•  Qaninniarujoorneq suua?

•  Sooq inuit ilaat taamaaliortarpat?

•  Sunik navianaateqarpa?

•  Inuusuttoqativit isumaat

 Qanin­niarujoor­neq inuit ilaan­nit ar­naqatigin­ngisamut anguteqatigin­ngisamul­luun­niit oqaatsitigut iliuutsitigul­lu ajuutigin­nil­luni soqutigin­nin­nermik ersersitsiner­tut paasineqar­tar­poq. Ajuutigin­nil­luni soqutigin­nin­neq ajor­tuua? Taamaat­tariaqan­ngilaq. An­n, ar­naq inuusut­toq, ima oqar­poq: “Sam­misaqar­nis­samut piareersimagaan­ni inuk soqutigisaq aam­ma taamatut misigis­suseqar­nersoq paasiniar­neqar­tariaqar­poq.”

 Inoqam­mul­li ajuutigin­nil­luni soqutigin­nit­tuusaarluni qanin­niarujoor­neq al­laaserisami matumani sam­mineqas­saaq.

 “Peerariilernissaq siunertaralugu immikkut ittumik soqutiginninneq ajunngilaq. Pimoorussinnginnerli pissutigalugu inoqammik soqutiginnikkunnaariataarneq ajuallatsitsinerlu ajortuupput.” – Deanna.

 Inuit ilaat im­minut tatigineruler­niaan­narlutik al­lanut qanin­niarujoor­tar­put. Hailey, ar­naq inuusut­toq, ima oqar­poq: “Taamatut al­lamit im­mik­kut it­tumik sam­mineqarsin­naal­lutit paasiguk­ku im­maqa suli an­nerusumik piumalis­saatit.”

 Inuk al­la iluamik soqutigin­ngik­kaluarlugu piaaralutit ajuutigin­nil­luni soqutigin­nin­nermik ersersitsivigiguk­ku taas­suma misigis­susiinik ataq­qin­nin­ngil­luin­narlutit ersersis­savat. Aam­ma iluamik naliliisin­naas­suseqar­nak ersersis­savat. Biibilimi ima al­las­simavoq: “Sianiitsup sianiis­suseq nuan­naarutigisar­paa.” – Ussatit 15:21.

 Hailey pis­sutis­saqarluarluni ima iner­niliivoq: “Aal­laq­qaam­mut qanin­niarujoor­neq ajor­pasin­neq ajor­poq, amerlaner­tigul­li naggataatigut navianarsisar­poq.”

•   Qaninniarujoorneq ilinnik tusaamanerlugaalersitsisarpoq.

   “Qaninniarujoortoq tatigisassaanngitsutut inersimalluanngitsutullu isigineqartarpoq. Salloqittarneqartutut uukapaatinneqartutullu misigisarputit.” – Jeremy.

   Biibilimi ima al­las­simavoq: “Asan­nin­neq ... nam­minis­sarsior­tarin­ngilaq.” – 1 Korinthimiut 13:4, 5.

   Una eq­qarsaatigiuk: Oqaatsit iliuutsil­lu suut qanin­niarujoor­tar­tutut ilisimaneqaatigilersin­naavigit?

•   Qaninniarujuukkat ajuallatsittarpat.

   “Qaninniarujoortartut ilagerusunneq ajorpakka. Allaaneq ajorpoq niviarsiaraanera pissutigiinnarlugu oqaloqatigisaraannga. Iluamik soqutigineq ajorpaannga; imminuinnaq eqqarsaatigisuupput.” – Jaqueline.

   Biibilimi ima al­las­simavoq: “Tamas­si im­mik­kut ilis­sin­nut pitsaaner­paaq pin­nagu al­lanut pitsaaner­paaq noq­qaas­sutiginiarsiuk.” – 1 Korinthimiut 10:24.

   Uku eq­qarsaatigik­kit: Al­lap sal­loqit­tarlutit ajuutigin­nil­luni soqutigin­nin­nermik ersersitsiviginikuuaatit? Sal­loqit­tar­neqarlutit paasigak­ku qanoq misigivit? Al­la taamatut qanoq misigitin­naveersaarsin­naaviuk?

•   Qaninniarujoorneq asanninnerup ilumoortup misiginissaanik ajornarnerulersitsisarpoq.

   “Qaninniarujoortartup peerarilernissaa katinnissaaluunniit kissaatiginngilluinnarpara. Pisuusaartoq qanoq ilillunga ilisarisimalerlugulu tatigilissagakku?” – Olivia.

   Tus­siaasior­toq Daavi Biibilimi ima al­lap­poq: “Peq­quserlut­tut ilagineq ajor­pak­ka.” – Tussiaat 26:4.

   Uku eq­qarsaatigik­kit: Qanin­niarujoor­tar­toq kimit sam­mineqar­tar­pa? Illit inum­mit taamaat­tumit sam­mineqarusup­pit?