សុភាសិត ៣១:១-៣១
៣១ នេះជាសម្ដីរបស់ស្ដេចលេមយួល។ សម្ដីទាំងនេះជាព័ត៌មានដ៏សំខាន់ដែលម្ដាយគាត់បានទូន្មានគាត់៖+
២ ឱកូនមាសម្ដាយអើយ កូនដែលកើតចេញពីផ្ទៃម្ដាយជាកូនដែលម្ដាយបានធ្វើសម្បថ+ម្ដាយមានពាក្យពេចន៍ចង់ប្រាប់ដល់កូន។
៣ សូមកូនកុំបង់កម្លាំងឲ្យទៅពួកមនុស្សស្រីឡើយ+ហើយកុំដើរតាមគន្លងដែលនាំឲ្យពួកស្ដេចត្រូវបំផ្លាញចោល។+
៤ ឱលេមយួលអើយ ស្ដេចមិនគួរផឹកស្រាទេស្ដេចមិនគួរធ្វើដូច្នេះឡើយហើយពួកអ្នកដឹកនាំមិនគួរនិយាយថា៖ «តើស្រាខ្ញុំនៅឯណា?»+
៥ ព្រោះពេលពួកគេផឹកស្រា ពួកគេនឹងភ្លេចច្បាប់ហើយបំពានលើសិទ្ធិរបស់មនុស្សទន់ទាប។
៦ ផ្ទុយទៅវិញ ចូរឲ្យគ្រឿងស្រវឹងដល់អស់អ្នកដែលហៀបនឹងវិនាសទៅ+ហើយចូរឲ្យស្រាដល់អ្នកណាដែលមានទុក្ខធ្ងន់។+
៧ ព្រោះពេលពួកគេផឹក ពួកគេនឹងភ្លេចភាពតោកយ៉ាករបស់ខ្លួនហើយពួកគេក៏មិនចាំអំពីទុក្ខលំបាករបស់ពួកគេទៀតដែរ។
៨ ចូរហ៊ាននិយាយជំនួសអ្នកដែលមិនអាចនិយាយការពារខ្លួនបានចូរការពារសិទ្ធិរបស់មនុស្សគ្រប់រូបដែលជិតវិនាសទៅ។+
៩ ចូរហ៊ាននិយាយ ហើយវិនិច្ឆ័យដោយសុចរិតចូរការពារសិទ្ធិរបស់*មនុស្សទន់ទាបនិងមនុស្សក្រីក្រ។+
א [អាល់ឡេហ្វ]
១០ តើអ្នកណាអាចរកបានប្រពន្ធល្អ?*+
នាងមានតម្លៃលើសអស់ទាំងត្បូង*ថ្លៃៗទៅទៀត។
ב [បេត]
១១ ប្ដីរបស់នាងទុកចិត្តនាងទាំងស្រុងគាត់មិនខ្វះខាតអ្វីដែលមានតម្លៃទេ។
ג [គីមេល]
១២ ពេញមួយជីវិតរបស់នាងនាងតបស្នងគាត់ដោយអំពើល្អ មិនមែនដោយអំពើអាក្រក់ឡើយ។
ד [ដាលេត]
១៣ នាងរកបានរោមចៀមនិងក្រណាត់សាច់ល្អនាងពេញចិត្តធ្វើអ្វីៗដោយដៃរបស់នាងផ្ទាល់។+
ה [ហេ]
១៤ នាងប្រៀបដូចជាសំពៅដឹកទំនិញ+នាងនាំយកអាហារមកពីកន្លែងឆ្ងាយ។
ו [វ៉ោ]
១៥ មិនត្រឹមតែប៉ុណ្ណោះ នាងក្រោកឡើងកាលដែលមេឃនៅងងឹតនៅឡើយនាងត្រៀមអាហារសម្រាប់ក្រុមគ្រួសារព្រមទាំងចែកអាហារដល់អ្នកបម្រើស្រីៗរបស់នាងទៀតផង។+
ז [ហ្សាយីន]
១៦ នាងគិតពិចារណាយ៉ាងហ្មត់ចត់អំពីដីស្រែ រួចទើបនាងទិញដីនោះនាងធ្វើចម្ការទំពាំងបាយជូរយ៉ាងនឿយហត់។*
ח [ហេត]
១៧ នាងត្រៀមខ្លួនដើម្បីធ្វើការធ្ងន់+ហើយនាងប្រើដៃធ្វើការយ៉ាងខ្នះខ្នែង។
