Naagga. Atuagas­siami saq­qum­mersit­tak­katsin­ni pingaar­nermi, Napasuliaq Alapernaarsuiffik-mi, ima al­las­simasoqar­poq: “Up­perisarsior­nermin­nik al­lan­ngor­titseq­qul­lugit inun­nik pin­ngitsaaliineq ajor­tuuvoq.” a Inuit pin­ngitsaalineq ajorlugil­lu kimigiiserfigineq ajor­pavut mak­ku pis­sutigalugit:

•   Jiisusip inuit ajoqersuutiminik akuerin­neq­qul­lugit kimigiiserfigin­ngisaan­nar­pai. Nalun­ngilaa inuit ikit­tuin­naat tusarlius­saminik soqutigin­nik­kumaar­tut. (Mat­thæusi 7:13, 14) Ajoqersuk­kami ilaasa oqaatsini mamiatsaatigalugit qimak­kusum­man­ni taak­kua ingerlaan­nar­nis­saat akueraa. – Johan­nesi 6:60-62, 66-68.

•   Jiisusip ajoqersuk­kani ilin­niar­tip­pai inuit nam­minermis­sut up­perisaqaleq­qul­lugit kimigiiserfigisas­san­ngik­kaat. Guutip naalagaaf­fianik nutaarsias­saq nuan­nersoq pil­lugu tusaruman­ngitsut pin­ngitsaalil­lugit oqaloqatiginiarsarinagit tusar­naarumasunik ujaasisus­saap­put. – Mat­thæusi 10:7, 11-14.

•   Guutip uum­mam­mit pisumik pal­lorfigin­nit­tut kisiisa akuerisarmagit nam­mineq piumasarinagu up­perisarsioqatigiin­nut al­lanut ilaasor­tan­ngor­neq asuliin­naas­saaq. – 5 Mosesi 6:4, 5; Mat­thæusi 22:37, 38.

 Biibilimi peq­qus­sutigineqar­tutut tusarlius­saq Biibilimiit­toq ‘nunarsuup isua tikil­lugu al­laat’ tamanut am­masumik il­lumiil­lu il­lumut oqaluus­sis­sutigisarip­put ilumoor­poq. (Apustilit Suliaat 1:8; 10:42; 20:20; Lukasi 10:1, 5) Aam­ma kristumiut siul­liit pineqar­tarsimanerat­tul­li inatsisinik unioq­qutitsil­luta up­perisatsin­nut ilan­ngutsitsiniaasutut un­nerluutigineqar­tar­pugut. (Apustilit Suliaat 18:12, 13) Un­nerluutigin­nis­sutil­li tamak­ku tun­ngavis­saqan­ngil­lat. Al­lat uagutsitut up­perisaqaleq­qul­lugit pin­ngitsaaliniar­neq ajor­pavut. Pingaaruteqar­tutum­mi isigaar­put inuit paasisatik naaper­torlugit nam­min­neq aalajangiinis­saat.

 Inuit al­lamik up­perisaqaleq­qul­lugit pin­ngitsaaliniar­neq ajor­pavut, aam­ma up­perisarsior­nerup aq­qani politik­kimut tun­ngatil­lugu suliniuteqar­neq ajor­pugut malin­nit­toqar­neruler­nis­sarlu anguniarlugu pigisatigut atugarisatigul­luun­niit im­mik­kut iluaqusiinis­samik neqerooruteqar­neq ajorluta. Taman­na kristumiuunerar­tunit Kristusimik ataq­qin­nin­ngitsuliorlutik tamak­kunin­nga iliuuseqar­tar­tunit al­laanerus­sutigaar­put. b

