugu up­per­narsar­neqar­poq: Inuk qanorluun­niit misilin­neqaraluaruni Guutimut aalajaattuarsinnaavoq.

Jiisusip toqunera pillugu apeqqutit

•   Sooq Jiisusi inuit utertikkumallugit naalliullunilu toqusariaqarpa? Sooq toqumik pillaaneq Guutip atuukkunnaarsiinnanngilaa?

   Guutip inatsisaani al­las­simavoq ‘ajor­tip akis­sarsiarititaa tas­saasoq toqu’. (Romamiut 6:23) Inatsit taan­na Adamimut iser­tuun­nagu Guutip naalan­ngin­neq toqumik pil­lar­neqaataas­saneranik Adami oqalut­tuup­paa. (1 Mosesi 3:3) Adami ajor­tuliormat “Guutip sal­lusuitsup” oqaatsini eq­qor­tip­paa. (Titusi 1:2) Ajor­tip akis­sarsiarititaa Adamip kinguaaminut ingerlateq­qiin­nar­nagu aam­ma toqu ingerlateq­qip­paa.

   Inuit ajor­til­lit toqumik pil­lar­neqar­nis­saat pis­susis­samisooraluar­toq Guutip ‘saam­maan­nermik angingaartumik’ ersersitsivigai. (Efesosimiut 1:7) Inun­nik nunarsuarmiunik uter­titsinera – Jiisusimik pil­liutitut naam­mal­luin­nar­tumik aal­lar­titsinera – naaper­tuil­luar­nerul­lunilu naak­kin­ningaar­nermik ersersitsineruvoq.

•   Jiisusi qanga toqua?

   Jiisusi seqer­nup nuineraniit nalunaaqut­tap-akun­nerisa “qulingiluaan­ni”, imaluun­niit juutit poorskisior­nerisa nalaan­ni ualik­kut nalunaaqutaq pingasunut, toquvoq. (Markusi 15:33-37) Ul­loq taan­na nalitsin­ni qaam­matisiutit naaper­torlugit tas­saavoq tal­liman­ngor­neq apriilip aal­laq­qaataat, ukioq 33.

•   Jiisusi sumi toqua?

   Jiisusi ‘Niaqor­namik, hebræerisut Golgatamik, atilim­mi’ toqutaavoq. (Johan­nesi 19:17, 18) Taan­na Jiisusip nalaani il­loqarfiup Jerusalemip ‘isaaf­fiata avataaniip­poq’. (Hebræerit 13:12) Biibilimi al­las­simam­mat Jiisusip toqunera “asianit” isigin­naar­neqar­toq toquf­fia qat­tunermiis­simasin­naavoq. (Markusi 15:40) Maan­nali Golgatap sumer­piaq inis­sisimanera oqaatigineqarsin­naan­ngilaq.

•   Jiisusi qanoq toqua?

   Inup­pas­suit Jiisusip san­ningasulim­mut kikiat­tugaal­luni toqunera up­perigaluaraat Biibilimi al­las­simavoq “qisummut nivin­ngarlugu” toqun­neqar­toq. (Apustilit Suliaat 10:39) Jiisusimik toqutsinermi ator­tumut tun­ngatil­lugu Biibilimik al­lat­tut grækerisut oqaatsit marluk ator­paat – staurosʹ aam­ma xyʹlon. Ilisimatuut amerlasuut iner­niliip­put oqaatsit taak­ku suk­kamut imaluun­niit qisum­mut nap­pak­kamut in­nersuus­sutaasut.

•   Jiisusip toqunera qanoq eqqaaniarneqartassava?

   Un­num­mi juutit ukiumoor­tumik poorskisiorfian­ni Jiisusip ajoqersuk­kani persuarsiun­ngitsumik eq­qaaniaasaq­quai ima oqarfigalugit: “Taamaalior­taritsi uanga eq­qaaniarlunga.” (1 Korinthimiut 11:24) Tiimialuit qaangium­mata Jiisusi toqutaavoq.

   Biibilimik al­lat­tut Jiisusi savaaq­qamut poorskisiutis­samut as­sersuup­paat. (1 Korinthimiut 5:7) Poorskisiorluni nal­lius­sinermi Israelik­kut inus­siaataanermit aniguisitaasimanermin­nik eq­qaasin­neqar­tar­nerat­tut Jiisusip Kristusip toquneranik eq­qaaniaanermi kristumiut ajor­timit toqumil­lu aniguisin­neqar­nermin­nik eq­qaasin­neqar­tar­put. Poorskisior­nerup, qaam­matisiutit naaper­torlugit nisanip 14-an­ni ingerlan­neqar­tar­tup, ukiumoor­tumik nal­lius­sineqar­tar­neratut kristumiut siul­liit ukiumut ataasiarlutik eq­qaaniaasar­put.

   Ukiut tamaasa, ul­lormi nisanip 14-an­nut naaper­tuut­tumi, inuit mil­lionil­lit nunarsuaq tamak­kerlugu Jiisusip toquneranik eq­qaaniaasar­put.