ט [ថេត]
១៨ នាងឃើញថាជំនួញរបស់នាងទទួលបានកម្រៃល្អ។
ទោះជាយប់ក៏ដោយ ក៏ចង្កៀងរបស់នាងមិនរលត់ដែរ។
י [យ៉ូដ]
១៩ ដៃរបស់នាងចាប់ខ្នារព្រមទាំងកាន់រហាត់*ផងដែរ។+
כ [កាប]
២០ នាងលាតដៃជួយមនុស្សទន់ទាបហើយនាងលាដៃជួយជនទ័លក្រ។+
ל [ឡាមេត]
២១ នៅរដូវរងា នាងមិនបារម្ភអំពីពួកអ្នកផ្ទះរបស់នាងទេព្រោះពួកគេទាំងអស់គ្នាមានសម្លៀកបំពាក់កក់ក្ដៅ។*
מ [មេម]
២២ នាងធ្វើកម្រាលគ្រែដោយខ្លួនឯងសម្លៀកបំពាក់របស់នាងធ្វើពីក្រណាត់សាច់ល្អនិងរោមចៀមពណ៌ស្វាយ។
נ [នុន]
២៣ មនុស្សនៅទ្វារកំពែងក្រុងស្គាល់ប្ដីរបស់នាងគ្រប់គ្នា+គាត់អង្គុយជាមួយនឹងពួកបុរសចាស់ទុំនៃស្រុកនោះ។
ס [សាមេក]
២៤ នាងធ្វើសម្លៀកបំពាក់*ពីក្រណាត់សាច់ល្អ ហើយនាងក៏លក់វាដែរ។
នាងជួញដូរខ្សែក្រវាត់ដល់ពួកអ្នកជំនួញ។
ע [អាយីន]
២៥ នាងមានចិត្តក្លាហាន ហើយអ្នកឯទៀតគោរពរាប់អាននាង។
នាងសម្លឹងទៅអនាគតដោយមានទំនុកចិត្ត។
פ [ភេ]
២៦ នាងនិយាយដោយប្រាជ្ញា។+ពេលនាងទូន្មាន នាងតែងតែប្រើសម្ដីសប្បុរស។*
צ [សាដេ]
២៧ នាងមើលថែរក្សាក្រុមគ្រួសារហើយនាងមិនមែនជាស្ត្រីខ្ជិលច្រអូសទេ។+
ק [ឃូហ្វ]
២៨ កូនៗក្រោកឡើងសរសើរនាងប្ដីនាងក៏ក្រោកឡើងសរសើរនាងដែរ។
ר [រ៉េស]
២៩ មានស្ត្រីល្អៗ*ជាច្រើនប៉ុន្តែ នាងជាស្ត្រីល្អលើសគេ។
ש [ស៊ីន]
៣០ រូបឆោមឆាយអាចជាការបោកបញ្ឆោត ហើយសម្រស់មិននៅគង់វង្សរហូតទេ+តែស្ត្រីដែលកោតខ្លាចព្រះយេហូវ៉ានឹងទទួលបានការសរសើរ។+
ת [ថាវ]
៣១ ចូរឲ្យរង្វាន់ដល់នាងចំពោះកិច្ចការដែលនាងបានធ្វើ+ចូរសរសើរនាងនៅទ្វារកំពែងក្រុង ដោយសារកិច្ចការរបស់នាង។+
កំណត់សម្គាល់
^ ឬ«ការពារក្ដីឲ្យ»
^ ឬ«ប្រពន្ធដែលមានសមត្ថភាព»
^ ន័យត្រង់«ផ្កាថ្ម»។ មើលនិយមន័យពាក្យ«ផ្កាថ្ម»
^ ឬ«ដោយប្រាក់ដែលនាងរកបាន»
^ ខ្នារនិងរហាត់ជាឈើដែលប្រើសម្រាប់រវៃ ឬធ្វើអំបោះនិងសរសៃសូត្រ
^ ន័យត្រង់«សម្លៀកបំពាក់ពីរជាន់»
^ ឬ«សម្លៀកបំពាក់ក្នុង»
^ ន័យត្រង់«ច្បាប់នៃសេចក្ដីសប្បុរសនៅលើអណ្ដាតនាង»
^ ឬ«ស្ត្រីដែលមានសមត្ថភាព»
