មីកា ៣:១-១២
៣ ខ្ញុំនិយាយថា៖ «ឱពួកប្រមុខនៃយ៉ាកុបអើយ! សូមស្ដាប់។
ឱពួកអ្នកដឹកនាំនៃពូជពង្សអ៊ីស្រាអែលអើយ!+ សូមផ្ទៀងត្រចៀកស្ដាប់ចុះ។
តើការប្រព្រឹត្តដោយយុត្តិធម៌មិនមែនជាភារកិច្ចរបស់អ្នករាល់គ្នាទេឬ?
២ ប៉ុន្តែ អ្នករាល់គ្នាស្អប់អ្វីដែលល្អ+ ហើយស្រឡាញ់អ្វីដែលអាក្រក់វិញ។+
អ្នករាល់គ្នាបានពន្លាត់ស្បែកបណ្ដាជន ហើយចៀរសាច់ពីឆ្អឹងពួកគេ។+
៣ អ្នករាល់គ្នាក៏បរិភោគសាច់បណ្ដាជន+ ហើយពន្លាត់យកស្បែកពួកគេថែមទាំងវាយបំបាក់បំបែកឆ្អឹងពួកគេ+ ដូចជាសាច់និងឆ្អឹងដែលគេស្ងោរក្នុងឆ្នាំង។
៤ នៅគ្រានោះ ពួកគេនឹងស្រែកសុំព្រះយេហូវ៉ាជួយតែលោកមិនឆ្លើយតបនឹងពួកគេទេ។
ពេលនោះ លោកនឹងបែរមុខចេញពីពួកគេ+ព្រោះតែអំពើអាក្រក់របស់ពួកគេ។+
៥ នេះជាប្រសាសន៍របស់ព្រះយេហូវ៉ាទាស់នឹងពួកអ្នកប្រកាសទំនាយដែលនាំបណ្ដាជនឲ្យវង្វេង+ជាពួកអ្នកដែលប្រកាសថា៖ ‹មានសន្តិភាពហើយ!›+ ពេលដែលពួកគេមានអ្វីទំពា*+តែបែរជាប្រកាសធ្វើសង្គ្រាមនឹងអ្នកណាដែលមិនដាក់អ្វីនៅក្នុងមាត់ពួកគេលោកមានប្រសាសន៍ដូចតទៅ៖
៦ ‹អ្នករាល់គ្នានឹងមានភាពងងឹតដូចយប់+ ហើយនឹងលែងទទួលការបើកបង្ហាញឲ្យឃើញក្នុងគំនិតទៀត+សម្រាប់អ្នករាល់គ្នាគឺមានតែភាពអន្ធការប៉ុណ្ណោះ ហើយលែងមានការទស្សន៍ទាយទៀត។
ពន្លឺថ្ងៃនឹងលែងចែងចាំងទៅលើពួកអ្នកប្រកាសទំនាយគឺនឹងប្រែទៅជាងងឹតសូន្យសុងដល់ពួកគេវិញ។+
៧ ពេលនោះ ពួកអ្នកដែលទទួលការបើកបង្ហាញពីព្រះនឹងអាម៉ាស់មុខ+ហើយគ្រូទាយនឹងខកចិត្ត។
ពួកគេទាំងអស់គ្នានឹងបាំងមាត់ខ្លួន ព្រោះគ្មានចម្លើយពីព្រះទាល់តែសោះ›»។
៨ ចំណែកខ្ញុំវិញ ខ្ញុំពោរពេញទៅដោយកម្លាំងដែលមកពីឫទ្ធានុភាពរបស់ព្រះយេហូវ៉ាជាកម្លាំងដែលជួយខ្ញុំឲ្យប្រព្រឹត្តដោយយុត្តិធម៌និងចិត្តក្លាហានដើម្បីប្រកាសប្រាប់ដល់យ៉ាកុបអំពីការបះបោរប្រឆាំងរបស់គាត់និងដល់អ៊ីស្រាអែលអំពីអំពើខុសឆ្គងរបស់ខ្លួន។
៩ ឱពួកប្រមុខនៃពូជពង្សយ៉ាកុបអើយ! សូមស្ដាប់។
ឱពួកអ្នកដឹកនាំនៃពូជពង្សអ៊ីស្រាអែលអើយ!+ សូមផ្ទៀងត្រចៀកស្ដាប់ចុះ។
គឺពួកអ្នកដែលស្អប់យុត្តិធម៌ ហើយធ្វើឲ្យអ្វីដែលត្រង់ទៅជាវៀចវិញ+
១០ ជាពួកអ្នកដែលសង់ក្រុងស៊ីយ៉ូនដោយការបង្ហូរឈាម ហើយសង់ក្រុងយេរូសាឡិមដោយការអាក្រក់។+
១១ ពួកប្រមុខកាត់ក្ដីដោយស៊ីសំណូក+ហើយពួកសង្ឃបង្រៀនដោយយកកម្រៃ។+
រីឯពួកអ្នកប្រកាសទំនាយវិញ ពួកគេទស្សន៍ទាយដើម្បីបានប្រាក់។+
ប៉ុន្តែ ពួកគេអះអាងថាខ្លួនពឹងផ្អែកលើព្រះយេហូវ៉ា ដោយពោលថា៖
«ព្រះយេហូវ៉ានៅជាមួយយើង!+ យើងនឹងមិនជួបសេចក្ដីវេទនាឡើយ»។+
១២ ដូច្នេះ រឿងនេះនឹងកើតឡើងដោយសារតែអ្នករាល់គ្នាគឺក្រុងស៊ីយ៉ូននឹងត្រូវគេភ្ជួររាស់ ដូចជាវាលស្រែក្រុងយេរូសាឡិមនឹងទៅជាគំនរបាក់បែក+ហើយភ្នំដែលមានវិហារនឹងទៅដូចជាទីខ្ពស់នៅក្នុងព្រៃ។+
កំណត់សម្គាល់
^ ឬ«កាលដែលពួកគេកំពុងខាំ»