 Aap, Biibilimit erser­poq inuit al­lamik up­perisa­qaler­nis­sa­min­nut pisin­naatitaasut. Inuit ilaqut­tamik up­perisaan­nik malin­nik­kun­naar­niarlutik nam­minerlu kis­saatigisar­tik naaper­torlugu Guutimik ilumoor­tumik pal­lorfigin­nin­niarlutik aalajanger­tut arlal­lit al­laatigineqar­put. Taak­kua ilagaat Aaperaat, Ruthi, Athenimiut ilaat apustililu Paulusi. (Josva 24:2; Ruthi 1:14-16; Apustilit Suliaat 17:22, 30-34; Galatiamiut 1:14, 23) Aam­mat­taaq al­laat Biibilimi eq­qaaneqar­poq inuk guutisioriaatsimik Guutip akuerisaanik tunus­siniarluni aalajangersin­naatitaasoq, naak taman­na silatusaar­nerun­ngik­kaluar­toq. – 1 Johan­nesi 2:19.

 Al­lamik up­perisaqaler­sin­naatitaaneq Inut­tut Pisin­naatitaaf­fiit pil­lugit Silarsuaq Tamak­kerlugu Nalunaarum­mut, FN-ip “silarsuaq tamak­kerlugu inuit pisin­naatitaaf­fii pil­lugit inatsisinut tun­ngaviusutut” taasaanut, naaper­tuup­poq. Tamatumani nalunaarutigineqar­poq kik­kut tamarmik ‘al­lamik up­perisaqaler­nis­samin­nut’ aam­ma ‘paasis­sutis­sanik isumaliutinil­lu’ – ilaatigut up­perisarsior­nik­kut ajoqersuutinik – ‘qinerler­nis­samut, tunineqar­nis­samut ingerlatitseq­qiinis­samul­lu kif­faan­ngis­suseqar­tut’. c Soorunami pisin­naatitaaf­fin­nut taak­kunun­nga ilaavoq al­lat up­perisamin­nik at­tas­sisin­naa­titaaneran­nik isum­manil­lu aalajangersimasunik isumaqataan­ngis­sin­naati­taaneran­nik ataq­qin­nin­nis­samut pisus­saatitaaf­fik.

 Taamaat­tariaqan­ngilaq. Kik­kuugaluar­tunil­luun­niit, qanoq up­perisaqar­nerat apeq­qutaatin­nagu, ataq­qin­nin­nis­sar­put Biibilimi kajumis­saarutigineqar­poq. (1 Petrusi 2:17) Aam­ma Jehovap Nalunaajaasuisa angajoq­qaanik ataq­qin­nin­nis­samik peq­qus­sut Biibilimiit­toq naalat­tar­paat, angajoq­qaatik al­lamik up­perisaqa­raluaraanga­taluun­niit. – Efesosimiut 6:2, 3.

 Taamaak­kaluar­torli inoqar­poq Biibilimi al­las­simasunut isumaqataan­ngitsunik. Ar­naq Zambiami peroriar­tor­toq ima oqalut­tuar­poq: “Nunaq­qatima al­lamik up­perisaqaler­neq ... ilumoorfigin­nin­ngin­ner­tut, ilaqut­tanik in­nut­taaqatigiin­nil­lu kil­luus­siner­tut, isigisar­paat.” Ar­nap taas­suma taman­na nam­mineq misigaa inuusut­tuaraal­luni Jehovap Nalunaajaasuinit Biibilimik atuaq­qis­saaqa­tigineqar­talerami tamatumalu kingunin­ngua al­lamik up­perisaqaler­niarluni aalajangerami. Ima oqar­poq: “Angajoq­qaama taamaalior­nera iluarin­ngin­neraqat­taar­tuar­paat pakatsinerar­tuarlutil­lu. Angajoq­qaan­nit akuerineqar­nis­sara pingaar­teqigak­ku taman­na uan­nut imaan­naan­ngeqaaq. ... Ileq­qutoq­qat pin­nagit Jehova ilumoorfiginiarlugu aalajangerama imaan­ngilaq ilaqut­tan­nut ilumoorfigin­nin­ngitsunga.” d